موضوع احصائي : اشتريت حاجه من علي النت قبل كده ؟

**LegendJo** · 28-03-2014 03:06 AM

المشاركة الأصلية كتبت بواسطة ahmedelfeky

[color="blue"]موضوع مميز وفعلا انا لسه كان شاغل بالي من يومين لأن انا معايا hsbc debit card عليها لوجو visa لكن للاسف لا تصلح للشراء اون لاين حتي لم تقبل paypal لكن ممكن اشتري بيها من اي محل عادي او هيبر ماركت
فكرت اني اطلع visa card بس جالي وسواس قهري طيب افرض حصل hacking علي البطاقه بتاعتي وفوجئت برصيدي بيطير واتسرق خصوصا لان في مصر مفيش كنترول اوي او حد هيعرف يرجع حقك ....
فموضوعك جاي في وقته خصوصا ان في حاجات في مصر كتير اسعارها مغالي فيها خصوصا الالكترونيات والموبايلات لاني بسافر كتير بره مصر فمتأكد من المعلومه دي......

افضل حل لاقيته هو موقع أدفعلي the world is just a click away! - edfa3ly

[overline]انا لسه لم استخدمه لكن مميزاته كالاتي :[/overline]

1-تقدر من خلاله تشتري اي حاجه من امريكا (حتي البضائع التي لا تشحن خارج امريكا ) لانهم ليهم مكتب هناك لان بعض السلع عند اكتشاف ان بطاقه المشتري صادره من خارج امريكا يتم الرفض (هم باختصار بشتروا السلعه بدالك وبعدين يحاسبوك.
2-بيحسبلك كل التكاليف شامل تمن خدمته اللي هي 7 دولار لكل كيلو جرام والشحن والجمارك قبل ما تأكد عمليه الشراء.
3-تعدديه طرق الدفع ممكن التحويل علي حسابهم او زياره مكتبهم في القاهره والفع كاش او فيزا او الدفع بفيزا علي الموقع الخاص بهم وبيتم دفع تمن السلعه فقط انما باقي الحساب عند الاستلام
4-متابعه الاوردر

[overline]طيب بيشتغل ازاي
[/overline]
1-لازم تعمل حساب علي الموقع بتاعهم .
2-بتاخد لينك المنتج اللي عاجبك من ebay او amazon وتحط اللينك في الموقع
3-يتم حساب التكلفه الاجماليه لغايه وصول المنتج لباب بيتك

وده شرح بالفيديو

https://www.youtube.com/watch?v=ftil-hy9utk#t=54

تحياتي

اللي اعرفه انه في كروت يا باشا مش بيبقى عليها آي رصيد عشان تستخدمها اونلاين، لما تحب تستخدمها بتحول عليها من حسابك وتشتري بيها وخلاص كدة ، عشان السرقه.

**MohamedElfeky** · 28-03-2014 07:57 PM

المشاركة الأصلية كتبت بواسطة legendjo

اللي اعرفه انه في كروت يا باشا مش بيبقى عليها آي رصيد عشان تستخدمها اونلاين، لما تحب تستخدمها بتحول عليها من حسابك وتشتري بيها وخلاص كدة ، عشان السرقه.

لو ممكن معلومات اكتر عن الكروت دى وشكرا مقدما

**A_H_M_A_D** · 29-03-2014 12:32 PM

بالنسبة للشراء من موقع امازون , فأنا ليه تجربه اني اشتريت ساعه من عندهم عن طريق موقع إدفعلي , والساعه وصلت بعد 25 يوم , وكانت تجربه كويسه عيبها الوحيد التأخير في الشحن

على فكره نفس الساعه دي لو كنت اشتريتها مباشرة من الموقع كنت هادفع شحن أكتر من اللي دفعته

انا اشتريت كمان كذا مره من سوق دوت كوم دبي , بس لازم ابعتلهم صورة الباسبور عشان يتأكدوا اني صاحب الفيزا و مش سارقها

**horas3000** · 29-03-2014 01:04 PM

تمام متشكر للجميع

**BUNSH** · 29-03-2014 02:22 PM

أنا دائما ببعت اللينكات للقاريبى اللى فى كندا وانجلترا وهما يشتروا ويجبوهالى وهما نازلين ,, بس أول مرة اتعاملت مع موقع Yashry هوة تبع Edfa3lY وقولت اشترى حاجة صغيرة *كنت محتاجة وفى نفس الوقت اجربهم* بس الحاجة وصلت وقيد التسليم ..

