تبطيل السيارة وهي شغالة

**عبد الحميد مجد** · 28-03-2014 12:56 PM

السلام عليكم و رحمة الله و بركاته
أرجو الإفادة ربنا يكرمكم
أنا عندي سيارة لانسر كريستالة 98 و لسا عملها صيانة كاملة بعد تغيير جوان و ش السلندر و طقم الشنبر غيرت كل السيور و البوجيهات و نظفت الكربايتير و فلاتر الهواء و البنزين و زيت و فلتر
عملت معايا حاجة غريبة كانت بتبطل و انا ماشي قولت للميكانيكي قالي العربية مش هينفع نحكم عليها الان
المهم مرة و احدة نازل أدور دارت و بعدين وقفت لوحدها و قطعت خالص و اتضح أن المشكلة في الموبينة و المشط غيرتهم بموبينة تايواني و مشط ياباني استيراد و مشيت يومين و رجعت تبطل مني و انا ماشي و لما ادورها تدور و احيانا بتاخد وقت في الدوارة
مش عارف ده ممكن يكون إيه بعد كل اللي أنا ظبطته في العربية
أرجو الرد يا جماعة و الإفادة ربنا يكرمكم

**wael6** · 28-03-2014 01:29 PM

السلام عليكم

راجع ع الكربراتير
وشوفه هل فيه بوش بين جزئيه الاعلى والاسفل يكون بيدخله هوا زياده
وكمان راجع على مسمار الهوا وراجع على جوان الكربراتير برده

لان العيوب دى قابلتنى فى الاكسيل بعد ما غيرت كل اللى انت قولت عليه
وربنا ييسر الامور

**Mahmoud alaska** · 28-03-2014 04:01 PM

الموضوع ده حصل معايا فى اوبل و غيرت اسبراتير اتأكد الاول العربية بتقطع كهربا و ﻻ ميكانيكا لو عيب كهربا و انت غيرت موبينة و مشط يبقى غالبا المشكلة فى الاسبراتير

**عبد الحميد مجد** · 28-03-2014 06:08 PM

شكرا علي الرد يا جماعة
الكهربائي راجع علي الاسبراتير وقالي مافيهوش اي مشكلة
بس ايه هو جوان الكربياتير
بس كده تقريبا المشكلة في الكربياتير علما ان الامر يحدث مرة أو مرتان في اليوم و أدور بعد كده تدور
شكرا جزيلا

**abokoko** · 28-03-2014 06:41 PM

مش حاجه كبيره
بيفك الكربراتير ككتله واحده وبيكون فى النص جوان
بتجيب زيه
وبيرجع يركبه بدون ما يلعب فى الكربراتير

علامه انه الجوان
بتلاقى رشح من نصف الكربراتير
والميكانيكى الشاطر بيميزه من الصون