الموضوع: ممكن تطلب من واحده انها تتحجب عشان تعرف تخطبها

ممكن رجاء و طلب من حضرتك تطلب من الادارة ضم الموضوعين لان اكيد محتارين نكتب و نتابع هنا ولا هناك.عرضك للمشكلة مكنش واضح هناك من الاول و ظهر قليلا مع ردودك علي المشاركات. مشكلتك هناك عن الاختلاف الفكري و لم توضع غير الحجاب و كلامك يدل ان المشكلة في الاهل فقط اما هنا فالموضوع عن الحجاب فقط و مكنش واضح اذا كان يفرق معاك او لا الا بعد هذا الرد . ممكن توضح اكثر ايه هو الخلاف الفكري اللي بينكم. لو فيه خلاف فكري يبقي اصلا ايه اللي عجبك فيها. يا ابني ده انا كان معايا اثنين في الكلية متشابهين في كل حاجة حتي شكلهم و كما توقعت اتخطبوا و قلنا دول متطابقين يعني كل اسباب النجاح حب و توافق اجتماعي كامل و متشابه جدا و كليه واحدة و ظلوا مخطوبين من اول سنة لاخر سنة و كمان سنه بعدها اشتغلوا و بعدين فجأه عرفت انهم فسخوا الخطوبة!!!! و الغريب انهم الاثنين بعد شهور هي اتخطبت و هو خطب و بعدها بفترة قصيرة و الغريبة في نفس الشهر تقريبا كل واحد فيهم قد تزوج!!! طبعا زواج تقليدى. تقوم تبدأها انت بخلاف فكري.و بعدين هو حضرتك لسة عايز تخطبها و بعدين تقنعها بالحجاب. انا حكيت لحضرتك علي البنتين اللي اعرفهم كويس مش غيبة ولا تسلية لكن عشان تعرف هي زي مين فيهم و لو زي التانية ممكن تقولك نفس كلمتها الشهيرة. يعني تجارب الاخرين توفر علينا التجربة لو استفدنا منها. و اقترحت عليك تسألها بشكل غير مباشر عن الحجاب او ممكن لو فيه زميلة تثق فيها ممكن هي تسألها و مش لازم تقولها انك ناوي تخطبها قول لها انك نفسك البنات كلها تتحجب يعني من باب انصيحة و انها هي كبنت ممكن تنصحها و شوف رد فعلها هيكون ايه. لو مش عايزة يبقي البنات كثير و لسة قدامك المستقبل ان شاء الله. ولو عندها استعداد يبقي تشجعها و تشوف و لا تبدأ اي خطوة الا بعد ان تراها محجبة و اكرر لله فقط.

المشاركة الأصلية كتبت بواسطة lena jo

ممكن رجاء و طلب من حضرتك تطلب من الادارة ضم الموضوعين لان اكيد محتارين نكتب و نتابع هنا ولا هناك.عرضك للمشكلة مكنش واضح هناك من الاول و ظهر قليلا مع ردودك علي المشاركات. مشكلتك هناك عن الاختلاف الفكري و لم توضع غير الحجاب و كلامك يدل ان المشكلة في الاهل فقط اما هنا فالموضوع عن الحجاب فقط و مكنش واضح اذا كان يفرق معاك او لا الا بعد هذا الرد . ممكن توضح اكثر ايه هو الخلاف الفكري اللي بينكم. لو فيه خلاف فكري يبقي اصلا ايه اللي عجبك فيها. يا ابني ده انا كان معايا اثنين في الكلية متشابهين في كل حاجة حتي شكلهم و كما توقعت اتخطبوا و قلنا دول متطابقين يعني كل اسباب النجاح حب و توافق اجتماعي كامل و متشابه جدا و كليه واحدة و ظلوا مخطوبين من اول سنة لاخر سنة و كمان سنه بعدها اشتغلوا و بعدين فجأه عرفت انهم فسخوا الخطوبة!!!! و الغريب انهم الاثنين بعد شهور هي اتخطبت و هو خطب و بعدها بفترة قصيرة و الغريبة في نفس الشهر تقريبا كل واحد فيهم قد تزوج!!! طبعا زواج تقليدى. تقوم تبدأها انت بخلاف فكري.و بعدين هو حضرتك لسة عايز تخطبها و بعدين تقنعها بالحجاب. انا حكيت لحضرتك علي البنتين اللي اعرفهم كويس مش غيبة ولا تسلية لكن عشان تعرف هي زي مين فيهم و لو زي التانية ممكن تقولك نفس كلمتها الشهيرة. يعني تجارب الاخرين توفر علينا التجربة لو استفدنا منها. و اقترحت عليك تسألها بشكل غير مباشر عن الحجاب او ممكن لو فيه زميلة تثق فيها ممكن هي تسألها و مش لازم تقولها انك ناوي تخطبها قول لها انك نفسك البنات كلها تتحجب يعني من باب انصيحة و انها هي كبنت ممكن تنصحها و شوف رد فعلها هيكون ايه. لو مش عايزة يبقي البنات كثير و لسة قدامك المستقبل ان شاء الله. ولو عندها استعداد يبقي تشجعها و تشوف و لا تبدأ اي خطوة الا بعد ان تراها محجبة و اكرر لله فقط.

