زي ما العنوان بيقول
اشتريت حاجه من علي النت قبل كده ؟
و ايه مدي رضائك عن الفكره نفسها ؟
عرض للطباعة
زي ما العنوان بيقول
اشتريت حاجه من علي النت قبل كده ؟
و ايه مدي رضائك عن الفكره نفسها ؟
انا مدمن شراء من على النت , بشتري من مواقع كتير أهمها سوق دوت كوم , شاري منه لغايه دلوقتي 45 حاجه :)
طبعا انا شايف ان الشرا من على النت ممتع و مريح , كفايه ان الحاجه بتوصلني لغاية عندي وانا مرتاح
بشتري كتير من بره وجوه مصر والموضوع لذيذ بس ابوخ حاجه انتظار الحاجه اللي بتتشحن من بره بيبقى الواحد متشوقلها لمده شهر.
اشتريت قبل كده من سوق.كوم ومن علي اكسبرس والتجربتين ممتازين الحمد لله.
كتير واغلب مشترياتي من امازون وايباي وبعض المواقع الاخري ودائما كل الي بشتريه بشوف اذا كان متوفر هنا الاول واذا لا وكنت محتاجه اطلبه من برا
اها اشتريت من سوق وايباي وموقع صيني
وتقريبا الحاجات اللي جبتها مكنتش متوفره اصلا ف البلد اللي انا فيها او سعرها ارخص بكتير
from souq.com
good shopping experience
لا مجربتش قبل كده
90% من الالكترونيات بشتريها من على الانترنت ومن امازون تحديدًا والحاجة بتوصلي لحد باب البيت من امريكا في 5 أيام أو 7 أيام لو كان فيه يوم جمعه في النص او اجازة.
وبشتري من سوق كتير وكل حاجة بتوصل سليمه وزي ما هيّ موصوفه "بس اشتري من سوق نفسها احسن، والseller DOD-EGY أو حاجة كدة" ولسه طالب من سوق والحاجة وصلتني تاني يوم على طول.. ومشتري من 3 ايام من امازون والحاجة في القاهره دلوقتي.
أشتريت من أمازون و إي باي عن طريق إدفعلي و راضي تماما عن التجربه و القطع اللي بتيجي بتبقي أفضل من اللي بيوفرها الوكيل في مصر و أرخص غالباً
اللي يغيظ بقي إن فيه قطع غيار إستيراد سعرها في السوق عندنا ضعف تكلفة شرائها من الخارج إستيراد
للعلم تجربتي كانت في حاجات خفيفه وزناً
باشتري كتير من أمازون وغيره بس بابعت على حد في أمريكا أو إنجلترا وهو بيجيبهالي وهو راجع
إشتريت مره واحده تي شيرت وبعته على مصر وكانت النتيجه مأسويه
التيشيرت كان بـ 100 جنيه دفعت عليه 150 جنيه جمرك :)
تمام
متشكر جدا لكل اللي شاركوا
و في انتظار المزيد منها :)
بشتري كتير من على النت, أغلب الحاجات اللي بشتريها بتكون ملابس أو ألكترونيات لو حاجة مش متوفرة في مصر..
و بالتأكيد راضي جداً عن التجربة..
بالنسبة للشراء من بره مصر من امازون مثلا
كيف يتم احتساب تكلفة الشحن والجمرك ؟
اشتريت قبل كده من سوق وكان تمام
بس منصحش تشترى حاجه الا لما تباه عارف موديلها وماركتها كويس
الحاجه شكلها ف الواقع غير النت شوية
بشترى عاده الحاجات الىل مببقاش عارف اشتريها منين
انا اشتريت من جوميا قبل كده والحاجة جت في 4 ايام ، وبصراحة الحاجة كانت احلى من النت
:d أه واشتريت ورد على الانترنت قبل كده ووصل بعد ساعتين للمستلم زي اللي كان في الصورة بالظبط :d
ليا تجربتين في الشراء من خلال الانترنت
الاولى جهاز كمبيوتر والثانيه موبايل سامسونج جلاكسي
والتجربتان كلاهما ناجحتان وراضي جدا عن هذا
هو الموضوع لذيذ فى حد ذاته :)
ولى تجربة أولى وأخيرة سيئة مع سوق.كوم
وكذا تجربة فى e3050 ونفسك.كوم وكانوا مرضيين وناس محترمة
طيب حد جرب يشتري الكتب المستعمله من علي امازون و يشحنها مباشره الي مصر، حاولت مره او اتنين و كل ما اختار الكتاب يقولي لا نشحن الي مصر و لما اجرب الكتاب النيو
السكه تمشي عادي
الموضوع فعلا لذيذ .. بس لما بيبقي في حاجه نفسي فيها جدا مبقدرش أنتظر الحقيقه ..
