اقتباس المشاركة الأصلية كتبت بواسطة mohamed.hany مشاهدة المشاركة
سيدي الفاضل ،،،
كنا زمان بنقول الاوروبي مواصفات امان اعلي، و كنا بنتريق علي الكورى و نقول ايه ده الهاي لاين بس اللي فيها abs ايه ده الهاي لاين بس اللي فيها airbags ! و نقعد نتريق و تبقي هي دي ميزة الاوروبي عن الكورى بس الكلام ده كان زمان.
اما الان فبقي الاوروبي في الامان اقل من الياباني مثلا لييييييييه ؟
عشان دلوقتي الهوندا سيفيك و الكورولا بتنزل ستاندرد جميع الفئات ب esp ده ناهيك عن كل مواصفات الامان التانية و الاسعار بتبدأ بكام ؟ ب 165 الف للكوروﻻ !!
ايه ده يعني مفيش عربيات اوروبي تحت ال 200 الف فيها esp للاسف الاسترا و الليون فقط لا بيجو ولا فلوانس فيهم عوامل الامان دي حتي في الهاي لاين.
فالدنيا بتتغير و دلوقتي الكلام عن السيفتي مبقاش اوروبي و بقا الياباني بيتفوق فضلا عن تفوقه في الاعتمادية بدون شك. يا فندم الكوروﻻ كمثال تاني نازلة ب 7 ايرباج مبتنزلش في اي اوروبي في نفس السعر.
و اقرب مثال للاعتمادية و قوة التشغيل هو فتيس و موتور و تكييف الفلوانس اللي هو بتاع شركة نيسان اليابانية، قارن كدة فتيس و موتور و تكييف الفلوانس لما كان فرنساوي قبل كدة فتيس بينتش تكييف سئ جدا و موتور بطة و بيه دلوقتي لما بقي ياباني، طب مدام بقي ياباني و مبقتش فيها عوامل امان زي ال esp في الياباني و بنفس السعر !
خلاصة الموضوع العربية حسب ارتياحك ل يها سيبك من اللي يقولك ياباني فرنساوي هندي المهم احساسك انت في العربية بس ده لا يمنع ان كان لازم توضيح النقاط السابقة عشان بقي فيه متغيرات كتيرة في الايام دى و كلمة عوامل امان مبقتش زي زمان. ده رد و توضيح لكلمة حضرتك عند الاوروبيين ال safety قبل اي شئ ، و الامثلة موضحة.
البيجو عربية جميلة ما شاء الله و اختيار موفق بأذن الله.
اختلف معاك في نقطة يا استاذ محمد الكورولا 2014 لو كانت ياباني ومتقفلة في اليابان كان سعرها اختلف عن السعر اللي حضرتك بتتكلم عليه بدليل الكورولا 2013 سعرها كام حاليا 185 الف جنيه ده ليه بقي ???? وهنا السؤال ليه سعرها زاد بالشكل ده حاليا بعد ما نزل موديل 2014 ولسه شايف ناس بتشتريها زيرو مع ان الفرق مش كبير
ونورت قسم البيحو يا باشا