الموضوع: مسلسل التحرش تفتكر مين المسئول

من وجهه نظرى المسئول الاكبر فى القضيه دى هى وزاره الداخليه ومجلس الشورى


من زمان بيطالبوا بسن قانون يعاقب ويجرم التحرش

ليهم مليون سنه لسا بيحددوا معنى كلمه التحرش بالظبط عشان يفكروا فى وضع قانون \
مصر تعتبر الدوله العربيه الوحيده اللى مفيش فيها قانون يعاقب على التحرش فى الشارع او خلافه

فى اى بلد عربى محدش يتجراء يتحرش بفتاه لانها مجرد ما تشتكى على الشخص فى اى قسم يتسحب على الحبس فيه قانون يجرم ويعاقب وفيه عقوبات رادعه

احنا هنا سايبين السايب فى السايب

انعدام اخلاقى وانعدام تربيه وثقافه ووعى

والاكبر انعدام الخوف من الردع او العقاب فى حاله الخطاء

لو مفيش اخلاق وفيه بطاله وفقر وكل شى

بس فيه قانون المراهق لو عارف انه لو عاكس واحده وقل ادبه واشتكت عليه هيتسجن محدش هيبص فى وش اى واحده

1-البنات ولبسهم وثقافة الموضة (دور الاسرة)

2-الفضائيات والكليبات والعرى(دور الاسرة والدولة)

3-البعد عن الدين والاخلاق وانتشار ثقافة الفهلوة(دور الدولة والاسرة)

4-تاخر سن الزوج بسبب قلة الموارد (دور الدولة)+عادات خاطئة: المغالاة فى الطلبات (دور الاسرة)

5-انتشار فظيع للمكيفات بكافة انواعها(دور الدولة)

6-عدم وجود عقوبات رادعة+عدم تطبيق الشريعة الاسلامية (دور الدولة)

و ممكن يكون فى اسباب تانية انا مخدتش بالى منها

المشاركة الأصلية كتبت بواسطة maka

1-البنات ولبسهم وثقافة الموضة (دور الاسرة)

2-الفضائيات والكليبات والعرى(دور الاسرة والدولة)

3-البعد عن الدين والاخلاق وانتشار ثقافة الفهلوة(دور الدولة والاسرة)

4-تاخر سن الزوج بسبب قلة الموارد (دور الدولة)+عادات خاطئة: المغالاة فى الطلبات (دور الاسرة)

5-انتشار فظيع للمكيفات بكافة انواعها(دور الدولة)

6-عدم وجود عقوبات رادعة+عدم تطبيق الشريعة الاسلامية (دور الدولة)

و ممكن يكون فى اسباب تانية انا مخدتش بالى منها

الله يفتح عليك ...........اتفق مع حضرتك 1000000000%

انا صوتت ل:سبب آخر

والسبب البسيط اللى انا شايفه هو الكبت
وسبب الكبت هو برضه بببسطة تعقيد مسألة الزواج

مع ان المسالة سهلة نظريا وقابلة للحل، لكن مع وجود العقول المصرية العتيدة هتكون صعبة جدا

دول المغرب العربى قدمت نموذج ناجح جدا لمسألة الزواج، لا يخرج عن الشرعية ، ويتماشى مع روح ديننا ، ويسد الطرق امام كل العلاقات الغير شرعية

والنموذج ببساطة هو زواج بدون تكاليف، يعنى شقة ايجار جديد فى اى حته ، على سرير قديم من عند ابن خالة العروسة على دولاب من عند بنت عمة العريس على ترابيزة ايديال وبتجاز المصانع مستعمل من سوق العصر ، وتبدأ الحياه وربنا يسهلها، وده ميختلفش فى حاجة عن اللى الغربيين بيعملوه لما البنت بتكبر وتنتقل للمعيشة مع صديقها بابسط تكاليف ممكنة،وبمعرفة اهلها وموافقتهم، سوى ان الموضوع هنا بيكون بشكل شرعى بعقد زواج رسمى موثق ، لكن بدون التعقيدات التى لا اول لها ولا آخر بتاعة شبكة زى بنت خالتها واوضة سفرة ارو زان كركزان وطقم صينى ميلامينى وشقة جنبنا هنا علشان اشوفها كل يوم والكلام اللى لا بيودى ولا يجيب واخرته محدش بيتجوز ده

اتيحت لى الفرصة انى اتعرف بشابة مغربية وكانت بصدد الزواج علما بانها ميسورة الى حد ما وكذلك خطيبها، سالتها عن شبكتها ومهرها وجهازها والحاجات دى، قالت لى بالنص:" هو لسه فيه حد بيفكر بالأسلوب المتخلف ده"



لو كل شاب اتعود انه يلاقى عمل ولو مؤقت من سن 18 لحد ما يخلص تعليمه، والناس فكرت ان الولاد تتجوز باى طريقة وبعدين ربنا بيوسعها من عنده، ساعتها مشكلة الكبت هتخلص، وياليت اهل المشرق العربى يتعلموا من اهل مغربه

سبب كده انهيار فى اخلاقيات الشعب المصرى والبعد عن الدين

المشاركة الأصلية كتبت بواسطة r0xer

نفسي أعرف مين اللي أختارو البنات ولبسهم!!! و كـأننا هنحجر على حرية الناس ويا إما تقعدوا في بيوتكم يا إما هنتحرش بيكم!

حاجة تسد النفس على الصبح كدا..!

!

انا اخترت البنات ولبسهم لان البنات دى لو محتشمة ولابسة ما لا يكشف

ولا يصف استحالة حد يبصلهم (بالبلدى متحطش النار جنب البنزين) و

الحرية معناها ان انا اعمل اللى عاوزه وفى نفس الوقت مضرش غيرى

يبقى لابس البادى والكت بياذى عينى ولو انا مبصيتش غيرى هيبص

بسبب:ضعيف النفس + الكبت و الحرمان