الموضوع: ممكن تطلب من واحده انها تتحجب عشان تعرف تخطبها

المشاركة الأصلية كتبت بواسطة أحمد كمال

في الجواز الجاهز احسن من التفصيل ...... اختار شريك حياة متوافق مع طباعك لان محدش بيتغير عشان حد

دايما حضرتك بتجيب من الاخر
بس اعمل ايه في النفس البشرية
يعني تلاقي نفسك معجب بحد ومستعد تتنازل عن حاجات عمرك ما فكرت انك ممكن تتنازل عنها عشان خاطر تكسبه (انا عمري ما كنت اتخيل اني ممكن افكر مجرد اني افكر في الجواز من واحده مش محجبه )

المشاركة الأصلية كتبت بواسطة eng/ahmed_go

بالنسبة للخلاف الفكري هوضح لحضرتك
مثلا انا اتربيت في بيت مفيش فيه حد بيتفرج على افلام ولا اغاني
اتربيت في بيت دايما في اي مناسبة بيبقى الرجالة منفصلين عن البنات
انا اتربيت في بيت مينفعش اختي تنزل لوحدها بالليل واو تفكر تشتغل في مكان فيه ولاد
اتربيت ان مينفعش البنت تكلم زمايلها الولاد
اتربيت في بيت مينفعش اسلم فيه بالايد على بنات عمي وخيلاني
هيا بقى عكسي تماما في كل ده
بس بردو مش عارف امنع نفسي من التفكير فيها

بسم الله ماشاء الله ده مثال رائع للبيت المسلم ربنا يبارك فيكوا

الموضوع مش مجرد غطاء رأس انا شايف ان حضرتك تدور علي بنت علي نفس المنهج ده

غير كده غالبا هتتعب معاها في أمور كتير

والله أعلم

المشاركة الأصلية كتبت بواسطة أحمد كمال

انت لسه صغير و فاهم الدنيا غلط (مع خالص احترامي ليك لاني انا كمان كنت صغير و مش فاهم حاجة !)

الجواز مش حب و مشاعر بس ....... و الحب بعد الجواز بيقل بدرجات متفاوتة ...... و كل واحد في سنك بيبق لا فاكر انهم الاتنين اللي بيحبوا بعض زي ما مفيش حد في الدنيا حب قبل كده

بعد الجواز الحياة بتتغير و مجرد ما الحب يقل هتلاقي بصيرة العقل اتشالت الغشاوة من عليها و ابتدت تشوف العيوب بعدسة مكبرة و تنفر منها و من صاحبها


صدقني ....... ما تطلبش من واحدة تتغير عشانك و لا انت تحاول تغير نفسك عشان واحدة لان محدش بيتغير ....... اختار واحدة عاجبها طبعك و طبعها عاجبك ..... غير كده هتعيش تعيس و ممكن تطلق بعد كام سنة


كمان 5 و لا 10 سنين اما تفتكر انك كنت بتحبها كده هتضحك بجد :) ....... انا ياما اترفضت من بنات زمان و الدنيا ضلمت في عيني دلوقتي اما بافتكر باضحك ضحك السنين على نفسي :)


و خلي بالك ..... انت قلت "تتنازل" ..... مش "تغير رايك" ....... بمعنى انك عاصر على نفسك لمونة ...... خلي بالك مفيش حد بيتنازل (في اي حاجة سواء جواز او بيع و شرا او شغل الخ الخ الخ) الا و بيرجع يندم بعد فترة اما يبتدي يتعب من الضغوظ اللي التنازل ده سببها له



اخيرا و ليس اخرا ........ الستات للاسف طبعهم وحش في نقطة التنازلات ....... هتاخدها حق مكتسب انك تتنازل دايما و تنزل على رأيها و ده مش هيكون اخر ننازل ....... و هتبقى عيشتك جحيم و انت حاسس انك مالكش كلمة في بيتك و لا كلمة على مراتك ........

شكرا جزيلا ليك يا أستاذ أحمد على كلامك المتزن وان شاء الله انا نويت انسى الموضوع مؤقتا يمكن ربنا يهديها وتتحجب ساعتها أفكر أتقدم
وعشان ادي نفسي وقت للتفكير _يمكن نظرتي للموضوع تتغير مع الوقت _شكرا جزيلا لحضرتك