تقرير وشرح ممتازين شكرا على المجهود الرائع ده ربنا يبارك فيك :)
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
بسم الله الرحمن الرحيم
امبارح الفردة الشمال الخلفية لاقيتها علي الارض و الحمد لله , طبعا كنت متعكنن جدا خصوصا اني ملحقتش امشي بيها غير 3000 كم و الكاوتشة الجديدة ثمنها مش هيقل عن 800 جنيه .
حبيت اشارككم تجربتي مع شوية نصايح جميلة عشان تتجنب النصب بتاع صنايعية الكاوتش و تحافظ علي الفردة و الجنط و العربية نفسها بقدر الامكان .
اول حاجة و لازم نكون متفقين عليها , ان الجنط اساسي يكون في العربية و لكن انك تنزله علي الارض ده خسارة كبيرة جدا و ليها ثمنها لما تيجي تبيع العربية لما توري اللي بيشتري الكاوتش جديد لانج و منزلش علي الارض صدقوني الحركة دي بتفرق جدا جدا مع اللي بيشترى خصوصا لو كان شخص عادي مش تاجر و ده عن تجربة .
طيب ايه الحل , امشي علي الفردة و هيا علي الجنط كدة لغاية موصل لبتاع الكاوتش ؟
لأ طبعا ده اسواء قرار ممكن تاخده لأنك بالشكل ده هتبهدل الكاوتش و السلك اللي جواه من ناحية الشفة الخارجية او من الجانب و بكدة هتبقي دمرت الكاوتش تماما .
طيب ايه الحل ؟
الحل واضح في الصورة اللي قدامك دي , هذا الشئ رغم ان ناس كتيرة بتستهون بيه و بتقلل من شأنة الا انه انقذ كاوتشي ووفري 800 جنيه و الحمد لله .
بعد محضرتك هتنفخ الكاوتش بالكومبريسور الصغير ده , هتروح عند واحد بتاع كاوتش يكون امين او علي الاقل اتعاملت معاه قبل كدة عشان احتمالية النصب تقل .
نيجي بقا لنقطة في غاية الاهمية , و لازم تركز فيها جدا .
متخليش الراجل يحط الكوريك او التمساحة في اي مكان تحت العربية و خلاص عشان ميبهدلكش العتب و لا العفشة , فيه اماكن محددة و مبينة في العربية عشان تثبت الكوريك فيها و لو الراجل مستوعبش كلامك اكد عليه انك عاوز الكوريك يركب في المكان ده و هو عبارة عن بار ماشي بطول العربية و فيه زي نقرتين او حتتيتين متاكلين (يسمى بال Notch) و هو ده اللي تركب فيه الكوريك و ترفع وانت متطمن و الصورتين دول بيوضحو الاماكن السليمة باللون الاخضر و الخطأ بالاحمر .
و طبعا قبل ميرفع خليه يهوي المسامير شوية عشان مش بعد ميرفع يخليك ترفع الهاند بريك و يقعد يقرص بالمفتاح و العربية متشعلقة .
وده شكل العربية بعد مترفعت و الكاوتش اتشال .
خد بالك في المرحلة دي بالتحديد و هو بيدور علي الخرم انه بيبقي معاه قطعة معدنية مدببة بيخرم بيها الكاوتش و انت مش واخد بالك عشان يطلعلك اخرام اكتر و انت هتكون قدام الامر الواقع عشان الكاوتش مفكوك و العربية متشعلقة فهتكون مضطر انك تعملهم عنده.
في الحالة بتاعتي كان مسمار قلاووظ برأس صليبة , طبعا هو كان هيجيب كماشة و يشده و خلاص !!!
انا طبعا رفضت و خليته يجيب مفك و يفك المسمار بحيث اطلع بأقل الخسائر و الكاوتشة متخووش او الخرم يوسع مكان قلاووظ المسمار و هو بيخرج و الحمد لله انه اقتنع بكلامي .
