احسن حل تقفل الازاز وشغل التكييف مع موسيقى هاديه وانسى العالم اللى حواليك كانك ماشى فى القاهره فى الستينات :angel:
عرض للطباعة
احسن حل تقفل الازاز وشغل التكييف مع موسيقى هاديه وانسى العالم اللى حواليك كانك ماشى فى القاهره فى الستينات :angel:
انا هعديهم بس والمصحف ل هطلع ...... تييييييييييت ..... واقل حاجه تعملها تجيلهم من ورا و ب الكبوت و تلعب مع عجله الموتوسكل اللى ورا يا سلام هيقولولك و اللنبى احنا اسفين
احيانا بعض النماذج الضاله من المجتمع لما يشوفوا بنت ولا ست بتسوق وبتهدى لمطب او مزلقان او حفره يا سسسسسسسسلام بئه انواع الاستعراضات
ما تمشى يا ست
خلصينا بئه
ما تعدى يا هانم
اخلصى يا حجه
ومن القصايد دى كثير
فى الاول كنت بتنرفز وغصب عنى برد عليهم واحيانا لو حد رخم جامد بنزل اتخانق
لكن بعدين الحمد لله
اتعودت وبقيت برضوا:clown::clown: بترفزززززززززز:clown::clown: ذى الاول بس بتذكر كلام الله والكاظمين الغيظ
واستغفر ربنا بدل ما اشتم وبكل برود بمشى واللى مش عاجبه يخبط راسه فى الرصيف
اقفل الازاز واعتبر انك اخر انسان في الكوكب.
واعتبر كل اللي حواليك اطلال حضارة البشر قبل ما الغزاة الميكروباصيين والموتوسيكليين والتوكتوكيين يحتلوا الكوكب
ميكروباص كان داخل في وشي عكس فا سد الشارع و الحتة الموجودة متعدينيش .. لقيت موتوسيكل ورايا شاب متشرد شغال بقي ( ما تيالا يا باااااارد .. متعطلناش يا **** .. مااااااااااااااااااااااا ****** ) و عمال شغال .. و كل ده بيزعقلي انا و مش باصص للي داخل عكس .. قفلت السنتر لوك لا يتهور ولا حاجة و بطلت العربية و فتحت الشباك قلتله العربية عطلانة .. و قفلت الشباك و عليت الكاسيت و سيبته يهوهو .. قعد يخبط عالإزاز شوية و بعدين زهق و مشي
حاول تتفنن في إنك تكون أبرد من اللي بيشتمك لأنه بيحاول يجرك لأنه يستفزك .. خليك بارد .. هي حاجة تحرق الدم بس هنعمل إيه هو مجتمع منهار .. و فيه حكمة بتقولك متتحداش شخص يائس .. لأنه معندوش حاجة يخسرها .. فا الأشكال دي ممكن تعمل أي حاجة ، هتنزل تتخانق معاه هتقل قيمتك عالفاضي ، و لو كان مبرشم ولا حاجة ممكن يحدث ما لا يحمد عقباه .
إفتكرت دكتور عندنا في الجامعة انا بعتبره دماااااااغ و جامد جداَ و كنا بنناقش في محاضرة عن تقدير الناس لبعض و كدة فا قالنا إنه رغم إنجازاته الكتير علمياَ و عملياَ إلا إن أكتر كلمة سمعها في حياته هي ( يا حمااااااار ) من الناس في الشارع وهو سايق ، لأن كل واحد متخيل إنه أهم واحد في الشارع حتي لو هو في الواقع ميسواش بصلة .. و أي محاولة لتعطيل موكب سعادته فا ده تعدي علي شرفه و كرامته .
ياسيدي، كويس انها جت مع عيال متشردين بموتوسيكل
بس انا رأيي مع الناس اللي بتقولك كبر دماغك، الا لو هما زودوها في الشتايم مثلا...
بصراحة انا ساعات بتمنى أمشي في الشوارع بدبابة:tank::tank::tank: عشان الأشكال دي وغيرها كتيييييييييييييير، على الاقل عربيتي ممكن تتجرح :diablo1:
يارب خرجنا من البلد دي على خير
احذر انك تشتم واحد بالذات لو شكله غلط لان لسه حاصل مع واحد صاحبى انه رد شتيمه على واحد فقام زنقه ونزله واقعد يشتم فيه وكمان كان فيه واحد قاعده معاه كان شك بيئه جدا قامت نازله هيه كمان ومكتفتش بالشتيمه وكمان كملت بحركات تعبيريه بايديها وصاحبى ده كان معاه مراته وعياله
اما تعمل ايه فاعمل فيها اطرش ومش سامع حاجه واعمل اللى يريحك ما دام انته مش غلط
بصله بكل برود و قله شكرا و انتا بتبتسم . هتلاقيه دمه اتحرق اكتر من انك تشتمه
جملتك دى فكرتنى بفيلم INDEPENDENCE DAY لما الرئيس الامريكى قال خطبة لتحميس الطيارين قبل الهجوم على الغزاه
we will not go quietly into the night
we will not vanish without a fight
we' are going to survive
we are going to live on
today... we celebrate out independence day
و راح لابس الخوزة و دخل فى التلاتة بتوع الوتوسيكل راحوا واقعين على دماغهم زرع بصل
http://funblow.com/img/59m.jpg
MMamdouh