الموضوع: نايل موتورز -سبعة اعوام من الانجازات

الف مبروك
ومن نجاح لاخر ومن تقدم لاكثر من فى مجال السيارات
ربنا يوفق الجميع يارب ويعلى شان المنتدى كمان وكمان

خالص التهانى والأمنيات بحجم وكم الإنجازات الكبير وبالعيد السابع
وبدايه العام الثامن لكل القائمين على منتدانا وبيتنا الكبير نايل موتورز
من منسقين ومساعدى منسقين ومشرفين ومراقبين ودعم فنى ومجلس إداره بقياده
أخى وصديقى العزيز كريم منير وكل أعضاء وعضوات المنتدى الذين أثروا المكان
بمشاركاتهم وموضوعاتهم المميزه والذين ساهموا بوقتهم وجهدهم وعلمهم وخبراتهم
فى صناعه هذا الكيان ولا يزالون ، حتى من منعتهم ظروفهم وباعدت بينهم وبيننا المسافات
هم معنا ببصماتهم ومشاركتهم وبحضورهم الدائم .

يكفى أنك تبحث وفى أى قسم عن اى معلومه تخص السيارات
وبدون تردد هتلاقى عشرات المواضيع عن سؤالك أو المعلومه
اللى عاوز تعرفها ، حتى لو كانت المعلومه أو الموضوع
خارج نطاق السيارات فعندنا المنتدى الإجتماعى اللى بنتجمع
فيه بتجاربنا وبمشاكلنا وبأفراحنا واحزاننا وبنتشارك فى كل المناسبات .
عمل وجهد متواصل لكيان عملاق اتولد كبير ........

وحقيقى حاجه مشرفه جدا إننا نشوف قدامنا كيان بيبتدى
ويكبر قدامنا وبنكبر معاه زيه زى اولادنا بالظبط
وبنعتبره واحد من العيله لأ ده يمكن أصبح
هو العيله بتاعتنا لإنه بيلمنا ويجمعنا كلنا .

فخور جدا جدا بوجودى فى المكان ده لأنى
إتعرفت فيه ومنه على أخوات مش أصدقاء بس .
علاقات إجتماعيه متشابكه وروابط مستمره ما بينا
مهما باعدت بينا الأيام ومشاغل الحياه المختلفه أو
حتى الاف الميال لمن هم خارج حدود البلد .
لكن بنتواصل من خلال المنتدى او حتى من خرج المنتدى
بوسائل الإتصال الحديثه المنتشره دلوقتى واللى يمكن فى
بدايات عمر المنتدى مكنش لها الوجود والحضور الحالى

يعنى كلنا كنا لازم نتجمع داخل صفحات المنتدى يوميا مهما كان ظروفنا ووقتنا

حتى دلوقتى وبالرغم من كل وسائل الإتصالات المتاحه
لكن يبقى المنتدى هو البيت الكبير
هو المرجع وهو الدليل وهو العنوان

تحياتى لكل عضو وعضوة فى نايل موتورز
وتمنياتى للجميع بدوام الصحه ووافر العافيه
ومزيد من التقدم والرقى والنجاح بإذن الله تعالى .........