طيب ياريت بعد ما الواحد قرا الجرنان النهارده انهم افرجو عن حاجه و تلاتين منهم الموضوع ينتهي بعقوبه شديده القسوه و الردع, مش عملا بمدء كبش الفداء المصري و انما اعمالا للأيه الكريمه:
ولكم في القصاص حياه يا اولي الالباب
لأن الواحد منا لو اتحط في موقف زي ده مع واحده قريبته مش هيكون قدامه غير القتل دفاعا عن الشرف و ساعتها المجتمع هيتحول لغابه حقيقيه و الناس هتقتل بعضها زي الدبان
لا يوجد عذر لمثل هذه الجرائم الخسيسه
لأن الشباب البايظ الدنيء ده اساسا لا يسمح بمعاكسه اخواته البنات و مش بس كده ده القتل (بالغز بالمطاوي) هو الشائع لأتفه انواع المعاكسات في المناطق دي
فميجوش يعملو كده في احياء مختلفه او بعيده عن احيائهم
ممكن تقولو عني اني متعصب و متحيز ضد الفئات دي من المجتمع لكن للاسف الشديد الفئات دي من اكتر الناس بلطجه و خروجا عن القانون
يمكن لقله التعليم و انعدام فرص العمل الكريمه
لكن تظل الحقيقه اليمه انهم فعلا كده
و اراهن ان الموضوع بيمثل ليهم انتصار و فخر عظيم
الاشكال دي هي اللي موجودين في شوارعنا و بيمارسو المهن اللي احنا مبنجيش ناحيتها زي الميكانيكا و السمكره و النجاره و الحداده و المكوه و سائقي الميكروباصات و هلم جرا
و في منهم كتير بيمارسو هوايه البانجو و باقي المخدرات
و لو حسو للحظه واحده ان اعتدائهم علي بنات الناس بيمر مرور الكرام
يبقي ساعتها بناتنا و زوجاتنا و امهاتنا كمان هيتم الاعتداء عليهم
بكرر لازم العقوبه تكون قاسيه لأن في الف واحد منهم عنده استعداد تام للتحرش
و مهما كانت المسببات محدش هيقتنع بيها لو لا قدر الله امه او اخته او مراته او بنته اتحطط في الموقف ده
يبقي لسلامه المجتمع يجب ان ينالو اقصي ما يوجد في قانون العقوبات