بعد كده هتلاقيه من نفسه عاوز يحدد مكان الخرم بعد مشال المسمار عشان يعرف يلحم فين و كل بتوع الكاوتش بلا استثناء بيبقي معاهم مسمار صنارة رفيع بيدقه مكان الخرم عشان يعلم مكان الخرم و طبعا الكلام ده ميعجبنيش و كنت عامل حسابي وجايب قلم كوريكتور و قلتله يعلم مكان الخرم و ميخرمش بمسمار -- مش قادر اقولكم كان مخنوق مني قد ايه --
المهم علم مكان الخرم بالكوريكتور و فضا الهوا من جوة الكاوتش و حط الكاوتش علي المكنة اللي بتفصل الكاوتش عن الجنط وهنا بقي خد بالك جدا من اللي هقولة :
المكنة دي عبارة عن عامود حديد و اخره زي ضفر حديد بيدخل مبين شفة الكاوتش و الجنط و يبدأ يلف الكاوتش علي الجهاز فالكاوتش يخرج برا الجنط . ودي صوته عشان تتخيلو كما هو مبين بالسهم :
طيب ايه الخطورة في كدة ؟ اقولك انا , لو الصنايعي ده مش واخد باله و معظمهم بيعملو الحركة دي بينزل العمود ده بحيث ان الضفر الحديد بيبقي ملامس للجنط بتاعك فلما يجي يلف الكاوتش الضفر الحديد ده هيقعد يكحت في الجنط بتاعك و هيعملك شكل دائري في الجنط كله و يببوظلك شكله تماما . طيب ايه المطلوب انك تعمله ؟
حضرتك هتأكد عليه يبعد الضفر الحديد عن الجنط بمسافة صغيرة عشان ميحكش في الجنط و متكبرش المسافة قوي عشان القوة المركزة علي شفة الكاوتش بتاعك متخليش الكاوتشة تمط او تشقق و تبوظه .
طيب خلاص , فصلنا الكاوتش عن الجنط , نيجي بقا للحيرة الشديدة نلحم ايه ؟
خابور ولا لحام داخلي ؟
انا بصراحة بفضل اللحام الداخلي ولو انه مينفعش في كل الحالات .
طيب و الخابور ؟
طبعا ممتاز بس في حالة واحدة بس و هي ان الخرم ميكونش في الجزء السفلي للكاوتش الملامس للارض او بمعني اصح لما يكون الخرم في جانب الكاوتش اللي بيبقي ظاهر ليك و ده في الغالب بيبقي حد خرمهولك بقصد لأنه مش ملامس للارض اصلا و بيفضل يتعمل بالخابور عشان الجزء ده بيبقي متني شوية مع حمل العربية و مع الحركة و المطبات اللحام الداخلي ممكن يفك و ينفس و اهم شئ لو لاقدر الله الخرم من الجنب تستخدم الخابور الامريكاني و بيبقي مكتوب علي العلبة بتاعته عشان النوع ده لما بتمشي بالعربية بيبدأ انه يسيح في قلب الكاوتش و يبقي جزء من الكاوتش فبيبقي كويس جدا في الحالات دي .
اما في حالتي فانا استخدمت لزق داخلي لأن الخرم كان من تحت و ملامس للارض , طبعا لازم يصنفر بالشنيور بسيط من جوة الكاوتش عشات اللحام يمسك كويس و قبل ميحط اللزق لازم ينضف مكان الشنيور كويس و يشيل الرايش و يفضل انك تحط 2 لحام واحد صغير و بعديه لزق و بعديه تحط لحام مقاس اكبر .
بعد كدة تخليه يركب الكاوتش في الجنط و تاخد بالك من الضفر الحديد برضو و تزود الفردة بالضغط المطلوب و تركب الكاوتش وخليه يتأكد ان الكاوتش بات في مكانه كويس و يركب المسامير كروس او عكس بعض و بعدين ينزل بالكوريك و يقرط علي المسامير تاني و الفردة علي الارض.
اخر خطوة و هي تظبيط ضغط الكاوتش , و لو ضغط ديجيتال يبقي ممتاز بس خد بالك من الوحدة المستخدمة للقياس عشان الصنايعي كان جايبه علي ال BAR و مصمم انه كدة مظبوط و كقتنعش غير لما جبتله صاحب المحل ووريته انه لازم يختار PSI و الحمد لله اقتنع .
اخر خطوة بقا مهمة جدا و هي انك تتابع الكاوتش بعديها بيوم و تشوف الاخبار ايه, و الحمد لله كنت عامله علي 34 ول لقيته زي ما هو .