اولا شكرا جزيلا لاهتمام حضرتك
ثانيا بالنسبة للموضوعين اللي انا عملهم انا عملت الموضوع الاول عشان اشوف لو حد مر بالتجربة دي واشوف الامور وصلت معاه لفين ،، بالنسبة للموضوع التاني انا بسأل كل الاعضاء على الطريقة وازاي اطلب منها تتحجب بس طبعا لو الناس حسه انها تاهت مفيش مشكلة من غلق احد الموضوعين
ثالثا بالنسبة لسؤال حضرتك انك ازاي حبتها وانت مختلف معاها فكريا والله الامر مش بيدي أعجب بواحده والتانيه لاء بس الحقيقة ان الحكاية كلها مجرد اعجاب
رابعا حضرتك لو قريتي الموضوع التالت بتاع دخولي الجيش حتعرفي ان موقفي مش قوي اوي عشان اتشرط عليها لاني برده عندي مشاكل كتير

بالنسبة للخلاف الفكري هوضح لحضرتك
مثلا انا اتربيت في بيت مفيش فيه حد بيتفرج على افلام ولا اغاني
اتربيت في بيت دايما في اي مناسبة بيبقى الرجالة منفصلين عن البنات
انا اتربيت في بيت مينفعش اختي تنزل لوحدها بالليل واو تفكر تشتغل في مكان فيه ولاد
اتربيت ان مينفعش البنت تكلم زمايلها الولاد
اتربيت في بيت مينفعش اسلم فيه بالايد على بنات عمي وخيلاني
هيا بقى عكسي تماما في كل ده
بس بردو مش عارف امنع نفسي من التفكير فيها

المشاركة الأصلية كتبت بواسطة eng/ahmed_go

بالنسبة للخلاف الفكري هوضح لحضرتك
مثلا انا اتربيت في بيت مفيش فيه حد بيتفرج على افلام ولا اغاني
اتربيت في بيت دايما في اي مناسبة بيبقى الرجالة منفصلين عن البنات
انا اتربيت في بيت مينفعش اختي تنزل لوحدها بالليل واو تفكر تشتغل في مكان فيه ولاد
اتربيت ان مينفعش البنت تكلم زمايلها الولاد
اتربيت في بيت مينفعش اسلم فيه بالايد على بنات عمي وخيلاني
هيا بقى عكسي تماما في كل ده
بس بردو مش عارف امنع نفسي من التفكير فيها

طب هو بعيد عن موضوع الحجاب و هل هى تقبله او لا و بفرض انها هاتقتنع و هاتتحجب هل بقى هى هتتقبل الجو اللى حضرتك اتكلمت عليه ده بالتفصيل و هو الجو الاسلامى الصح و هى اللى اتربت عكسه فى كل تفاصيله اعتقد ان ده هيبقى صعب

المشاركة الأصلية كتبت بواسطة cameeron

طب هو بعيد عن موضوع الحجاب و هل هى تقبله او لا و بفرض انها هاتقتنع و هاتتحجب هل بقى هى هتتقبل الجو اللى حضرتك اتكلمت عليه ده بالتفصيل و هو الجو الاسلامى الصح و هى اللى اتربت عكسه فى كل تفاصيله اعتقد ان ده هيبقى صعب

انا بتكلم علي الجو اللي اتربيت فيه ومش شرط اني اكمل بنفس الطريقه -مش قصدي اني اكون في الاتجاه المقابل قصدي اكون في الوسط (لاني بصراحه لغاية دلوقتي مش عارف اختار طريق امشي فيه في حياتي لان افكاري بتتغير مع الوقت والاحتكاك بالناس

المشاركة الأصلية كتبت بواسطة mgheam

انما لو كلامك عن الاسره ده مجرد تربية لكن تجاوزت هذه التربية في مرحلة الجامعه مثلاً
يبقى الموضوع ممكن يكون اعجاب حقيقي يستاهل مجهودك في التوفيق بين الفتاة والاهل

تحليل حضرتك منطقي جدا و رائع فعلا
انا فعلا من اهم اسباب مراجعتي لنفسي في موضوع الفصل التام بين الرجال والنساء هوا اللي حسيت بيه اول ما دخلت الجامعه وفعلا دا خلاني اعجب بسرعة بأول بنت كلمتها في الكلية (عشان كده في صراع داخلي جوايا هل فعلا تربية ابويا وامي كانت صح طبقا لديننا ولا كانت زيادة عن اللازم وهل لازم اعمل كده مع اولادي ولا لاء )
بس اعتقد ان مع مرور الوقت واحتكاكي ببنات كتير في الكليه خلاني اتغير شوية من ناحية الاعجاب المتسرع ( بس بردو لسه الصراع الداخلي جوايا ما بين انا صح ولا اهلي صح )