الموضوع: مين في التلاتة دول

سؤال :)
اشمعنا الانسينيا والباسات سى سى وال 316 !!
اولا الانسينيا لسة منزلتش ومنعرفش هتنزل امتى ولا المواتير اللى هتنزل بيها هنا وطبيعى محدش جربها
الباسات السى سى انا فاكر لما شوفتها فى المعرض مكانتش 1.6 كانت 1.8 او 2.0 مش فاكر ودى كانت اول واخر مرة شوفت فيها العربية دى اعتقد انها كانت نازلة دعاية مش لهدف التسويق
اية اللى جاب ال 316 ليهم؟؟ ممكن تطلع اصغر موتور فيهم - معرفش الانسينيا هتنزل هنا كام - وهى الوحيدة اللى متجربة الباسات شوفناها مرة واحدة والانسينيا صور بس ومبنقارنش بين عربية صينى وعربية ماركة معروفة مثلا - بمعنى ان المقارنة محسومة طبعا من قبل مايبقى فية مقارنة اصلا- لأ بنقارن بين 3 عربيات لشركات كبيرة وال 3 نفس الفئة الحجمية
فا اللى هيختار هيختار على اى اساس؟!

هي في للأنسينيا موتور 1600 115 حصان مش عارف ده هو اللي هاينزلوا و لا لأ الله أعلم.
و الباسات كانت 1.8 160 حصان Tsi .

بس الخامسة اللي هي 520 160 حصان بس مش بال525 اللي هي 212 حصان مش عارف ليه أوبل مبتنزلش غير 1600 مع أنها عندها 2000 و الأسترا 2010 هتبقي 1800 240 حصان يا رب أوعدنا.
ليه مبتعملش زي BMW and Mercedes و ينزلوها بمواتيرها الأصلية بالقوة الأصلية.
أعوذ بالله من التوكيلات الحرامية دول.
Opel will also work on a VXR version of the 2010 Astra. The vehicle is going to be powered by a new 1.8 liter engine capable
to develop 240 hp

مش عارف ليه أوبل مبتنزلش غير 1600 مع أنها عندها 2000 و الأسترا 2010 هتبقي 1800 240 حصان يا رب أوعدنا.
ليه مبتعملش زي BMW and Mercedes و ينزلوها بمواتيرها الأصلية بالقوة الأصلية.

المشاركة الأصلية كتبت بواسطة Ahmad Allawy

عشان المرسيدس و البي ام الناس واخده هنا انها غالية و محدش بيركبها غير اللي هيقدر يدفع التمن ده.. لكن متعودين ان الاوبل الارخص.. و اصغر..
و تعود الناس علي المرسيدس خاصة.. يخلي الناس تختارها حتي لو في حاجات تانية افضل منها في فئات معينة.. و بسعر اقل..

+100
كل الشركات كدة مش اوبل بس يعنى لو هنتكلم على الالمانى تحدبدا فولكس نفس الموضوع ودة مش عيب شركات ولا عربيات دة عيب فينا احنا المصريين برة بيعمل مواتير كتير واوبشنز كتير علشان كافة الاحتياجات والعميل يحدد احتياجاتة ويشوف مميزات وعيوب كل عربية ويقرر ويشترى انما هنا لأ مادام الفلوس اللى معاك تجيب بى ام او مرسيدس او حتى قريبة منها يبقى هى البى ام او المرسيدس بغض النظر عن عيوبها او هل هى بتلبى احتياجاتك ولا لأ وبالتالى اى عربية ايا كان نوعها ولا شكلها فى الفئة السعرية دى محكوم عليها بالفشل والاعدام من قبل متنزل ولا الناس تشوفها حتى , زى المقارنة هنا معظم الناس قالت 316 بالرغم من انها اصغرهم موتور واقدمهم شكل وممكن كمان كماليات اقل ودة السبب انك مش هتلاقى مواتير اعلى فى الفكترا والباسات
فا كل التوكيلات وبالذات اللى فى نفس فئة البى او المرسيدس - مثال : الفكترا والباسات والفئة التالتة وال C - بيقلل من الكماليات ومواتير اصغر علشان يعمل فرق فى السعر ويبيع
على فكرة اقل مواتير وكماليات اللى بتجيلنا هنا حتى البى ام والمرسيدس
مثال فى الفكترا برة بداية الكلام بتاعهم 2.0 ايكوتك (المواتير الاصغر قليلة ) ومعاك لحد 3.2 دا غير التربو والكلام دة وطبعا غير الكماليات اللى عمرنا مشوفناها هنا ولا هنشوفها

كلام جميل و مقنع و أنا بشكركم أنت و أحمد علي الردود السريعة و كل سنة و أنتوا طيبين فرقعتوا بومب و لا لسة.
و مقتوليش أيه رأيكم في الأسترا 2010.

و في كمان حاجة لما بصيت علي ال316 من جوه ملقتش كلمة Airbag علي الدريكسيون أنا مش أصدي أنها مفهاش بس أيه الفكرة في كدة ده حتي لو مش فاهم حاجة في العربيات و شافها هيقول مفهاش AIRBAG أصل أحنا في مصر.