السلام عليكم
لازم يتكشف عليها كمبيوتر
تحياتي
م. طارق العدوي
السلام عليكم ورحمة الله وبركاته
اخبارك ايه م طارق ان شاء الله تكون بخير حال
استفساراي عن امرين بالنسبه لعربيه سكودا اوكتافيا 2007 a5
العربيه من فضل الله انا مستريح معاها جدا ويمكن هي اول عربيه اسوقها والحمد لله الاختيار موفق من احد اصدقائي
انا بحس بس ان العربية واطيه جدا واي مطب لازم العربيه تحك في المطب مع كل المحاولات لتفادي المطب بكل الطرق
هل الموضوع ده له اي حل مع ان العربيه راكب لها طقم جنوط
امبارح حصل عندي خبطه بسيطه في حجر مكونتش شايفه اسفل باب السائق نتج عنه ان الباب لازم يتخبط جامد علشان يقفل والكمبيتور بتاع العربية يحس بيه ويقفل السنترلوك
احل المشكله دي فين انا بدور علي سمكري بس خايف حد يبوظ فيها شيء
جزاكم الله كل خير
مساء الفل علي احلي جروب .
معايا عربية a4اوتوماتك 2005 كنت هاغيرلها موتور علي اول الشهر اللي جاي .
كنت عاوز اعرف ازاي اني الموتور دة استيراد مش موتور مفكوك من عربية تاني ومتظبط وهايلبسهولي.
وازاي مثلا اعرف حالتة كويسة ولا لا مثلا 80او90% .وهل اغفضل اغير موتورو فتيس افضل يعني متقفل من بلادة
الاتنين مع بعض ولا عادي
.لية كدة مفيش اي رد عندي يا جماعة ياريت حد يقولي اعرف الدنيا ازاي
من فضلكم انا عربيتي سكودا اوكتافيا a4
موديل 2008
كل ماروح اربط العفشه ... تفك في نفس اليوم او اليوم اللي بعده بالكتير و بحس كأنها ماتربطتش خالص يعني في الاول بتبقي مربوطه و قويه و بعدها تدريجيا بتفك خالص في خلال نفس اليوم او اللي بعده..
أرجو المساعده من فضلكم.
شكرا
شكرا للاهتمام
السلام عليكم ورحمة الله وبركاته
انا عربيتى اوكتافيا a4 2007عداد السرعة بيسقط وبيرحع تانى لوحده
ودى مشكله مضيقانى اوى
وانا ماشى بالعربية مببقاش عارف انا ماشى على سرعة كام
يا ترى ايه حل المشكلة دى:_Alshmokh08[1]:
مشكلتى مع a4 2007 بتكون ماشية كويسة جدا وفجأة تسمع هبدة والعربية تتلجم لجزء من الثانية ثم تعود الى سرعتها تانى وتتكرر هذه الحركة ولكن ليس على سرعة معينة و كشف الكمبيوتر لم يقرأ اي خطأ سواء فى التوكيل او خارجة واشكرك مقدما
استاذ طارق انا روحت توكيل عقل بتاع الاسكودا وكشفت على الفالف بادى زى ما حضرتك قولت..... قالولى انه سليم والفتيس سليم كان فى فيشه مقطوعه بتاعت حساس الكرنك غيرةهالى وصلحه فيشة البوابه بيقولو كانت بايظه . النتشه راحت بس لسه الغيار ات مش مظبطه فامهندس التوكيل ركب معايه وقالى ان موضوع الغيارت ده طبيعى العربيه بتنزل غيار عكسى لما بشيل رجلى من على البنزين عشان تدى عزم هل الموضوع ده صحيح ولا هما مش فاهمين... اسف على الاطاله
نفس المشكله عندى والتوكيل بعد 4مرات تجربه معمليش حاجه وكشف كمبيوتر وتغير فيش وتنضيف ومفيش فايده الحل عند الاستاذ طارق مسنين منه الرد ياريت ميتأخرش علينا
ياجدعان حد يرد عليا
هو الموضوع اتقفل ولا ايه
برجاء المساعدة عندي بالعربية أكثر من مشكلة كلها حاسس إنها بسيطة بس منكدة عليه
أولا باب الراكب اليمين جنب السائق كان الزجاج بيعمل المشكلة المعتادة أرفعه ينزل لوحده مرتين ثم يطلع على مراحل غيرت الترس ونظفت المجرى وبقى تمام بس عملها تاني وأكتشفت إن الترس المرة دي سليم 100 ب100 بس المرة دي بيطلع ويصد في حاجه جوة ولو شديدته براحه لداخل السيارة يكمل ويطلع ولكن لما يوصل للأخر التروس بتحك في بعضها لو أستمريت في ضغط الزرار وكأن الحساسات للماكينه اللي بتقولها إن الزجاج وصل للأخر مش شغالة والماكينه تستمر في الدوران مع صوت إحتكاك التروس ممكن اصور فيديو وابعتو لحضرتك .