اتمني يكون التقرير عجبكو و فيه معلومات افادتكم و يارب تكون اخر الاخرام .
psycholain سابقا
رقم العضوية : 152562
تاريخ التسجيل : 01Dec2013
المشاركات : 798
النوع : ذكر
الاقامة : Egypt , Mansoura
السيارة: Kia Rio 2014
السيارة[2]: Lancer 2005
الحالة :
تقرير وشرح ممتازين شكرا على المجهود الرائع ده ربنا يبارك فيك :)
الــرد عـلـى الـسـفـيـه مـذلــة ...
[shr71=http://im20.gulfup.com/2012-06-08/1339153917583.jpg]���� : ��� ������ ����� �� ��� ���� ����� ����� ��� ���� ���[/shr71]
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
رقم العضوية : 147769
تاريخ التسجيل : 26Aug2013
المشاركات : 1,110
النوع : ذكر
الاقامة : cairo
السيارة: lanos
السيارة[2]: lancer 2007 S Action
الحالة :
تقرير هايل وربنا يجعلها اخر الاخرام
ما بين تسلمـ الايادي و تتشل الايادي .. هناك ايادي مش لاقية تاكل !!
أفيقوا يرحمكم الله
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
دي تقرير تحول لدراسة وافية
حقيقي مجهود جميل
رقم العضوية : 156554
تاريخ التسجيل : 25Feb2014
المشاركات : 174
النوع : ذكر
الاقامة : New Cairo
السيارة: نيسان
السيارة[2]: سكودا
الحالة :
تقرير جميل .. شكراً لك
رقم العضوية : 134211
تاريخ التسجيل : 31Jan2013
المشاركات : 98
النوع : ذكر
الاقامة : مصر
السيارة: لانسر
السيارة[2]: لانوس 2
الحالة :
تقرير ممتاز جداُ بس للاسف متقدرش تعمل كدة مع اى بتاع كاوتش لازم تكون تعرفه كويس لان اغلبهم شمامين ممكن يفتحلك دماغك لو عملت معاه كدة :d
بس كنت عايز اسئلك انهي خابور افضل البني ولا الاسود اللى هو الامريكي ده لان بتاع الكاوتش اللى روحتله اخر مره حطلي الاسود وقالى ان ده الاحسن
وياريت لو تعرف سعر الكيس ده لانى بفكر اشتريه واشتري الاداة بتاعة تركيبه واركبه انا
لاني شوفته وهو بيحطه سهل جداً مفكش العجله حتي ركبه بالاداة دي ولفها وخلاص تمت العملية بنجاح :)
رقم العضوية : 122745
تاريخ التسجيل : 05Apr2012
المشاركات : 148
النوع : ذكر
الاقامة : الجيزة
السيارة: النترا
السيارة[2]: النترا2012
دراجة بخارية: لا
الحالة :
تسلم ايدك على التقرير بس عندي استفسار بسيط
انا بحلم على طول بالخابور (الخابور الاسود )والكاوتش ماشي معايا كويس ومش بينفس او بيفك
هل اللحام بالخابور لية تاثير على الكاوتش
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
تسلم أيدك يا محمد باشا .. مجهود رائع وشرح وافي وكافي وبسيط زي ما معودنا دائماً منك .
وزي ما عودتنا .. أنا برضه معودكم بالأسئلة أو بعض الإضافات الصغيرة :
بالنسبة لمنفاخ العجل اللي على الولاعة .. لو حد اشتراه لازم يخلي باله أن فيه نوعين .. نوع بيبقى سلندر (بساتم) زي اللي في الصورة اللي أنت حاططها وده الأفضل طبعاً .. والنوع التاني بيبقى على رداخ بيعمل بضغط كاوتشة وده طبعاً ضعيف وممكن ينفخلك العجلة في نص ساعة مثلاً .
دي حاجة الحاجة التانية المقاس الديجيتال ده هل فيه امكانية أنه يحول ما بين وحدتي القياس لضغط العجل ولا لآه .. ومنين وسعره كام هو والمنفاخ .
Life's too Short for the Wrong Job
ziabassem سابقا
رقم العضوية : 157307
تاريخ التسجيل : 13Mar2014
المشاركات : 420
النوع : ذكر
الاقامة : المعادى
السيارة: ميجان 2007
السيارة[2]: لانسر
الحالة :
شكرا يابرنس
المفضلات