قدر الله و ما شاء فعل لكن ابتديت اخاف من اللوجان للاسف((فعلا متضايق))

**cheetos_892005** · 05-10-2009 05:35 PM

اولا انا الحمد لله معايا لوجان 2010 فول اوبشن
اللي حصل اني وانا نازل امبارح الاحد بليل عالمحور
كنت يمين ميكروباص كده و كان في حديده كبيره علي الارض متفهمش جت منين
و لا حته من اكصدام ولا ايه ((حسبي الله و نعم الوكيل في الاهمال))
المهم الميكروباص داس عليها طارت طرخخخخخخخخخخخ
في الفانوس عندي دشدشته الحمد لله
بس الفانوس لسه مكانه طبعا و الميكروباص ببراقه الاطفال ولا حس باللي عملوا
خلاص الحمد لله و اغيره في التامين و قدر الله و ما شاء فعل و ياما هنشوف

نيجي بقي للجزء المؤسف للغايه اللي مكنتش انا متوقعه بصراحه ..............
التصليح و التوكييييييييييييييل
نزلت انهرده الصبح التامين عاين و قاللي روح غيره و هات الفاتوره تمام
قلت اروح للمركز المعتمد اللي في العجوزه خلف مسرح البالون عشان اقربلي
وصلت 10 صباحا لفوجء بيقولي الفانوس مش موجود
قلتله نعممممم قالي اه محنا هنجيبه من التوكيل في المقطم ....طيب
كلمهم ........مش موجووووووود طبعا انا الدم غلي في عروقي
قالي عموما انا طلبته و اول لما يجي هيقولولي او يبعتو علي طول
رحت مكلم بنفسي من الموبيل التوكيل نفس الكلام قلتله يعني ازاي مش موجود يعني ايه الهبل ده
هوا انا بدور علي حاجه صعبه ده فانوووووووووس معرض ان عيل صغير و انت طالع من المعرض يكسرهولك

خليتو وصلني بالعبور
بيقلي اه كان عندي واحد و المقطم خده ...((قلت في سري خدكو ربنا واحد ايه بس العربيه كترت و تقولي واحد!!!!!!!!!!!!))
كلمت المقطم تاااااااااني طلع فين و فييييييييييين ان المقطم خده عشان المركز اللي انا عنده
يعني جايلي
قلت الحمد لله
بعد انتظار ساعتين
جابوه و الصدمههههههههههههههه
مش هو جايبين بتاع ال 7 راكب اسم الله عليهم و علي ذكائهم مع اني كنت جنب الراجل و هو بيشدد
السيدااااااااااااان 4 راكب امامي شمال مغربييييييييييييييييييييي ييييييييييييي 2010
كنت فعلا عايز اقتله
كلمت بتاع 5 مراكز معتمده اللي في الهرم و الميكانيكيون العرب و فرنش موتورز و ابو الفتوح مفيشششششششششششششش منزلش !!!!!!!!!!!!!!
طبعا جالي صدمه كبيييره جدا و كنت خلاص هموت حد
طيب ايه الحل ساعتين كمان من المحاولات اليائسه بصراحه كتر خير مركز العجوزه تعبوا معايا قوييييييي بدون مقابل
كلموا رئيس قسم قطع الغيار و مهندسين تانين يا جماعه فين و بتاع مفيششششششش
واخيرا بعد ساعتين كمان الكرتونه جايه مقفوله في المنطقه الحره
يا جماعه حد يفهمني و التوكيل الرئيسي اسم الله عليهم اجازه بكره كمان 6 اكتوبر
قال يعني بيعملوا اللي عليهم و مصدقوا ياجزوا
الخلاصه 5 ساعات محاولات دون جدوي
وزي ما روحت زي ما جيت
قالولي هنتابعك بالتليفون لما توصل ((عندي احساس موت يا حمار مش عارف ليه))الي ان يثبتوا العكس
يا جماعه حد يساعدني في الموضوع ده محتاج مساعده لان العربيه دلوقتي هي ايدي و رجلي
مش بقدر استغني عنها يوم واحد للاسف
هلي يا تري في مصدر تاني
حد في الحرفيين بيستورد لوحده مثلا؟؟؟؟؟
مرز كبير تاني غير دول؟؟؟؟؟؟؟؟؟؟ظ
اروح اكسر التوكيل عاللي فيه؟؟؟؟؟؟؟؟؟
يا ريت يا وحوش اللي يعرف مصدر موثوق منه في التوكيل يكلمهولي يعرف ايه الحل؟؟؟
و في الاخر الحمد لله علي كل شيء
و محدش بيتعلم ببلاش
انا كنت جايب العربيه عشان عجبتني قوي قوي قوي و ما زالت عجباني وتتفوق علي مثيلتها من فيرنا ولانوس وغيره
بس واضح انك في البلد ديه لازم تمشي جنب الحيطه و تمشي مع طابور الفيرنا واللانوس عشان تطمن
تقبلوا تحياتي

