الحمد لله ربنا نجاني من حادثة عالطريق الزراعي

**a_elbosaty** · 27-03-2014 12:51 AM

الحمد لله عملت حادثة عالطريق الزراعي عند مدخل بنها. دخلت بالعربية في البلوك الإسمنتي عند المدخل. طبعا كنت سرحت وانا سايق. عربيتي سيراتو٢٠١١ وكانت النتيجة تدمير الجنب الأمامي يسار وتقريبا كل العفشة حواليه وكسر في القنطرة.والاير باج فتح طبعا. ودتها للمهندس هاني سبيد كار وهايبدا فيها بكرة ان شاء الله.
نصيحة فعلا أوعى تسوق وانت مش نائم كويس قبلها. وربنا يسترها علينا كلنا.

**amrelsaqqa** · 27-03-2014 12:57 AM

لا حول ولا قوة الا بالله ، الحمد لله انها جت على قد كدة ومكنش في نقل على الطريق وقتها ، هو اصلا طريق قاتل من غير حاجة ، حضرتك خبطت على سرعة كام تقريبا ؟

انا لما عملت حادثة دخلت في الرصيف عشان اتفادى اخبط في النص النقل اللى كسر قدامى فجأة وغيرت المقص والشمعدان بس الحمد لله والفضل لله الايرباج ما فتحش والعربية ما حصللهاش حاجة

حمد لله على سلامتك وان شاء الله بسيطة

**Ahmed.Essam** · 27-03-2014 01:00 AM

الحمدلله انك بخير والحمدلله انها جت على أد كده قدر الله وما شاء فعل

**J A G U A R** · 27-03-2014 01:05 AM

الف سلامه على حضرتك وربنا يعوضك

والله انا على طول بسافر وان نايم ساعات قليله جدا وساعات بكون مطبق بس الواحد بيحاول يركز على قد ما يقدر وربنا يسترها على الجميع .

**a_elbosaty** · 27-03-2014 01:17 AM

المشاركة الأصلية كتبت بواسطة amrelsaqqa

لا حول ولا قوة الا بالله ، الحمد لله انها جت على قد كدة ومكنش في نقل على الطريق وقتها ، هو اصلا طريق قاتل من غير حاجة ، حضرتك خبطت على سرعة كام تقريبا ؟

انا لما عملت حادثة دخلت في الرصيف عشان اتفادى اخبط في النص النقل اللى كسر قدامى فجأة وغيرت المقص والشمعدان بس الحمد لله والفضل لله الايرباج ما فتحش والعربية ما حصللهاش حاجة

حمد لله على سلامتك وان شاء الله بسيطة

ربنا يكرمك. اعتقد أني كنت معدي سرعة ال٨٠ كم عالاقل. والحمد لله جات معاك على آد كدة. أنا بقى فتحت معاية شوية. الجنب الشمال عفشته كلها ضايعة تقريبا. بحاول ارفع صور ومش عارف:

**a_elbosaty** · 27-03-2014 01:19 AM

المشاركة الأصلية كتبت بواسطة ahmed.essam

الحمدلله انك بخير والحمدلله انها جت على أد كده قدر الله وما شاء فعل

الحمد لله. وربنا يسترها مع الجميع.

**a_elbosaty** · 27-03-2014 01:20 AM

المشاركة الأصلية كتبت بواسطة j a g u a r

الف سلامه على حضرتك وربنا يعوضك

والله انا على طول بسافر وان نايم ساعات قليله جدا وساعات بكون مطبق بس الواحد بيحاول يركز على قد ما يقدر وربنا يسترها على الجميع .

ربنا يخليك. أنا كمان باجي على نفسي كتير وأسوق وانا مطبق. بس عن تجربة فعلا بلاش. مش كل مرة تسلم الجرة.

**a_elbosaty** · 27-03-2014 01:21 AM

المشاركة الأصلية كتبت بواسطة أزمراي

الف سلامه .. وحصل خير ..
وربنا يعوضك عن تلفيات السياره ...

الله يسلمك. الحمد لله على كل شيء

**mhkorayem** · 27-03-2014 01:55 AM

1000 سلامه والحمد لله انك بخير
ان شاء الله مع المهندس هاني هتستلم العربيه زي الاول واحسن
بس خد بالك بقى بعد كده وربنا معاك

الموضوع: الحمد لله ربنا نجاني من حادثة عالطريق الزراعي

LinkBack

أدوات الموضوع

عرض

-

-

-

المواضيع المتشابهه

ربنا نجاني من حادثة موت الحمد لله - عايز تعليقاتكم على الموقف

الحمد لله ربنا نجاني اليوم من حادثة مع عربية نقل

هو فيه رادار عالطريق الزراعي باليل ولالا؟

موقف حرق دمي النهرده عالطريق الزراعي

عمى عمل حادثة بس الحمد لله ربنا ستر

الكلمات الدلالية لهذا الموضوع

المفضلات

المفضلات

ضوابط المشاركة