الموضوع: عايز اشتري عربية ف حدود 75 لـ 85 الف ومحتار اجيب ايــه ؟؟

المشاركة الأصلية كتبت بواسطة s o p h o s

ارشح الكورولا ال 1300
والكورولا كفرامل مش وحشة وكثبات لو جنط 15 كويس وليس بالممتاز

بصراحة انا كنت مقتنع بيها تماماً وخايف بس من موضوع الثبات ووضعيه القيادة بيقولو مش مريحة والفرامل والثبات والصاج ضعيف دي الملاحظات اللى سمعتها عنها
واللى كان عاجبني فيها استهلاكها للبنزين وعفشتها وانها قليلة الاعطال
بس حاسس ان عيوبها كتيرة وصعبه مفيش عوامل امان نهائي
انت ايه راي حضرتك ف الملاحظات دي هل صحيحه ولا لا

المشاركة الأصلية كتبت بواسطة محمود فرنسا

السلام عليكم ورحمة الله وبركاتة
ازيكم يارجالة نايل موتورز ياجامدين
نويت والنيه لله اشتري عربية مستعمله فى حدود 75 لـ 85 الف محتار جداً مش عارف اجيب ايه
هقولكم متطلباتى عشان اسهل عليكم المقارنه
مبدئياً عاوزها اوتوماتيك عشان عندي مشاكل صحيه ف العمود الفقري وعايز وضعيه مريحة للسواقه
مبسافرش كتير اغلب مشاويري داخل البلد وبالذات فى فيصل وما ادراكم شوارع فيصل الداخلية اللى بهرب فيها من الزحمه طبعاً تكسير ودغدغه ومحتاج عفشه تستحمل مش كل شويه اروح اربطها متبقاش ناشفه وف نفس الوقت مش عايز احس اني قاعد فى مراجيح مولد النبي من التنطيط :copy of new: ده بالنسبه للعفشه
اما بالنسبه للموتور مش هتفرق 1300 او 1600 المهم الشد يكون كويس اللى حد ما يعني يبقى فيه توافق بين الموتور والهيكل متبقاش زي الفيرنا موتور قوي وعربية خفيفه احس اني راكب على ضهر فراشه
تكون عربية موفره فى البنزين الى حداً ما لان اغلب مشاويري بيها هتبقى ف زحمه مش عايز عربية سفاحة بنزين تقطم وسطي
واخر حاجه قطع الغيار تكون متوفرة وف نفس الوقت مش غالية اوفر عشان انا من النوع اللى مبيحبش يسيب العربية واقفة ابداً وبصلح على طول
ياريت ياجماعة بس اللى يديني نصيحة ف نوع يقولى رينج السعر بتاعها عشان بسمع ارقام غريبة ف مواقع البيع وعدد الكيلو المناسب للموديل ده وهل العربية دي مشهور عنها انهم بيقدرو يغيرو ف عداد الكيلو ولا صعبه واذا كان فيه اى ملاحظات متبخلوش عليا بيها اخوكم مزنوق ومحتاج المساعدة

بص يا باشا انا شايف ان السعر اللى معاك يجبلك اوبترا مرتاح كويسة جدا وهى عربية ممتازة والاتوماتيك بتاعها فوق الممتاز وسحبها قوى اوى وقطع غيارها موجودة فى كل حتة واسعار مناسبة وهى كانت معايا قبل ما اشترى السيراتو ولو اى استفسار عنها انا تحت امرك

المشاركة الأصلية كتبت بواسطة محمود فرنسا

بصراحة انا كنت مقتنع بيها تماماً وخايف بس من موضوع الثبات ووضعيه القيادة بيقولو مش مريحة والفرامل والثبات والصاج ضعيف دي الملاحظات اللى سمعتها عنها
واللى كان عاجبني فيها استهلاكها للبنزين وعفشتها وانها قليلة الاعطال
بس حاسس ان عيوبها كتيرة وصعبه مفيش عوامل امان نهائي
انت ايه راي حضرتك ف الملاحظات دي هل صحيحه ولا لا

الكورولا عربية مريحة استهلاك بنزين جميل اعتمادية جدا
فرامل من 2004 و 2005 وانت طالع كويسة
وسائل امان في وسادة هوائية للسائق ده غير اني في اكتر فموديل 2006 و 2007 بس ده غالي
صاج مش هحكم لاني شايف الكورولا كويسة ودي بتختلف من شخص لاخر
والثبات وضحته لحضرتك
والله اعلم ..

افيو