الموضوع: اقتراح بخصوص مشكله السخونه و عاوز رايكم

المشاركة الأصلية كتبت بواسطة the dragon

زملائى الاعزاء

مع دخول الصيف بتزيد حراره الفليشيا زى ما كلنا بنعانى فانا عندى اقتراح ممكن يقصر دوره التبريد

عاوز الغى الخرطوم اللى داخلى للمانافو و الغى الخرج بتاعه و بالتاللى اقصر الشوط و كمان اغير الرادياتير باخر الامونيوم لان اللى عندى نحاس و اسمع ان الالمنيوم افضل فى التبريد

سالت الميكانيكى قاللى ماينفعش نلغى الخرطوم دا لانه بيبرد المانافو لان ضغط الهواء داخل المانافو بيعمل سخونه........الكلام دا غريب عليا مش متاكد منه لو حد عنده معلومه اكيده و لا هو بيريح دماغه و خلاص

لو حد جرب حل تانى لمشكله السخونه هكون شاكر لو يساهم بيه معايا


والسلام عليك

متلغيش خراطيم ولا حاجة سيادتك هتغير الردياتير بواحد صينى الومنيوم ومعاه هتجيب ترموستات 82/68 ايطالى او ترموستات 90/80 او 90/85 ايطالى برده وهترجلع على كل الخراطيم ان مفيش خرطوم منهم مشقق او على وشك انه يتقطع وتظبط كل الخراطيم ان ميبقاش فيه تسريب وتعمل غسيل لدورة التبريد وتحط مية خضرا نوع نظيف زى الايادا او تجيب مية حمرا بتاعة توتال وهتنسى موضوع السخونة ان شاء الله

المشاركة الأصلية كتبت بواسطة the dragon

تدفئه ايه بالضبط يا استاذ صبحى !!اه انت قصدك الدفايه اللى فى العربيه .......لان دا فاصلها خالص و فاصل كمان التهويه السوداء و الخرطوم بتاعها....انا شارى العربيه كدا

لو دى حاجه مهمه يا استاز صبحى ممكن اركبها تانى لو هتفرق فى التبريد ....انت ايه رايك ؟؟

طبعا احنا عارفين ان السيارة مصممة للاستعمال اوربيا فى الاجواء الباردة جدا لذالك عاملين وصلة خراطيم من المانيفود الى المروحة اللى فى الصندوق الاسود لتدفئة الهواء داخل كابينة السيارة وطقس بلادنا ولله الحمد معتدل على مدار السنة فلا داعى لهذه الخصيه خصوصا انها غالبا ما تحدث مشاكل تسرب مياة يصعب اكتشافة فانا باقول المية اللى داخلة المنيفود مش داخل تتسخن علشان الخصية المذكورة لن غالب مالكى الفليشيا يعتقدون هذا وهذا اعتقاد خاطء فاهمية دخول المياة للمانيفود اهميته الاولى امتصاص الحرارة الزائدة والناتجة من المانيفود والتى من الممكن ان تؤثر تاثير مباشر على وش السلندر **