**أبو آسر** · 29-03-2014 09:23 PM

أنا ليا عشرات التجارب في البيع والشراء من مواقع مختلفة منها سوق دوت كوم وأمازون
سوق دوت كوم محتاج تشتري حاجة تكون معروفة مش مبهمة ، يعني أنا اشتريت سامسونج جالاكسي تاب 3 16 جيجا مكنش لسة منتشر في مصر كان الموجود 8 جيجا بس وكان سعره في الموقع تقريبا نفس سعر ال8 جيجا ووصلني في المعاد ومفيهوش أي مشكلة وكانت تجربة ناجحة بصراحة
لكن اشتريت قبل كده بعض المنتجات الصينية الرديئة زي حامل الصابون السنسور اللي تحط إيدك تحته ينزل الصابون من غير ما تدوس على أي حاجة بس طبعا كان فاشل وبايظ لأنه منتج صيني رديء ورخيص ومش منتشر علشان أقدر أحكم عليه
لكن في الجملة التجربة كانت إيجابية ويفضل تشتري الحاجة اللي الموقع نفسه عارضها مش تجار بيبيعوا على الموقع لأنهم لازم بيزودوا في سعر الحاجة عن السوق علشان هما كدا كدا بيدفعوا عمولة 5% للموقع فطبعا هيحملوك انت العمولة دي زائد إن الحاجة مش مضمونة لأن مفيش رقابة عليها من الموقع كل ما هنالك إنك لو اكتشفت انها بايظة أو غير مطابقة للمواصفات بتعمل طلب استرجاع وده حلني بقى على ما المندوب يروحلك تاني وياخدها ويرجعها للبائع والبائع يتكرم ويحول الفلوس للموقع والموقع يتكرم ويحطلك الفلوس في حسابك !
أما أمازون فاشتريت بعض اكسسوارات للموبايل النوت 3 أول ما نزل ومكنش لسة في اكسسوارات ليه حتى لزقة الشاشة دوخت عليها في أكبر المحلات وملقيتهاش ! فاشتريت من أمازون لزقة شاشة وجراب وقاعدة شحن وبعض الحاجات الصغيرة وشحنتهم على عنوان صديق ليا مقيم بأمريكا وجابهملي وهو راجع والحاجة وصلته في المعاد مظبوط وسعرها ممتاز وجودتها رائعة وقمة في الانضباط بصراحة

**jackson_75** · 30-03-2014 10:21 PM

المشاركة الأصلية كتبت بواسطة a_h_m_a_d

بالنسبة للشراء من موقع امازون , فأنا ليه تجربه اني اشتريت ساعه من عندهم عن طريق موقع إدفعلي , والساعه وصلت بعد 25 يوم , وكانت تجربه كويسه عيبها الوحيد التأخير في الشحن

على فكره نفس الساعه دي لو كنت اشتريتها مباشرة من الموقع كنت هادفع شحن أكتر من اللي دفعته

انا اشتريت كمان كذا مره من سوق دوت كوم دبي , بس لازم ابعتلهم صورة الباسبور عشان يتأكدوا اني صاحب الفيزا و مش سارقها

الفرق فى السعر بين أمازون وأدفعلى كان كام تقريباً يا أستاذ أحمد

مشاهدة نتائج الإستطلاع: هل سبق لك الشراء عن طريق الانترنت و ما مدي رضائك

الموضوع: موضوع احصائي : اشتريت حاجه من علي النت قبل كده ؟

LinkBack

أدوات الموضوع

عرض

-

-

-

المواضيع المتشابهه

هو لازم ادبح حاجه بعد لما اشتريت العربيه ؟؟ و ليه ؟؟

اشتريت الاسترا2005 ومش فاهم فيها اى حاجه

اشتريت جيتز و مش فاهم حاجه :)

برجاء النصح والارشاد: اشتريت لاب توب من علي النت وجة غير ايلي طلبتة

موضوع احصائي : في رايك الستاير الكبس عملية ؟؟

الكلمات الدلالية لهذا الموضوع

المفضلات

المفضلات

ضوابط المشاركة