من غير ما أطول عليكم, الحمد لله النهارده عرفت سبب الدبه الخلفية من ناحية الشمال اللى ظهر فجأة إمبارح.

بعد مراجعة اراء الأعضاء و معرفة إن الدبه ممكن تكون لابسط سبب, اول حاجه جت فى بالى - سبحان الله - إن الكراسى الخلفية اللى بيتم طيها ممكن تكون ماتمش تثبيتها / قفلها كويس.

وفعلاً لاحظت ان الكراسى الخلفية مش مقفولة - اللسان اللى فى ظهر الكرسى ماكنش راكب فى القفل - وده كان سبب الظهور المفاجئ للدبه.

بالمناسبة, مجرد سحبك للشريط اللى فى اعلى كتف الكرسى و زق الكرسى مش هايقفل اللسان فى القفل, لازم تزق الكرسى للوراء زى كأنك بتزق باب العربية عشان يتقفل صح. فايدة الشريط هو إنك تشده للاعلى لما تيجى تطوى الكرسى مش إنك تقفله.