ثانيا باب السائق والباب اليمين بالخلف كالون الباب ليه تكتين لو فتحت السنة الاولى لمبة الباب تنور والكمبيوتر يظهر ان الباب مفتوح ولو كملت وفتحت السنه التانية يعني الباب بالكامل اللمبة تطفي والكمبيوتر ولا حاسس بيه.
الثالثة السماعات كانت بتلمس كتير مع المطبات يعني جانب السائق شغال باستمرار ولكن الباقي يفصل ويشتغل أحيانا مع المطبات واوقات بحس انو لما بلف الدركسيون ودلوقتي فصلوا تماما ماعدا السائق.
أنا نفسي أحل المشاكل دي بصورة نهائية بالذات الباب اليمين الامامي حل بخبرة وارجع العربية لاصلها بدون ما حد يدفعني الضعف.
السلام عليكم ورحمة الله وبركاتة
أستاذي العزيز حاسس ان حضرتك داخل تتخانق معايا و حسستني اني مردتش علي حضرتك في مشكلتك
مع اني رديت علي حضرتك و حضرتك مقتنعتش بالكلام و روحت التوكيل قالو لحضرتك كلام تاني و انة كلامهم اليي صح و عملهولك و خدو فلوس و لسة نفس المشكلة .. بالنسبة لمشكلة حضرتك انا قولتلك حلها قبل كدة و دة الحل النهائي و الاخير من وجهة نظري غير كدة مقدرش افيد سيادتك
تحياتي لسيادتك بدوام الصحة و العافية
م . طارق العدوي
الف شكر يا استاذ طارق ممكن رقم التلفون
السلام عليكم ورحمة الله وبركاته
افضل نوع ايه كاوتش للسكودا ولو في مكان موثوق فيه واسعار مبدئيه للكاوتش
اريال سكودا 2007 a5
الاقيه فين واسعاره ايه جزاكم الله خيرا استاذ طارق
وهل في اهميه كبيرة لتغييرة م طارق مع العلم هو موجود في العربية بس مكسور وشغال
أولا أنا قرأت تقريبا صفحات الموضوع وحقيقي تعبت من القرائة فقلت أومال حضرتك إحساسك إيه بجد ربنا يعينك ويصبرك وتستمر في مساعدتنا وربنا يجعله في ميزان حسناتك إن شاء الله وعلى فكرة أنا صاحب حساب wellwell بس معرفتش أغير الأسم فعملت الأكونت ده بإسمي.
ومتشكر على سرعة الرد لأسئلتي بس ينفع أجرب مكنة أي باب تاني من التلاتة الباقيين في العربية للتأكد قبل تغيير المكنة اليمين أمامي ولا فيه إختلاف بين الاربع ماكينات الزجاج علشان خايف يكون فيه حاجه أنا مش واخد بالي منها في الباب ويكون هي السبب لأن المكنة جربتها لوحدها لقيتها شغاله تمام.
بالنسبة للكوالين أنا أشتريت منتج أسمه WD40 هو ده اللي بتسمووه W40 ?
وشكرا جزيلا لحضرتك
السلام عليكم عداد الحراره فى اسكودا a5>>2007مش بيعدى التسعين طول ما العربيه شغاله انما اول ما ابطل العربيه العداد بيعدى التسعين بشرطه كامله غيرت حساس الحراره ولسه المشكله موجوده ممكن مساعده
السلام عليكم
جزاك الله خيرا
بفكر اشتري الاسكودا الأوكتافيا ومحتار عشان موضوع الفتيس فكنت عايز راي حضرتك
انا معروض عليا اسكودا a5 2007 الفئه تانيه فابريكا بره وجوه الحاله ممتازه اقل من 95000 الف ك صيانه توكيل ممكن اعرف سعرها هوا طالب 115000
ايه رايك في السعر ولو غاليه سعرها يبقي كام
وشكرا جزيلا لك
الاستاذ طارق مردشتش عليا . بس الحمد لله عرفت العيب فين وحبيت اعرف الناس كلها الحل ايه
كان الترومستات الى فى كوعه الميه الى بدخل الميه على المتور قافش ومنش بيدخل الميه على الماتور للتبريد فا الميكانيكى شاله خالص وركب الكوعه من غيره .. المشكله اتحلت الحمد لله . بس عايز اعرف من حضرتك هو وظفته ايه وهل عدم تركيبه يسبب مشكله بعد كده .. وشكرا لحضرتك
صباح الخير جميعا ....من فضلكم انا عربيتي سكودا اوكتافيا a4
موديل 2008
من حوالي شهر انا غيرت البطاحات و المساعدين و جلب المقص و بارات دريكسيون خارجيه و كوبلن يمين و شداد فتيس.
