والله الواحد مش عارف حيحصل ايه بعد كده في البلد دي من حوارات الاخلاق و الشتايم و كده بس انا شايف سلم امرك لله و خلاص مفيش حل انت لو رديت علي كل واحد شتم او كسر عليك او اي حاجه حنعيش في مجزره او احنا عامة عايشين فيها :(
عرض للطباعة
والله الواحد مش عارف حيحصل ايه بعد كده في البلد دي من حوارات الاخلاق و الشتايم و كده بس انا شايف سلم امرك لله و خلاص مفيش حل انت لو رديت علي كل واحد شتم او كسر عليك او اي حاجه حنعيش في مجزره او احنا عامة عايشين فيها :(
انا كل مره بشوف الكلام ده
بحمد ربنا علي نعمه الاسماعيليليه فعلا بلد الهدوء و الروقان
يا استاذة نهي
انا فعلا بقيت باستغرب فعلا البنات اللي بتشتم وهي سايقة كتييييييييير جدا
انا صادفني كتيير منهم بيشتموا ناس علي الطريق ... وشتائم مغلظة كمان
بس بصراحة انا النهارده كان اول يوم يبقي الموضوع معايا... وفعلا لولا اني حاولت ابقي بارد... وان الغلط كان من نوع بتاع اطفال الحضانة ده.... كنت ممكن اتصرفت تصرف قمة في الهمجية معاها ونزلتلها وريتلها شغلها وخليتها كرهت اليوم اللي ركبت فيه العربية ... بس انا ما رضيتش اهين نفسي.. هي دي القضية
تحياتي
كبر دماغك واعتبرة كلب وهوهو مش معقول حترد عليه طبعا
للاسف فعلا مجتمعنا بيزداد سوءا والاخلاقيات بقت زفت وفين وفين لما تلاقى حد محترم تعرف تتعامل معاه وسادت ثقافه الهمج.
حسبنا الله ونعم الوكيل ,,,, حسبنا الله ونعم الوكيل
الرعاع دايما هم الفئة الدنيا فى المجتمع من حيث الوعى والادراك والتعليم والفهم والاخلاق والوازع الدينى والمفترض انهم يبقو اقل نسبة لانهم بيمثلو الخطأ الصرف وزيهم برضو النخبة وهم الفئة العليا فى المجتمع من حيث ايضا الوعى والادراك والتعليم والفهم والاخلاق والوازع الدينى (ملناش دعوة بالفلوس دلوقتى بنتكلم عن سلوك انسانى ) ودول برضو المفترض انهم يمثلو اقل نسبة لانهم بيقتربو من الفضيلة شوية بالشكل ده النسبة الغالبة تبقى من متوسطى الوعى والادراك ...الخ
لكن مصر دلوقتى حطمت تقسيم ابن خلدون والدمشقى وبريتشارد وكل اللى اتفق عليه العلماء واصبح لمامة البشر اللى مسمعوش عن حاجة اسمها حضارة وتهذيب وخلق ودين وحياة آخرة هم الفئة السائدة اما لتنامى عدد الرعاع او لانضمام احد الفئتين الأخريين اليهم وده مبيحصلش غير لما المجتمعات تنهار شكلا او مضمونا وهنا المصيبة لان الاشكال الضالة بتتحالف مع النفاية الجديدة من محدثين النعمة على ماتبقى من ولاد الناس اللى اتربو صح فى زمن غلط . نصيحة اوعى تهين كرامتك مع الناس دى لانك لو انفعلت وقلتله ابوك هيقولك ابوك وامك واللى خلفوك وتبقى انت كدة نزلت ملعبه اللى هو محترف فيه وانت مبتدئ , ياريت نحط ادام عنينا حكمة الامام الشافعى القيمة اللى بتقول لو لم تكن نفسى على عزيزة لمكنتها من كل نذل تحاربه
وبرضو البيت اللى بيقول لو كل كلب عوا ألقمته حجرا لأصبح الحجر مثقالا بدينار
وربنا يسترها معانا فى اللى احنا رايحنله بسرعة ومش عارفين هو ايه .
انا مرة كنت ماشي في شارع مكسر في شبرا و ماشي مهدي لقيت صوت اجش حنجوري جاي من ورا بيقولي : ياللا يا عم انت ماشي على قشر بيض..
