الموضوع: كاربيراتير الكريستالة

ازيكم يا شباب عاملين ايه. انا عندى مشكلة وهاقولكم باختصار
العربية كانت بتاكل بنزين بغباء يعنى مشوار حوالى ٣٠ كيلو سحب ربع التنك ده غير الموتور انه كان بيبطل لغاية ما فى يوم العربية وقفت خالص جبت ميكانيكى يشوفها قالى انها بتاكل بنزين كتير واللى قالب حال العربية الكاربيراتير ووصف لى مكان الشيخ احمد اللى فى غيط الصعيدى وروحتله وظبطه بس قالى البوجيهات بتقطع كهربا والموتور متلت المهم روحت للميكانيكى بتاعى قالى الماتور فيه حاجة مش مظبوطة وبصراحة هو شاطر وربنا يبارك له سيبت له العربية وطلع فيها جوان وش سليندر غيره والحمد لله الموتور اتظبط بس للاسف طلع الكاربيراتير مافيهوش حاجة وطبعا مارجعش زى الاول روحت للشيخ احمد مرتين وما اتظبطش وكتير قالولى انه لو اتلعب فيه مش بيرجع زى الاول. بفكر اروح لحد تانى يكون على الاقل اشتغل فيهم لان لو مانفعش هاجيب واحد وامرى لله .... دلوقتى استهلاك البنزين كل ٧ كيلو تاخد لتر ده غير ان فى السلانسيه الماتور بيعلى ويوطى لوحده!!!!!!! اروح لمين فى اسكندرية

فى شبه توكيل متخصص فى الكاربيراتير وخصوصا الكرستالة لانه حساس جدا وغالى ودة موجود غى جسر السويس عند عمارات الفاروقية اسمة مركز الصفا ناس محترمة وكلهم مهندسين