عاوز رأيكم فى الكاوتش

**salah_86** · 30-03-2014 03:43 AM

العربية لانسر موديل 2009 كانت نازلة بكاوتش بريدجستون تورانزا مقاس 185/65 جنط 14
وانا لما جيت اغير الكاوتش مكنش معايا فلوس فجبت نوع اسمة روداستون
من كام يوم كنت برصص واظبط زوايا فيه فردة خدت رصاص 60 وقالى دا عيب كاوتش مش جنط شيلت الكاوتش من الجنط الاسبور وحطيتة على الجنط الحديد اللى عندى خدت 65 رصاص
قالى مش قلتلك دا عيب كاوتش فناوى اغير بس فردة فردة لانى معييش فلوس اغير ال 4 فرد مرة وحدة ولا حتى فردتين فردتين فممكن اجيب فردة كل شهرين او تلاتة
اجيب بريدجستون تورانزا زى اللى كانت نازلة بيه
رائيكم ايه

**elpasha1** · 30-03-2014 03:47 AM

ممكن كومهو. هانكوك.

**automea** · 30-03-2014 08:34 AM

انا رائي جيب الى كانت نازلة بيه :)

**abogoda** · 31-03-2014 12:06 AM

توكيل بريدجستون هو Fit &Fix وسعر الفرده هايعدي ال600 جنيه موجود في القاهرة وفي اسكندريه

**ekmarei** · 31-03-2014 05:19 AM

الكاوتش حضرتك بتسافر كتير برجيسون يبانى gr 90 تاريخ حديث من غير ماتفكر مشوايرك كلها داخل المدينه اى نوع كاوتش محترم مش حيفرق
و للعلم ميتسوبيشى من منتصف 2013 ما بتركبشى بريجيستون خلاص لانه غالى على الوكيل
سعر الفرده 15/60/195 هو 720 جنيه بالتركيب و النيتروجين الترصيص 20 للفرده البلف 10 للفرده

**salah_86** · 31-03-2014 09:55 AM

لا انا بسافر كتير فعلا

**Mohamed Yousse** · 31-03-2014 11:26 PM

انا لسة مركب Trunza GR-90
الحمدلله كاوتش محترم جدا ويمكن احسن من الى نزل فى العربية لان نقشتة فيها مساحة المداس اكبر فمش هتلم زلط زى ER-30 ثبات اكتر طبعا
بوص يا باشا من رأى المتواضع
غير ال 5 مع بعض قرصة واحد احسن وكل 10 الاف اعمل routation ونزل الاستبن معاهم هتكسب 10 الاف كم عند 40 الف
و يا حبذا لو تسلحهم وتنسى اكاوتش خالص
انا غيرت ال 5 وسلحتهم ببلوف نيكل (البرميل) وكمان بالترصيص ب 5200 جنية
مقاس 195\60\15

**salah_86** · 01-04-2014 12:56 AM

ليه الفردة بكام

**Mohamed Yousse** · 01-04-2014 01:25 AM

بصراحة مش فاكر تفاصيل الحساب
بس غالبا الفردة فى رينج ال 700
عدى على تايرمينيا الى فى مدينة نصر وخد فكرة
ناس محترمة وجابلى انتاج اخر اسابيع فى 2013

**amro0000** · 01-04-2014 05:05 AM

بص يا ابو صلاح انا لسة من شهرين جايب فردتين بريدجستون من فيت ان فيكس الي في شارع محي الدين ابو العز جايب فردتين ب 1300 جنية بأمانه فرد حلال فيها الفلوس وممتازة جداااا سوبر سيلن gr 90 تورانز الفرد دي حلال فيها كل جنية بيدفع فيها وجميله اووووووووووي مع الفرامل ودي بعد ستر ربنا انقذتني من حادثة جمدة والحمد لله الفرد ناعمة وجميله وصدقني مش خسارة فيها الفلوس انا كنت زيك وزنقت نفسي وقولت اوفرهم للفردتين احسن والرخيص وحش البريلي صاحبي جابها معدتش معاة شهر وجابت بلونة والكونتننتال برضو حظوظ لاكن البريدجستون حاجة مفهاش كلام