زي ما أخوتي الكرام قالوا في المشاركات السابقه ..
لو امكن الناس تحكيلنا تجاربها في الشراء من الانترنت
يعني المنتج كان ايه ولو أمكن لينك المنتج وسعره ودفعت كام جمارك وضريبه عليه وكل تفاصيل الشحن والوقت لحين وصوله كان قد ايه
لعل الاعضاء يستفيدوا من التجارب والفائدة تعم علي الجميع
افيدونا افادكم الله
وجزاكم الله خيراً
يا ريت اى حد من الى المتعاملين مع الشراء من الخارج يشرحلنا افضل وابسط طريقة للشراء من امازون او ايباى جزاه الله كل خير
متشكر جدا لكل اللي شارك
و بشكل عام كده واضح ان الموضوع منتشر الي حد ما
و ان الناس عموما متقبله الفكره الي حد كبير و اللي مجربش معندوش مانع يجرب
شكرا ليكم مره تانيه و في انتظار مزيدا من المشاركات و الاراء
موضوع جميل جدا ً ، أشكر صاحب الموضوع على الفكرة
كنت حاولت اعمل موضوع شبيه له أمبارح ولكن الناس بخلانة علية بالرد ، ههههههههه
http://www.nilemotors.net/Nile/412683-a.html
طب بالنسبة للناس اللى أشتريت من موقع أمازون
- هل لازم تدفع عن طريق الماستر كارد ولا ممكن تدفع لما الحاجة تيجى البيت ، ولو الحاجة طلعت بايظة ماهى الاجراءات المتبعة فى ترجيعها
- كيف بيتم حساب الجمارك على الاشياء الالكترونية
ملحوظة // موقع أمازون كتير بيرفض الشحن الكثير من البضائع لمصر ، فكيف يتم التعامل مع هذه المشكلة هل من الممكن الشحن عبر أى شركة أخرى يكون لدى حساب عليها مثل أرامكس ؟!!
برجاء الرد لتعم الافادة على الجميع
[COLOR="Blue"]موضوع مميز وفعلا انا لسه كان شاغل بالي من يومين لأن انا معايا HSBC Debit Card عليها لوجو Visa لكن للاسف لا تصلح للشراء اون لاين حتي لم تقبل Paypal لكن ممكن اشتري بيها من اي محل عادي او هيبر ماركت
فكرت اني اطلع Visa card بس جالي وسواس قهري طيب افرض حصل hacking علي البطاقه بتاعتي وفوجئت برصيدي بيطير واتسرق خصوصا لان في مصر مفيش كنترول اوي او حد هيعرف يرجع حقك ....
فموضوعك جاي في وقته خصوصا ان في حاجات في مصر كتير اسعارها مغالي فيها خصوصا الالكترونيات والموبايلات لاني بسافر كتير بره مصر فمتأكد من المعلومه دي......
افضل حل لاقيته هو موقع أدفعلي The World is Just A Click Away! - Edfa3ly
[OVERLINE]انا لسه لم استخدمه لكن مميزاته كالاتي :[/OVERLINE]
1-تقدر من خلاله تشتري اي حاجه من امريكا (حتي البضائع التي لا تشحن خارج امريكا ) لانهم ليهم مكتب هناك لان بعض السلع عند اكتشاف ان بطاقه المشتري صادره من خارج امريكا يتم الرفض (هم باختصار بشتروا السلعه بدالك وبعدين يحاسبوك.
2-بيحسبلك كل التكاليف شامل تمن خدمته اللي هي 7 دولار لكل كيلو جرام والشحن والجمارك قبل ما تأكد عمليه الشراء.
