الموضوع: بالصور كاوتشك اتخرم ؟ شوف هتتصرف ازاي لتجنب النصب و انقاذ ما يمكن انقاذه معلومات تهمك

بالنسبة لرده الفعل دي تبقى عامل حسابك في شاش وقطن وأنت بتصلح فردة الكاوتش .

المشاركة الأصلية كتبت بواسطة s7oda

تسلم ايدك على التقرير بس عندي استفسار بسيط
انا بحلم على طول بالخابور (الخابور الاسود )والكاوتش ماشي معايا كويس ومش بينفس او بيفك

هل اللحام بالخابور لية تاثير على الكاوتش

منورنا يا فندم ,,,
بالنسبة للخابور فهو حل سريع جدا و مريح لفني الكاوتش و لكن عيبه الخطير انه بيوسع مكان الخرم في الدخول و بيهتك السلك الداخلي للكاوتش في الخروج .
بس للاسف كله بقي يستسهل و يعمله .
استخدامة زي مقلت لحضرتك بالنسبالي لو الخرم جه في جانب الكاوتش يعني برة النقشة رغم ان اللحام في المكان ده خطر و يفضل تغيير الفردة للامان.

المشاركة الأصلية كتبت بواسطة bassem.naguib

تسلم أيدك يا محمد باشا .. مجهود رائع وشرح وافي وكافي وبسيط زي ما معودنا دائماً منك .

وزي ما عودتنا .. أنا برضه معودكم بالأسئلة أو بعض الإضافات الصغيرة :

بالنسبة لمنفاخ العجل اللي على الولاعة .. لو حد اشتراه لازم يخلي باله أن فيه نوعين .. نوع بيبقى سلندر (بساتم) زي اللي في الصورة اللي أنت حاططها وده الأفضل طبعاً .. والنوع التاني بيبقى على رداخ بيعمل بضغط كاوتشة وده طبعاً ضعيف وممكن ينفخلك العجلة في نص ساعة مثلاً .

دي حاجة الحاجة التانية المقاس الديجيتال ده هل فيه امكانية أنه يحول ما بين وحدتي القياس لضغط العجل ولا لآه .. ومنين وسعره كام هو والمنفاخ .

انا تعمدت اني احط صورة المنفاخ ابو سلندر لأنع عملي عن التاني و السعر بيبدأ من 200 جنيه من كارفور.

المقياس الديجيتال ده بيحول مبين ال psi و ال bar وسعره كان 15 دولار فقط و كنت جايبو من امريكا من 3 سنوات .

المشاركة الأصلية كتبت بواسطة محمود سامح

شكرا يابرنس

الشكر ليك يا فندم

المشاركة الأصلية كتبت بواسطة doc mohamed

كلام مظبوط بس المشكلة مش هتعرف تطبقه كله مع عقلية الصنايعي المصري مضمنش رد فعله الصراحة!!!

لو تعرفة او اتعاملت معاه ممكن , انا بصراحة كنت معزل من بيتي و ساكن في منطقة جديدة و الراجل مكنش يعرفني بس هو شغال كنت براضيه بكلمتين و لما خلص اديته اللي فيه النصيب .
للعلم اللحام برقعتين و نفخ ال 4 كاوتشات ديجيتال و تركيب عدد 2 غطاء بلف كانو مسروقين من عندي كل ده كلفني 20 جنيه بالتمام و الكمال + 3 جنيه للصنايعي وكان في قمة الانشكاح .

المشاركة الأصلية كتبت بواسطة bassem.naguib

بالنسبة لرده الفعل دي تبقى عامل حسابك في شاش وقطن وأنت بتصلح فردة الكاوتش .

ههههه موجود في شنطة الاسعافات الاولية , و بعد ميضربني هركن علي جنب و احط المثلث العاكس

المشاركة الأصلية كتبت بواسطة kokowasfy

تقرير رائع جدا والله

شكرا ليك

المشاركة الأصلية كتبت بواسطة doc mohamed

هههههههههههه بص انا صيدلي والحاجات دي بتبقي معايا علي طول هخش عليه بقلب جامد وانا مطمن

هههه عز الطلب