الموضوع: قل لن يصيبنا الا ما كتب الله لنا الحمد لله عربيتى اتخبطت

المشاركة الأصلية كتبت بواسطة ahmed amin

مش عارف أرد من الزعل. :ansmile05:

أنا عارف أنها أول عربية ليك, وأنها ممشيتش كتير وعشان كدا نصحتك أنك كنت تجيب حاجة تتعلم عليها الأول عشان ميتزعلش عليها لو أتخبطت وتبقي تأمن علي العربية الجديدة لما تجيبها.

عموماً المهم دلوقتي إن الحمدلله أنك والاولاد كويسين, والحمدلله إنها جات علي قد كدا.

الله يكرمك يا استاذ احمد والحمد لله على كل شئ وكل واحد فينا معرض لاى شئ وعمر الحظر ما يمنع قدر وده قضاء الله والحمد لله انا راضى تمام الرضا وان شاء الله بالنسبة للخبطة انا هاردها على البارد هى اكيد مش هتبقى زى الاول بس هعملها وهسيبها شوية وبعدين ان شاء الله هغير الباب لانه هو اللى واخد قوة الصدمةوانا سالت عليه فى مركز خدمة نور الدين الشريف قالى عامل 2900 فربنا يسهل الحال تمشى شويه كدة ونغير بعدين ودعواتك اخى الكريم

المشاركة الأصلية كتبت بواسطة tifa2015

الف سلامة عليك وعلى اسرتك وربنا يعوضك خير إن شاء الله طبعا ده عين بس انت سيبته يمشى بعدها

جزاك الله خيرا على شعورك الطيب اما بخصوص السائق اخى فالراجل انت لو شفته مش هتقدر تعمل معاه حاجة اولا راجل كبير فى السن وتانى حاجة باين على هيئتة ان حالته تعبانه قوى على الرغم انه فضل يعتذر وقالى شوف اللى انت عايزة فانا قولت الحمد لله دة قضاء الله وربنا لطف ان محدش من الاولاد حصله حاجة فسيبته يمشى واستعوضت ربنا لان الله سبحانة وتعالى هو خير مخلف ودائما بيقدر الخير لعبادة

المشاركة الأصلية كتبت بواسطة raventennes

الحمد لله انها جت على قد كدة وقدر الله ماشاء فعل
واهم حاجة ان الاسرة وحضرتك بخير
واى حاجة تانيه مش مهم فداك
وربنا يستر عليك وعلينا ان شاء الله

الحمد لله وشكرا على شعورك الطيب

المشاركة الأصلية كتبت بواسطة amrelsaqqa

قدر الله ما شاء فعل الحمد لله انها جت لحد كدة ودى عين وكان ممكن تيجى والعربية ماشية بسرعة ع الصحراوى لا قدر الله

الحمد لله انك والاسرة بخير ، واحييك على تحليك بالصبر وكظم الغيظ وربنا يعوضك خير بإذن الله

ربنا يبارك فيك استاذ عمرو والحمد لله على كل شئ وربنا يبعد عن الجميع كل شر ويخلف علينا بالخير ويلهمنا واياكم شكر النعمة والصبر عند البلاء فهو ولى ذلك والقادر عليه

صلي علي النبي

انا لحد شهر 11 اللي فات بحمد و بفضل الله لا كان بيتسرق مني قلم جاف و لا كان بيحصل معايا بلاوي زي بتاع اليومين دول

في ال 3 شهور اللي فاتو دول بس اتسرق مني موبايل note 2 و فزبا و عربيتي القديمة اتخبطت من ورا علي السريع و اتبهدلت

الحمد لله علي كل شيء بس اقولك حاجه

اليومين دول في مصر محدش بيعدي سليييييييييييييم نهاااااااائي

قدر الله وما شاء فعل
حمداً لله على سلامتك أنت والأسرة ، وحفظك الله من كل سوء
ولعل الله سبحانه وتعالى أزاح عنك سوءاً أكبر
والحمد لله الخبير اللطيف بعباده

المشاركة الأصلية كتبت بواسطة shikh_khaled

بسم الله والحمد لله والصلاة والسلام على رسول الله

أخي الكريم أستاذ على قدر الله وما شاء فعل والحمد لله على كل حال

واذكر نفسي وإياك بما تعلمنا من علمائنا أن المصيبة التي تصيب المؤمن بها أربع فوائد

1 - أنها لم تكن في الدين

2 - أنها لم تكن أكبر من ذلك

3 - أن الله رزقك الصبر عليها ( عجبا لأمر المؤمن إن أصابته سراء شكر فكان خيرا له وإن أصابته ضراء صبر فكان خيرا له )

4 - أن الله رزقك الإسترجاع عليها ( اللهم أجرك في مصيبتك واخلفك خيرا منها , إنا لله وإنا إليه راجعون )

وصل اللهم وسلم على الحبيب محمد

جزاك الله خيرا شيخنا الفاضل على هذة التذكرة ونفعنا واياكم بما تعلمناه من ديننا الحنيف وجعلنا واياكم من الصابرين عند البلاء الشاكرين له فى السراء والضراء ونحمد الله على نعمه الجزيلة وعلى فضله علينا ولطفه بنا تحياتى لك وامتنانى لمواساتك لى ولجميع اخوانى فى هذا المنتدى الرائع