و العفشه كانت تمام و متامسكه جدا بس لمدة 3 او 4 ايام و بعدها بدأت أحس انها بتفك واحده واحده و كل ماروح اربط العفشه ... تفك في نفس اليوم او اليوم اللي بعده بالكتير و بحس كأنها ماتربطتش خالص يعني في الاول بتبقي مربوطه و قويه و بعدها تدريجيا بتفك خالص في خلال نفس اليوم او اللي بعده..
نفسي أعرف حل المشكله ايه علشان انا اتجننت من العفشه خلاص ز
أرجو المساعده من فضلكم.
شكرا
استاذي الفاضل /sadany100
انا معروض عليا اسكودا a5 2007 هي عامله 120000 ك كنت عايز اعرف بما انكةراكب نفس العربيه ايه رايك فيها من ناحيه الصيانه والفتيس
منتظر رد حضرتك لاني ممكن اروح اتفرج عليها بكره ان شاء الله وتنصحني ابص علي ايه
ومتشكر ليك
عربيه فوق الممتازه بس مصارفها نار ومش اى حد يشتغل في صيانتها فهتروح التوكيل وده بقه مبيصلحش بيغير على طول اى حاجه شاكك فيها واسعار التوكيل مبالغ فيها بطريقه فوق فوق الوصف بس ناصيحتى اكشف عليها فى التوكيل ب 250 جنيه كشف كامل ومتخدش حاجه رشه بره حتى... اشترى فابريكا بره وجوه وتكون معملتش اكتر من 100000كيلو لان بعد كده الناس بتبيعها عشان مصاريف السيرفس بتبقى كتير جداا .....بالنسبه للفتيس اكتر حاجه تتأكد منها فى التوكيل لان مشاكله فيها مصاريف بالاااااف.. جرب العربيه بنفسك لو كنت ركبت اوتوماتك قبل كده وقارن بنفسك النقل بين السرعات كويس ولا بتحس بنتشه فيه او دبه اوعى تفكر تشتريها ..اخر حاجه فى المنتدى هنا الاستاذ طارق من اكتر الناس المحترمه الموجوده هنا وعنده خلفيه كبيره فى الاسكودا بالزات ممكن يساعدك اكتر منى.. ياريت اكون عرفت افيدك سلام
انا عندي كام سوال لو سمحت
اولا سعر الطاره من غير اير باج اوكتافيا ايه 5 2005
ثانيا ينفع اغير العدادت من الشاشه العديه ل الماكسي دوت
ثالثا لمبه التشيك انجن مش بتنور خالص مع بقيت لمبات مع اول تكه مفتاح
اسف للاطاله
وبسمع صوت هوا من ورا علي سرعه اعلي من 40 صوت زي شباك مفتوح بس
.شكرا لحضرتك ا/ sadany100 علي الاهتمام واالنصائح الحمد لله اتفرجت عليها وهي كويسه واتفقنا ان نعمل فحص في التوكيل
بس هل توكيل اللي علي طريق طنطا المحله دا كويس
وشكرا ليك مره اخري
مساء الخير
سيارتي سكودا أكوتافيا موديل 2000 مانيوال a4
عندي مشكلتين:
1- عند ضبط لمبة الصالون مع الأبواب تظل مضاءة بالرغم من أن الأبواب مغقة تماماً. فما هي المشكلة وحلها؟ وهل يوجد مؤشر آخر لمعرفة الأبواب المفتوحة؟
2- السيارة عند الصباح تدور بكل كفاءة ولكن عند التحرك بالسيارة لمدة تزيد عن 15 دقيقة يفصل المحرك وعند محاولة إدارتها ثانية يلاحظ رفع الـ rpm ورجرجة بالسيارة ثم تفصل ثانية وعند تركها لمدة 30 دقيقة متواصلة بدون محاولة دوران تعمل طبيعية ثم تفصل بعدها بـ 15 دقيقة كالسابق (علماً بأن هذا يحدث سواء التكييف كان يعمل أو لا ومؤشر الحرارة بمكانه تماماً ولا توجد أي إشارات بالتابلوه لوجود أي مشكلة). فما هي المشكلةوحلها؟
أشكر مساعدتكم
عندي استفسار لو سمحتوا بخصوص الفانتازيا
اولا عندي مشكله في تكييف العربيه وهي ان تبريده بيقل ويزيد من نفسه مع العلم ان درجة التبريد بصفه عامه قلت وكشفت عليه وزودت فريون والمشكله زي ما هيا .. مش عارف لازم اروح التوكيل اكشف عليه ولا في حد متخصص كويس بره التوكيل اروحله
ثانيا عندي مشكله وانا ماشي غيارات العربيه سليمه مفيهاش مشكله لكن لو انا ماشي بسرعه ودست فرامل وبعدين بنزين يعني سقطت اكتر من نقله بلاقي العربيه بتنتش او ترزع والمشكله دي من زمان
افيدوني لو حد يعرف حل وجزاكم الله خير