الموضوع: تم معرفة سبب الدبة الخلفية و معالجته فى عربيتى الـ 301

المشاركة الأصلية كتبت بواسطة Ashraf Fawzy

من غير ما أطول عليكم, الحمد لله النهارده عرفت سبب الدبه الخلفية من ناحية الشمال اللى ظهر فجأة إمبارح.

بعد مراجعة اراء الأعضاء و معرفة إن الدبه ممكن تكون لابسط سبب, اول حاجه جت فى بالى - سبحان الله - إن الكراسى الخلفية اللى بيتم طيها ممكن تكون ماتمش تثبيتها / قفلها كويس.

وفعلاً لاحظت ان الكراسى الخلفية مش مقفولة - اللسان اللى فى ظهر الكرسى ماكنش راكب فى القفل - وده كان سبب الظهور المفاجئ للدبه.

بالمناسبة, مجرد سحبك للشريط اللى فى اعلى كتف الكرسى و زق الكرسى مش هايقفل اللسان فى القفل, لازم تزق الكرسى للوراء زى كأنك بتزق باب العربية عشان يتقفل صح. فايدة الشريط هو إنك تشده للاعلى لما تيجى تطوى الكرسى مش إنك تقفله.

استاذ اشرف، حضرتك ظالم ال301 معاك و بتطلع عليها اشاعات مش هينفع كدة، انت عارف ولاد الحلال مش سايبنها فى حالها اصلا

المشاركة الأصلية كتبت بواسطة medori

استاذ اشرف، حضرتك ظالم ال301 معاك و بتطلع عليها اشاعات مش هينفع كدة، انت عارف ولاد الحلال مش سايبنها فى حالها اصلا

بالعكس و الله انا بحب العربية كل يوم عن اليوم اللى قبله, ده غير إنى انا جايب العربية عن إقتناع و بعد بحث دقيق ما بين السيارات و البيجو 301 افضل واحده فى الفئة السعرية من حيث المواصفات.

طبعاً مافيش شئ كامل - الكمال لله واحده - و مشاركاتى بتكون عن تجربه فعليه بهدف إن الاخرين يستفيدوا منها (زى خرطوم مية الردياتير) مش بهدف إنى اظلم العربية او تكريه الناس فى فيها

حاجه اخيرة, مع كل الناس اللى بتشترى العربية كام واحد فيهم ممكن يحصل معاه صوت الدبه لنفس السبب اللى كان عندى؟ وبدل ما يفضل محتار او يروح التوكيل يقرأ الموضوع بتاعى و يستفيد, مش كده و لا إيه؟

مشاركاتى بتكون عن تجربه فعليه بهدف إن الاخرين يستفيدوا منها

جزاك الله كل خير .... ربنا يبارك فى حضرتك

جزاك الله خيرا

عربيتنا 100 100

سبب تانى للهبدة المحتملة في العربية حصل معايا والحمد لله عرفته في خلال 5 دقايق عشان لو حصل مع حد ما يلفش وراه كتير

خدت حفرة جامدة شوية بالعربية بعدها طول مانا ماشى العربية بتهبد وبتزيق من ورا كأن الازاز مفكوك وبيلق في الباب (او كأن غطا حلة محطوط على الكوبستة وبيتهز بصوت مستفز ) المهم كانت تروح وتيجى وتبان مع المطبات وهكذا ما استحملتش اسمع الصوت ده اكتر من 500 متر

المهم السبب في الاخر جوة الشنطة من فوق في سيخين حديد معديين من جنب بعض وراكب عليهم حتة بلاستيك تمنعهم يخبطوا في بعض ، الحتة البلاستيك فكت من واحد منهم من قوة الخبطة فبقى السيخين يخبطوا في بعض ويعملوا الصوت المستفز


تم الحل ببساطة بتركيب البلاستيكة تانى وان شاء الله مش هتفك لانها محتاجة مطب غبى وبتردد معين عشان يفكها


حاجة قريبة من الصورة دى للنيسان صنى ، السيخين اللى معديين تحت الكوبستة من جوة