إيه علامات البطارية اللي بتودع

**mohamed_selim** · 23-04-2014 05:18 PM

المشاركة الأصلية كتبت بواسطة ahmedfathi

مش هيلحق ينام ويصحى
انا كانت شغاله زى الفل عندى طول اليوم وانا مروح من الشغل دورت العربيه دارت زى الفل مفيش حاجه خالص وفى نص الطريق وقفت جنب كشك اشترى ميه وحاجه ساقعه وكده

وجيت ادور العربيه حلفت انه ما تدور وكان يوم ما يعلم بيه الا ربنا وما دارتش الا بوصله من سواق تاكسى وبدل ما كنت هاطلع ع البيت طلعت ع التوكيل عشان اتاكد انها بطاريه لانى كنت لسه فى الضمان ومن التوكيل طلعت ع البنك عشان اسحب فلوس من المكنه لانى مكنش معايا فلوس فى المحفظه كفايه
ومن البنك طلعت على محل بطاريات وروحت البيت الساعه 9 بالليل فى اليوم ده خلصان

معلش هى فعلا بتيجى فجأه و يمكن من حسن الحظ انها تحصل تحت البيت او تحت الشغل بس مش فى النص و انت بتجيب حاجه :)

**Abo Yasso** · 23-04-2014 05:40 PM

البطارية منفوخه

**شريف** · 28-06-2014 05:30 PM

استفسار لو العربية مبتدورش و هي سخنة و لازم تبرد
يبقي عيب البطارية ؟؟؟ خصوصا ان العيب دة مظهرش الا في جو حر النهاردة
شحن الدينامو كويس قستة و انا بعمل وصلة من كهربائي

اغيرها ولا اشوف طريقة تبريد للبطارية
مرة شفت موضوع عن لف البطارية بفويل بتاع البوتاجاز ؟

**enayat** · 28-06-2014 11:20 PM

[QUOTE=ahmedfathi;3875536999]مش هيلحق ينام ويصحى
انا كانت شغاله زى الفل عندى طول اليوم وانا مروح من الشغل دورت العربيه دارت زى الفل مفيش حاجه خالص وفى نص الطريق وقفت جنب كشك اشترى ميه وحاجه ساقعه وكده

وجيت ادور العربيه حلفت انه ما تدور وكان يوم ما يعلم بيه الا ربنا وما دارتش الا بوصله من سواق تاكسى وبدل ما كنت هاطلع ع البيت طلعت ع التوكيل عشان اتاكد انها بطاريه لانى كنت لسه فى الضمان ومن التوكيل طلعت ع البنك عشان اسحب فلوس من المكنه لانى مكنش معايا فلوس فى المحفظه كفايه
ومن البنك طلعت على محل بطاريات وروحت البيت الساعه 9 بالليل فى اليوم ده خلصان[/QUOTE
نفس الي حصل معايا النهاردة بالظبط دورت العربية وروحت بيها مشوارين وفي التالت جيت ادورها حلفت ماهي شغاله بالصدفة كنت جمب ميكانيكي شافها قال بطارية. ودورها لي ومشيت طلعت علي كهربائي قال بطارية برضه طلعت اشتريت بطارية وركبتها بس الحمد لله كل ده في ساعتين

**mohamed_selim** · 29-06-2014 01:49 PM

المشاركة الأصلية كتبت بواسطة شريف

استفسار لو العربية مبتدورش و هي سخنة و لازم تبرد
يبقي عيب البطارية ؟؟؟ خصوصا ان العيب دة مظهرش الا في جو حر النهاردة
شحن الدينامو كويس قستة و انا بعمل وصلة من كهربائي

اغيرها ولا اشوف طريقة تبريد للبطارية
مرة شفت موضوع عن لف البطارية بفويل بتاع البوتاجاز ؟

ممكن متكونش بطاريه .. ممكن تكون طرمبة بنزين هى اللى من اعراضها عدم الدواره مع الحر
و بالنسبه للبطاريه ممكن تكون اللحامات بتاعة الكابلات مع الحر بتعمل مقاومه فالبطاريه متشحنش بس دى لما تبرد البطاريه بتكون فاضيه و لازم تتشحن

**شريف** · 29-06-2014 04:40 PM

زمان كان معايا شاهين و لما كان بيحصل كدة كنت بحط منديل مبلل علي طلمبة للبنزين و ادور . طب دلوقتي في ابانوس اعمل اية افك الكنبة الورانية ؟

**mohamed_selim** · 29-06-2014 09:21 PM

طيب مانتاعارف النظام... كل الفيات القديم كان كده
معرفش مع العربيات الجديده هتعمل ايه بس اشترى واحده خليها معاك

**شريف** · 30-06-2014 12:39 PM

المشاركة الأصلية كتبت بواسطة mohamed_selim

طيب مانتاعارف النظام... كل الفيات القديم كان كده
معرفش مع العربيات الجديده هتعمل ايه بس اشترى واحده خليها معاك

بس انا كنت واقف امام كهربائي سيارات و قاس الدينامو ز دور بوصلة
لو كانت سخونة طلمبة البنزين هي السبب مش المفروض كانت العربية مدارتش بالوصلة بردة ؟

**mohamed_selim** · 30-06-2014 03:03 PM

صح ... كده ممكن تكون بطاريه و الحر بيخليها ضعيفه

**HishamShafai** · 16-07-2014 06:08 PM

زمان مع البطاريات السائلة كان يوجد أعراض للضعف مثل تأخر الدوارة , ضعف النور و لما كانت تجيب آخرها برضه كان فيه حلول مثل تزويد مياه مقطرة و تمشيك مدة و لكن عيوبها إنها ممكن تغرق لك الحوض و تاكل البوية , أما مع الجافة فتتميز بالنظافة و تفضل مرتاح مده طويلة و لكنها غدارة يعنى تكون مائة فل و عشرة و لسة واصل من مشوار و إفتكرت إنك مثلا نسيت تجيب عيش تنزل تدور تقولك مفيش مش قادرة أديك و بدل ما تروح تجيب عيش تزق و تروح تدور على بتاع بطاريات.

الموضوع: إيه علامات البطارية اللي بتودع

LinkBack

أدوات الموضوع

عرض

-

-

-

-

-

المواضيع المتشابهه

إيه اللي يحصل لو عكست كابلات البطارية ...

بطاريه الالنترا بتودع

البطارية سليمة وأنا اللي كنت باشتغل نفسي !

يا جماعة حد عارف منين ممكن اجيب ثلاجة العربية اللي بتشتغل على كهربة البطارية؟

هى الشاريد بتودع فى مصر ولا ايه؟

الكلمات الدلالية لهذا الموضوع

المفضلات

المفضلات

ضوابط المشاركة