اقتباس:
المشاركة الأصلية كتبت بواسطة moh_kamal67
انا اخترت الشباب واخلاقهم
مفيش اخلاق مفيش تربية مفيش دين مفيش قيم مفيش احترام مفيش ذوق مفيش لباقة ولياقة
يا اساتذة دى ازمة اخلاق ودين
الرسول عليه السلام قال فيما معناه ( انما بعثت لاتمم مكارم الاخلاق)
مكارم اى ماعلى ما تسامى ما كرم ، والناس اللى بتعمل كده معندهاش مبادئ الاخلاق اصلا
انفلات اخلاق + كبت +مخدرات + عدم وجود دين = شوية حيوانات ينهشوا من تصادف من الاناث
حفظ الله امهاتنا واخواتنا واقربائنا وبناتنا وجيراننا والنساء اجمعين من هذا الكابوس
جزاك الله كل خير انت شبه لخصت المفيد فى الكارثه دى واتفق معاك مليون بالميه
يا جماعه التحرش ده اصبح من سمات عصر النهضه اللى بتعيشه مصر
يا جماعه ياللى بتتكلموا على لبس البنات ايووووووووووه اللبس بقى نيله خالص بس مش الكل نسبه المحجبات الحمد لله فى زياده مستمره وكبيره فى العشر سنوات الاخيره
لكن ما قبل العشرات سنوات عمرنا ما سمعنا عن مدرس او مدرسه يتحرش بطفله 4 سنوات تصل الى هتك عرض وحدوث نزيف لطفله وتكررت الحدثه
محدش يقولى ده سلوك فردى ماشى طيب ماهو له نفس الاسباب لو كان سلوك جماعى فى النهايه كان الهدف واحد
وعمرنا ما كنا بنسمع عن جرائم اغتصاب جماعيه ذى كل شويه سواق ميكروباص خاطف له بنت ومعاه كم واحد صايع اصحابه وكل شويه نسمع شباب مزق ملابس بنات فى الشارع
ده لما كان واحد يفكر يعمل كده كل اللى فى الشارع يتلموا عليه بالضرب الان كلهم بيتلموا عليه للمشاركه فى عمل بطولى
القصه انحدار لاهم قيمتين فى حياتنا كبشر وكمسلمين
انحدار تااااااااااام فى القيم الدينيه
اغلب الجيل الجديد الا من رحم ربى طبعا ما يعرفش اى شى عن دينه ولا عن اوامر الله ونواهيه
وساعدت فى كده الظروف الاقتصاديه سهلت كل شى حرام وبقى عادى من رشوه وتدليش وغش وكل شى
وكملت المدارس دورها فى تربيه الفكر الخاطى انعدم الضمير وتحول دور المؤسسه التعليميه الى مؤسسه للتهليب وذبح اولياء الامور
وفى اخر التطورات كان القرار الخفى بمنع تدريس واختفاء المواد الدينيه من المدارس
وبكده تحولت مصر الى دوله علمانيه فى الباطن اسلاميه فى الظاهر
الانحدار الثانى كان فى فضيله الاخلالالالالالاق
ماهو طبيعى مفيش دين يبقى بالتالى هتيجى منين الاخلاق وادب
ومن هنا تتفرع كل الاسباب الباقيه اللى ذكرت فى التصويت