الموضوع: بالصور كاوتشك اتخرم ؟ شوف هتتصرف ازاي لتجنب النصب و انقاذ ما يمكن انقاذه معلومات تهمك

المشاركة الأصلية كتبت بواسطة ahmedelfeky

موضوع روعه مشكور علي المجهود الجبار وفعلا في نقط كتير اغلبنا مابياخدش باله منها .......

اسمحلي يا محمد بيه انقل تجربتي في موضوع الكومبريسور دي انا الحمد لله العربيه معايا من سنه ماغيرتش الاستبن قبل كده ومره واحده نزلت اجازه بعد ركنه العربيه شهر لاقيت فرده منهم علي الجنط الابره كانت بتنفس جوه الجراج ....قمت فاتح الشنطه بكل ثقه وهدوء ومطلع الكومبريسور ابو 2 سليندر اللي بيوصل علي البطاريه (كان عندي واحد قبله زباله بيركب علي الولاعه ضربلي الفيوز )تمنه حوالي 300 -400 جنيه اقل من 30 ثانيه كانت الفرده اتملت وده شكله



وعلي فكره هو بيتباع زيه بالظبط علي سوق دوت كوم

car air compressor 2 cylinder price, review and buy in egypt, alexandria, cairo | souq

car air compressor 2 cylinder - كمبرسور هواء 2 سلندر price, review and buy in egypt, alexandria, cairo | souq

المشاركة الأصلية كتبت بواسطة bassem.naguib

تمام يا أحمد باشا .. تسلم أيدك على الصور .. وفتحت نقاط مهمة للنقاش .. أيه الفرق بين اللينكين في السعر حيث أن الاتنين 2سلندر برضه (285 ، 350) ولا ممكن يكون حسب قدرته كل واحد .

وهل سلك التوصيل للبطارية طويل كفاية علشان يوصل لأي عجلة

الكمبروسور ده المفروض يكون فعلاً موجود في شنطة كل عربية بصفة عامة .. على الأقل مش حيبهدلك في تغيير العجلة لحد ما تروح لبتاع الكاوتش .

المشاركة الأصلية كتبت بواسطة yousef.kamel

كان فيه نوع ممتاز اسمه الجمل فى معرض اوتوماك ب250 جنيه واناكنت مشتري واحد من ش دمشق ب300 رائع

المشاركة الأصلية كتبت بواسطة my3fox

الكمبورسور اللي في الصورة ده لسه شاريه من كارفور (قبل ما أشوف البوست ده) ب 399 و مكتوب عليه الجمل..... و بييجي في شنطة قماش كويسة مش وحشة..... و بيشتغل بسلك قطبين علي البطارية مباشرة
كان فيه كمبورسور سلندر واحد ب 199 و شكله مكنش عاطفي و بيشتغل علي الولاعة
....و فيه أنواع تانيه سعرها تحت ال 100.... بس برضه تحس إنها ممكن تنفخ عجلتين تلاتة و بس....
أنا خفت من قصة الولاعة صراحة و جبت الأول اللي بيشتغل علي البطارية ال 2 سلندر

أنا لسه شايف في كارفور الكومبرسور اللي م. أحمد الفقي حاطط الصورة بتاعته .. ومكتوب عليه الجمل .. وسعره 300 جنية .. يعني أرخص من اللي على سوق بحوالي 50 جنية