بس انا عادة قافل الازاز و مشغل التكييف و مع نفسي فإحتمال اكون بتشتم و معرفش :scooter::chris:
يو 29 رمضان و انا راجع من الشغل لقيت واحد امور اوى خبطلى بايده على باب الشنطه جامد جدا لدرجه انى افتكرت حاجه و قعت عليها قمت باصصله و قولتله فى حاجه قالى انت اللى فى حاجه و كانت الاشاره قافله بجد رفزنى اول ما الاشاره فتحت كان الشص الظريف ده على كبوت عربيتى و الحمد لله
دي بتبقي قلة ادب و بنات اهلها مربتهاش
انا فعلا شفت بناات كتير بتشتم و تعلى صوتها و يكونو غلطانين كمان دة انا لسه شايفة واحدة والله العظيم موقفة رااجل فى الطريق و نازلة فيه بهدلة و اهانة و الاخر والله العظيم تفت عليه !!!!!!!!! تخيل انت دى؟؟؟؟
ربنا يهدي بجد
والله نفس الحوار
بس للاسف كان معايا امي و اختي
وعيال في منتهى قلة الادب
واتلطيت معاهم و نزلت مسكت فيهم
واكتشفت اني في منطقتهم
والدنيا اتملت ناس
وكنت مش عارف اتصرف
وطبعا اخدت العربية وطيرت عشان امي واختي محدش يلمسهم
والله اعلم دوست على كام واحد
بس بجد اللي عايز يحافظ على نفسه
يسيب اي كلب يهوهو وميعبروش عشان ميهزقش نفسه
اليوم قبل سوق سيارات العاشر الساعة 7:30 لقيت منظر زى الزفت
واحد كان (وبقول كان) راكب موتوسيكل وشكله موش لابس خوذة ، ياترى حصل ايه
انا نفسى موش عارف انا شوفت ناس ملمومة وشاب عمره حوالى 22 سنة مرمى على الارض وفيه شكل سوائل عمالة تجرى على الارض وعمال يتنفض كله
حوليه 20 شاب وكام موتسيكل وعربية واقفين للمساعدة والشباب حوليه بيشاوروا لكشك لطلب الاسعاف غالبا
مشيت من المكان لانى عارف الباقى ومقدرش استحمل اشوفه والسيناريو يكون كالتالى
موتوسيكل متهور فى حتة موش نور تلاقيه كان طاير ومفيش خوذة وحادثة مع عربية او حتى موتوسيكل تانى وبتبقى النتيجة المنظر اللى شوفته وشاب ياعين امه غارق فى دمه
اللى زعلان من الموتيسكل اللى ضايقه يعرف ان اللى راكب موتوسيكل موش فاهم حاجة ولو يعرف ان حتة طوبة يعينى او مطب ممكن تطيره فى الهوا ماكانش ركبه
انت وانت داخل العربية وعلى 4 عجلات بتبقى أأمن ومحمى لكن هوة غلبان موش لاقى يركب عربية
يعنى انا مع الناس قللات الادب اللى عمالة تشتم طبعا لا والف لا هى ازمة اخلاق
زمان على كوبرى اكتوبر كنت ماشى عادى الكوبرى كل شوية يقف وبعدين يمشى لسة بتحرك لقيت العربيات وقفت تانى حدفت يمين اتابى فيه موتسيكل برضه عليه 3 جاى طاير وكان بعيد عنى بس اتخض وقعدوا يخبطوا على شنطة العربية ويقلولى اوؤف وهات ياشتايم ، وانا سواق قديم رحت المرادى كاسر فعلا عليهم وبعدين خفت يقعوا من فوق الكوبرى والمدام كانت جنبى قالتلى سيبهم حرام ملكش دعوة بيهم متردش عليهم
دوست بنزين واخذت طريقى علشان متزيدش العملية وانا متضايق لان سلوكهم منتهى البلطجة والهبوط
انا مابقلش الواحد يسمع شتيمته وهوة موش غلطان ويسكت ولكن لازم يتصرف بحكمة
المشكلة حاجة اسمها رؤية كل واحد
اللى راكب موتسيكل عايز يطير وله رؤية ان العربيات معطلاه
واللى راكب عربية بيبقى موش عامل حساب الموتسيكل اصلا ومعتبره حاجة دخيلة بتضايقه فى السواقة
واخيرا لا يوجد واحد بيشوف نفسه غلط ، استحالة دى طبيعتنا احنا البشر