3-تعدديه طرق الدفع ممكن التحويل علي حسابهم او زياره مكتبهم في القاهره والفع كاش او فيزا او الدفع بفيزا علي الموقع الخاص بهم وبيتم دفع تمن السلعه فقط انما باقي الحساب عند الاستلام
4-متابعه الاوردر
[OVERLINE]طيب بيشتغل ازاي
[/OVERLINE]
1-لازم تعمل حساب علي الموقع بتاعهم .
2-بتاخد لينك المنتج اللي عاجبك من eBay او Amazon وتحط اللينك في الموقع
3-يتم حساب التكلفه الاجماليه لغايه وصول المنتج لباب بيتك
وده شرح بالفيديو
https://www.youtube.com/watch?v=FtIl-Hy9uTk#t=54
تحياتي
بالنسبة للشراء من موقع امازون , فأنا ليه تجربه اني اشتريت ساعه من عندهم عن طريق موقع إدفعلي , والساعه وصلت بعد 25 يوم , وكانت تجربه كويسه عيبها الوحيد التأخير في الشحن
على فكره نفس الساعه دي لو كنت اشتريتها مباشرة من الموقع كنت هادفع شحن أكتر من اللي دفعته
انا اشتريت كمان كذا مره من سوق دوت كوم دبي , بس لازم ابعتلهم صورة الباسبور عشان يتأكدوا اني صاحب الفيزا و مش سارقها
تمام متشكر للجميع
أنا دائما ببعت اللينكات للقاريبى اللى فى كندا وانجلترا وهما يشتروا ويجبوهالى وهما نازلين ,, بس أول مرة اتعاملت مع موقع Yashry هوة تبع Edfa3lY وقولت اشترى حاجة صغيرة *كنت محتاجة وفى نفس الوقت اجربهم* بس الحاجة وصلت وقيد التسليم ..
معظم الحاجات مش بتتشحن لمصر علي امازون
Sent from my Nexus 5 using Forum Runner
أنا ليا عشرات التجارب في البيع والشراء من مواقع مختلفة منها سوق دوت كوم وأمازون
سوق دوت كوم محتاج تشتري حاجة تكون معروفة مش مبهمة ، يعني أنا اشتريت سامسونج جالاكسي تاب 3 16 جيجا مكنش لسة منتشر في مصر كان الموجود 8 جيجا بس وكان سعره في الموقع تقريبا نفس سعر ال8 جيجا ووصلني في المعاد ومفيهوش أي مشكلة وكانت تجربة ناجحة بصراحة
لكن اشتريت قبل كده بعض المنتجات الصينية الرديئة زي حامل الصابون السنسور اللي تحط إيدك تحته ينزل الصابون من غير ما تدوس على أي حاجة بس طبعا كان فاشل وبايظ لأنه منتج صيني رديء ورخيص ومش منتشر علشان أقدر أحكم عليه
لكن في الجملة التجربة كانت إيجابية ويفضل تشتري الحاجة اللي الموقع نفسه عارضها مش تجار بيبيعوا على الموقع لأنهم لازم بيزودوا في سعر الحاجة عن السوق علشان هما كدا كدا بيدفعوا عمولة 5% للموقع فطبعا هيحملوك انت العمولة دي زائد إن الحاجة مش مضمونة لأن مفيش رقابة عليها من الموقع كل ما هنالك إنك لو اكتشفت انها بايظة أو غير مطابقة للمواصفات بتعمل طلب استرجاع وده حلني بقى على ما المندوب يروحلك تاني وياخدها ويرجعها للبائع والبائع يتكرم ويحول الفلوس للموقع والموقع يتكرم ويحطلك الفلوس في حسابك !
أما أمازون فاشتريت بعض اكسسوارات للموبايل النوت 3 أول ما نزل ومكنش لسة في اكسسوارات ليه حتى لزقة الشاشة دوخت عليها في أكبر المحلات وملقيتهاش ! فاشتريت من أمازون لزقة شاشة وجراب وقاعدة شحن وبعض الحاجات الصغيرة وشحنتهم على عنوان صديق ليا مقيم بأمريكا وجابهملي وهو راجع والحاجة وصلته في المعاد مظبوط وسعرها ممتاز وجودتها رائعة وقمة في الانضباط بصراحة