لدي مشكله في رشاشات المياه تعلوا سقف السياره a4 اوربي
اقتباس:
المشاركة الأصلية كتبت بواسطة Eng.Tarek Eladwy
السلام عليكم و رحمة
الله و بركاتة
الى الاخوة اعضاء المنتدي الكرام
قـســــم سـكــــودا
من لدية عطل او ستفسار بخصوص
SKODA
( A4 - A5 - Fantasia )
يتفضل بطرح سؤاله و ان شاء الله ستم الرد عليه
تحياتى بالتوفيق للجميع
[glint]
Skoda Service
[/glint]
تم التعديل
بمعرفة منسق القسم
مشكلة فتح الشنطة والزجاج الامامي يمين
اقتباس:
المشاركة الأصلية كتبت بواسطة maromal
السلام عليكم
انا معايا a5 2008 عندى مشكلتين و مش لاقى اى حل فيهم لحد دلوقتى
اولا:
الشنطة -- الشنطة كانت تمام لحد لشهر فات و فجأة الشنطة مبقيتش تفتح مع السنتر يعنى لازم من المفتاح بس و ده بيتطلب انى ابطل العربية و انزل ادوس على زرار الشنطة فى المفتاح لمدة 3 ثوانى فتفتح و دة بيعملى ازمة فى المولات او اى مكان بيطلب تفتيش
ثانيا:
الازاز الامامى يمين -- الازاز بيفك من القضبان بتاعته يعنى انا بسمع صوت الموتور بتاع الازاز طالع نازل بس من غير الازاز و المشكلة دى لاقيتها فى اكتر من عربية a5 و فانتازيا و حاولت اصلحة اكتر من مرة فى شارع الدمشقى بس الحلول بتبقى وقتية يعنى يشتغل اسبوع او اسبوعين و بعدين يفك تانى
ارجو الافادة من اصحاب الخبرة او اى حد قابله الموقف قبل كدة
السلام عليكم ورحمة الله وبركاته .. انا معايا سكودا2007 ايه5 عندي نفس مشكلة الشنطة بس مش عارف حلها ايه غير حل مؤقت ممكن يرحك لحد ما نشوفلها حل دائم وهي انك تفضل عادي مكانك والعربية دايرة بس اقفل الابواب بزرار السنتر تحت الهاند بريك وتفتح تاني مره او مرتين انت وحظك والامن هيحاول يفتح الشنطة هتفتح عادي
اما بالنسبة لمشكلة الزجاج الامامي يمين دي مشكلة الاسكودا كلها واشهر حاجه فيها ان الترس اللي راكب على الموتور سنونة بتتاكل منهم كام واحده علشان فيه ترس تاني اسمه الحلزونة راكب على محور الموتور وهو اللي بيلف الترس البلاستيك اللي عامل المشكلة لو هو اللي بايظ عندك ريح دماغك وغيره بترس استيراد عربية باسات كل الناس عملت كده لانه ترس اقوي من بتاع الاسكودا وان شاء الله انسى وممكن يكون حاجه تانية اللي ماسك الزجاج ورابطه بسلك الرفع شيالتين فبر لو واحده منهم اتكسرت تتغير وخلاص.
لو سمحتوا محتاج مساعدتكم فى مشكلة فى سيارة سكودا فانتازيا
انا كنت عملت صيانة ال 60.000 و غيرت فيها سير كاتينة و شداد كاتينة و سير دينامو لكن من بعدها ظهر حاجة غريبة و هى صوت زى صوت احتكاك بيكون موجود الصبح بدرى اوا مادور العربية و هى لسة باردة و بيفضل دقيقتين او ثلاث دقائق و لما تسخن العرية او تمشى بيها الصوت يختفى لبموضوع مقلق جدا انا مشيت عليها 5000 كيلو على الحال ده , محتاج ردكم و مساعدتكم و مرفق رابط لفيديو مصور العربية و الصوت واضح فيها جدا
VIDEO0003 - Download - 4shared
شكراً للاهتمام فى انتظار مساعدتكم
محتاج رأيكم عشان ماليش غير ربنا و نايل موتورز
السلام علبكم و كل سنه و أنتم طيبين
انا بشتري أوكتافيا a5 و كنت حابب اعرف ايه السنين الي فيها مشاكل الفتيس
اسمع انه لحد ٢٠٠٩ مافيش مشاكل هل الكلام ده مظبوط ؟
اكشف فين ؟
متوسط سهرها
و رمضان كريم
مشكلة باوكتافيا a4 2008 مانيوال
انا كان عندي مشكلة بالكهربا بالعربيه
ضفيرة سلك الدينامو اللي جايه من الدينامو ورايحة لعلبة الفيوزات اللي فوق البطارية كلن بيسخن وشايط وبيسيح علبة الفيوزات
المهم رحت الحرفيين غيرت السلك الضفيرة بالكامل وعلبة فيوزات
والكهربائي اللي في الحرفيين عمل حاجه بالعربية .. غير الكت اوت بتاعت المراوح من حرف l عندي الي كت اوت حرف k .. وقالي دي أحسن لانها بتاعت الموديل اللي قبلك علي طول يعني موديل 2007
المشكلة بقي ان بعد ما ده حصل ، مؤشر الحرارة بيطلع لحد 100 و 110 مش 90 زي الأول وساعتها المروحة الكبيرة بتبدأ تشتغل ومؤشر الحرارة بيرجع تاني ل 90
يعني المروحة الكبيرة بتشتغل متأخر جدا
عايز اعرف اروح ارجع الكت اوت زي ما كان وهو ده اللي بيعمل كده عندي ولا ايه
ملحوظة .. انا غيرت المروحة الكبيرة بواحدة استيراد يومها ..