محتاره جداااا ومحتاجه مساعدتكم عن الالتو

**basmanet2000** · 04-10-2008 01:08 PM

السلام عليكم
يا جماعه من فضلكم هو الالتو الجديده لو نزلت كده قطع غيار الالتو القديمه هتقل ؟
وايه اصلا نظام قطع غيار الالتو القديمه ؟
هل هي متوافره في التوكيل وبره ؟
وكمان ايه سعر اعادة البيع
طبعا زي ما واضح اني كنت بفكر اشتري الالتو بس القديمه العاديه ال800 سي سي من غير تكييف ولا اي حاجه يعني علي اد فلوسي القسط كمان لانها مش كاش
فطبعا عشان قسط عاوزه حاجه تقعد معايا لغاية مااسدد القسط وتبقى بتاعتي
ومحتاره موووووووووووووت اشتريها ولا هتدبس فيها ؟
وقطع الغيار لاني يعني المصاريف هتكون ايه نظامها ؟
محتاره موووووووووت بقالي اكتر من سنه كامله بفكر اشتري عربيه و كنت خلاص هستقر علي اللادا 1107 بس لقيت كله بيحكي علي صعوبه السواقه ودي اول مره في حياتي هسوق ومرعوبه اصلا
ومش عاوزه مناهده انا كل مشاويري لمطار القاهره و 6 اكتوبر وبهدله موووووووووت
فمش عارفه حاسه اني هجاهد باللادا فايه رايكم اتوكل علي الله واشتري الالتو ؟
ولا الجديده هتخليها ملهاش قطع غيار ؟
ملحوظه انا مش بفهم اي حاجه في العربيات ساعدوني من فضلكم في التفكير انتم اكتر خبره ودرايه مني بكتيييييييييييييير

**y_omran** · 06-10-2008 12:39 AM

بصى انا احترت زيك بالضبط و كنت ناوى على اللادا لحد ما واحد من اصحابى اشتراها زيرو و يعد شهر او شهر و نصف عرضها للبيع و خسر فيها 5000 جنية لانها جننته عربية بيتغير فيها طلمبة المية بعد ما تخرج من المصنع دة كلام - المهم توكلت على الله و اشتريت التو 800 سى سى تكييف و باسافر بيها و باروح شغلى و هية عربية تحفة و رائعة و تكييفها ممتاز - نصيحة اشتريها بتكييف و فرق السعر 3000 جنية بس هتحسى بالفرق فى الحر و ربنا يوفقك

**أبو عبدالله** · 06-10-2008 01:34 AM

ممكن نعرف امكانيات حضتك او حدود الفلوس كام بالظبط علشان نشوف الأختيارت ايه ؟؟

**Ahmed Hassan** · 06-10-2008 04:09 PM

متخافيش... مش معنى ان موديل جديد نزل ان قطع غيار الموديل الأقدم هتنقرض. من ناحيه تانيه.. الأفضل تجيبي المكيفه و فرق الفلوس مع القسط تقريبا مش هيفرق حاجه

**basmanet2000** · 19-10-2008 03:57 PM

شكرا جزيلا لردودكم حقيقي
انا بالنسبه لي امكانياتي اني ادفع 15000
والقسط ممكن يوصل كحد اقصي هو والتامين لو قسط علي بعض ل1000
بس كده
وبصراحه لسه محتاره بينها الالتو التكيف
و اللادا كامله باور عشان بيقولوا اسهل في السواقه ب 55000
ايه رايكم ؟