**AbO_FaRaH** · 05-10-2009 05:59 PM

والله يا باشا انا مش قادر اصدق كلامك.......انا مصدوم والله.......

انا لو مكان حضرتك ها اتصل بالتوكيل وهعمل حاجات وحشه........

انا حاسس انى فى برنامج الكاميرا الخفيه

**MoHaMed HaMeD** · 05-10-2009 06:02 PM

gا ان شاء الله خير ساشيتوس الحمد الله انها جات ع كده

**cheetos_892005** · 05-10-2009 06:04 PM

المشاركة الأصلية كتبت بواسطة test50

والله يا باشا انا مش قادر اصدق كلامك.......انا مصدوم والله.......

انا لو مكان حضرتك ها اتصل بالتوكيل وهعمل حاجات وحشه........

انا حاسس انى فى برنامج الكاميرا الخفيه

والله و انا مروح كنت عايز انط في ترعه
و كل اللي يفكر يرمي عليا بس بغربيته زعيق وشتيمه للاسف
مش عارف لو جت لا قدر في حاجه كبيره و اساسيه اللي هي متمشيش العربيه هعمل ايه؟؟؟؟؟؟؟؟

**ahmedsrs** · 05-10-2009 06:21 PM

دور عليه استعمال وامرك لله كان الله فى عونك

**cheetos_892005** · 05-10-2009 06:24 PM

المشاركة الأصلية كتبت بواسطة ahmedsrs

دور عليه استعمال وامرك لله كان الله فى عونك

يا رييييييييييييييت
بس فين؟؟؟؟؟؟؟؟؟؟

**Amr_Moh** · 05-10-2009 06:34 PM

قدر الله و ما شاء فعل

**M.Osman** · 05-10-2009 06:39 PM

انا بجد مستغرب جداااااااااااااااااا

ازاي عربية في الفئة السعرية دي (فئة الفيرنا واللانوس) يعني متوقع تنتشر و حصل فعلاً انها باعت كتير.. ازاي ميكونش موجود فانوس..؟
مجرد فانوس..؟
انا متابع الموضوع .. و ربنا يوفقك و يعينك

**cheetos_892005** · 05-10-2009 06:40 PM

المشاركة الأصلية كتبت بواسطة amr_moh

قدر الله و ما شاء فعل

اه الحمد لله طبعا
بس حضرتك معاك كليو وميجان يعني متمكن من الرينو
هل تعرف حد متخضض قطع غيار رينو كبير ؟؟؟؟؟؟؟؟
و لو فيه يا ريت رقمه او مكانه
و هل المشاكل ديه بتحصل عادي في التوكيلات و لا ديه مشكله كبيره فعلا و لا ده مؤشر وحش للعربيه من الاول؟؟
معلش اعذروني يا جماعه انا لسه جديد في التعامل مع التوكيلات

**cheetos_892005** · 05-10-2009 06:41 PM

المشاركة الأصلية كتبت بواسطة SuccessCre8or

انا بجد مستغرب جداااااااااااااااااا

ازاي عربية في الفئة السعرية دي (فئة الفيرنا واللانوس) يعني متوقع تنتشر و حصل فعلاً انها باعت كتير.. ازاي ميكونش موجود فانوس..؟
مجرد فانوس..؟
انا متابع الموضوع .. و ربنا يوفقك و يعينك

شكرا لروحك الطيبه