محتاج رأيكم ضروري فوكاس 2007

**eissa88** · 30-03-2014 06:36 PM

السلام عليكم يا شباب
محتاج رأيكم في عربية فورد سيدان 2007 فابريقة بره وجوه
العربية ماشية 125000 كم
العربية معروضة ب 70 ألف جنيه
كنت محتاج اعرف رأيكم في العربية من حيث اعطالها وتوافر قطع الغيار
وشكراً لكل الناس في المنتدى ربنا يجعله في ميزان حسناتكم

**ibrahiiimooo** · 30-03-2014 10:35 PM

بص يا سيدي
الفوكس 2007 اجمالا عربية جميلة جدا (شيك و واسعة و فخمة و هادية و مش هقولك بقى على الثبات و الانسابية و نعومة العفشة) و كل الاويشن اللي انت اكيد شفته لما بصيت على العربية
اسعار قطع الغيار اعلى شوية من الكوري و الياباني بس اقل عموما من باقي الالماني اللي في الرنج ده ( اقل من الاسكودا و الفولكس و حتى الاوبل) و قطع الغيار متوفرة كتير جديد و استيراد و حتى الجديد في منه تركي و اتحاد اوروبي ارخص بكتير من الاصلي و حنين في الاسعار ( انا مغير فاعدة ماتور تركي من اسبوع ب 280 جنيه)
الاهم من ده كله ان تبفى حالتها كويسة و مبصوص عليها كويس و الا حتكرهك في العربيات كلها ( قاعدة تطبق على كل المستعمل)

**eissa88** · 31-03-2014 12:50 AM

ألف شكر يا باشا على ردك واهتمامك والله :)
انا ناوي ان شاء الله اكشف عليها في التوكيل وربنا يسهل
بستأذنك بس هو السعر ده كويس عليها ولا لأ مع تصحيح بسيط بس هي ماشية 75 الف كيلو
شكراً مرة تانية

**mido51eg** · 31-03-2014 11:31 AM

حتى السعر لو مثلا اعلى من سعر مثيلاتها بألفين ولا ثلاث الاف جنيه مقابل ان الحالة تكون ممتازة دي ماتعتبرش مشكلة ، لكن انا شايف ان السعر كويس مقابل انك هتركب عربية زي دي وموديل حديث

**ibrahiiimooo** · 01-04-2014 02:25 AM

بص يا سيدي
التوكيل حايكشف على العربية من جهة اذا كانت اي لمبة منورة او حاجة متسجلة على الكمبيوتر بتاع العربية فقط
مش حابيقى في اي معلومات عن الصالون الداخلي/خبطات الشاسيه و القوايم اذا كانت مخبوطة قبل كده و معموله باحترافيه
كمان مش حابقى في معلومات عن حاجات كتير زي البطارية و الدينامو
الادهى ان ولاد الوزه لما بلاقي اي شغل معمول في الكهرباء مختلف عن الخريطه الاصلية ( من كباري و وصلات و خلافه) ما بيبصش عليه و يقولك روح فك اللي انتا عامله الاول و بعدين تعالى
باختصار الكشف في التوكيل عامل زي الكشف على العربية عند اي واحد عنده كمبيوتر ( الشهاد لله برضه الكمبيوتر بتاعهم متفرد شويه لانه بيقرا كل قرايات الحساسات و العربية شغالة بعكس اي كمبيوتر تاني بيطلع العيب في دايرة الحساس كلها و عليك انتا اكتشاف الخطا في الدايرة فين) و بالتالي كشف الكمبيوتر في التوكيل ادق شوية لكن ما يستاهلش الفلوس الكتيييييير اللي حتدفعها فيه
لما تنوي قولي بس و انا اقولك تكشف فين و ازاي
و مبروك مقدما

**eissa88** · 11-04-2014 04:14 AM

ألف شكر يا رجالة والله على ردودكم وآسف إني اتأخرت في شكركم
والله صاحب العربية بعد ما كان مقرر يبيعها رجع شاور عقله تاني وصرف نظر
هي الصراحة العربية حلوة وربنا يبارك للي راكبها
معلش انا مبعرفش اعمل اقتباس بس شكراً ليكم مرة تانية على اهتمامكم
ودعواتكم الواحد يلاقي عربية كويسة لان الصراحة السوق في مصر مقرف ومفيهوش أمانة لاقصى درجة