متخصصوا اللادا سماره

**احمد محى** · 28-03-2014 09:49 AM

السلام عليكم
انا اشتريت لادا سماره ياجماعه وهيا محتاجه اسكتره
ومساعد يمين ياترى اسعارهم كام
وكمان عندى مشكله ياريت حد يقدر يقولى حلها
عندى كبل البطاريه لم بحطه بيطلع لى زى ماس خفيف كد
الماس دى بينلم البطاريه وفى الاخر بوظها وانا جبت بطاريه النهادره جديده وربنا يستر احسن يبوظها هيا كمان ياريت الافاده
لادا سماره91

وياريت قطع غيارها فى كفر الشيخ او اسكندرية فين وكام

**عمرو عقبه** · 29-03-2014 02:17 AM

مبروك عليك العربيه..
هفيدك حسب خبرتى المتواضعه..
البطاريه معرفش.. !!
لكن قطع الغيار هتلاقيها فى اللبان شارع صلاح الدين تتمشى له من محطة مصر فى الاسكندريه...هتلاقى واحد اسمه حسن شكوكو وواحد اسمه النونو وبصراحه ما ارتحتش لشكوكو ده.. هم فى اول الشارع وفى اخر الشارع من الناحيه التانيه واحد اسمه هشام بتاع استعمال جبت منه طنبوره عجله خلفيه استعمال ب 50 جنيه وسعرها جديده عند شكوكو 175.. وهشام دا قالى ان المساعد الامامى استعمال بالياى ب 150 وعند شكوكو الزوج جديد ب 650 تقريبا ومش موجودين.. واشتريت اسبراتير من شكوكو ب 210 المهم لف واسال قبل ما تشترى لانى بعد ما اشتريت الطنبوره ب 175 رجعت نزلتها من الفاتوره وجبت الاستعمال ..
والنهارده قابلت واحد اسكندرانى قالى ما تشتريش من صلاح الدين انزل الساعه احسن هتلاقى فيها كام واحد بتاع قطع غيار لادا..
اما كفر الشيخ انا سألت عن قطع غيارها فى دسوق فملقتهاش ولا يسمعوا عن سمارا دى اصلا..
ارجو انى اكون قدرت افيدك..

**احمد محى** · 30-03-2014 12:53 AM

المشاركة الأصلية كتبت بواسطة عمرو عقبه

مبروك عليك العربيه..
هفيدك حسب خبرتى المتواضعه..
البطاريه معرفش.. !!
لكن قطع الغيار هتلاقيها فى اللبان شارع صلاح الدين تتمشى له من محطة مصر فى الاسكندريه...هتلاقى واحد اسمه حسن شكوكو وواحد اسمه النونو وبصراحه ما ارتحتش لشكوكو ده.. هم فى اول الشارع وفى اخر الشارع من الناحيه التانيه واحد اسمه هشام بتاع استعمال جبت منه طنبوره عجله خلفيه استعمال ب 50 جنيه وسعرها جديده عند شكوكو 175.. وهشام دا قالى ان المساعد الامامى استعمال بالياى ب 150 وعند شكوكو الزوج جديد ب 650 تقريبا ومش موجودين.. واشتريت اسبراتير من شكوكو ب 210 المهم لف واسال قبل ما تشترى لانى بعد ما اشتريت الطنبوره ب 175 رجعت نزلتها من الفاتوره وجبت الاستعمال ..
والنهارده قابلت واحد اسكندرانى قالى ما تشتريش من صلاح الدين انزل الساعه احسن هتلاقى فيها كام واحد بتاع قطع غيار لادا..
اما كفر الشيخ انا سألت عن قطع غيارها فى دسوق فملقتهاش ولا يسمعوا عن سمارا دى اصلا..
ارجو انى اكون قدرت افيدك..

تسلم ياغالى ع الافاده وفعلا لازم اسال الاول لان الاسعار مختلفه جدا