موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

**Eng.Tarek Eladwy** · 08-06-2014 05:58 PM

المشاركة الأصلية كتبت بواسطة dr1980

السلام عليكم
تفاعلكم مع الاعضاء شجعني على طرح الاسئله وفي انتظار اجابتكم ان شاء الله
السياره اوكتافيا a5 اوتتومتيك موديل 2007
عندي مشكله في الطاره حصل فيها كسر بجانب علامة اسكودا والطاره فيها اير باج ليها حل غير اني اجيبها استعمال لاني سائل عليها ب1300 جنيه
الزر بتاع فتح وغلق السنتر بيفتح بس ما بيقفلش الكلام ده من شهر ليه حل؟
ممكن نحط برنامج يقفل السنتر اوتومتيك بعد سرعة 20
أخيرا واسف على الاطاله الحساس بتاع ضغط هواء الكاوتش حاش انه مش مظبوط من ساعة ما جبت السياره يعني ممكن الهواء ينقص وهوه ماينورش وبعدين لما اظبط الهواء هو مابيطفيش لوحدة لازم اعمله ريسيت
شككرا جدا واسف للاطاله

و عليكم السلام و رحمة الله وبركاتة

أولا انا تحت امر حضرتك و امر الاعضاء الكرام

ثانيا .. لو الكسر مش مضايقك خلية كدة بس الخوف لا يوسع و هيكون اسهل ان الايرباج يضرب
ممكن تغير التارة فقط بدون الايرباج و دة سعرها هيبقي ارخص .
ثالثا .. ممكن تتبرمج ان السنتر يقفل بعد سرعة معينة
رابعا .. الحساس لو ضعف بيبقي محتاج يتنضف و يتجرب او تغيرة و تريح نفسك
و طبعا تجيبو أستيراد . و اي مساعدة في موضوع الاستيراد ممكن ابعتك لناس كويسة و اسعارها كويسة .. و مفيش اي اطالة او لزمة للاسف انا تحت امر حضرتك

تحياتي لك
م . طارق العدوي

**Eng.Tarek Eladwy** · 08-06-2014 06:00 PM

المشاركة الأصلية كتبت بواسطة beehonye

السلام عليكم
عندي مشكلة في فتيس اوكتافيا a4 موديل 200 مانيول
بتأخذ الاول والثاني بخشونة يعني لابد أن تعطي الحارة بقوة ولكن لا يصدر أي صوت انما اشعر انها تاخذهم بصعوبة
وباقي الحارات سلسة في أخذها الميكانيكا فعل كل ما لديه فقال أن الفتيس سليم من الخارج من أخذ هواء ووصلات وخلافة ولم يبقى غير عيب واحد وهو أن الفتيس يحتاج غويشه خاصة بالاول والثاني فما رايكم وجزاكم الله خيرا

و عليكم السلام ورحمة الله وبركاتة

أرجو مراجعة الديسك و الاسطوانة .. طقم الدبرياج

تحياتي لك
م . طارق العدوي

**ahmzd** · 12-06-2014 08:06 AM

الفكرة ممتازة جزاكم الله خيرا

**SHERIFF360** · 13-06-2014 05:16 PM

السلام عليكم لو سمحت انا عندي مشكلة عملت حادث بالعربية اوكتافيا a5 والحمد لله جات سليمة بس عندي حزام الامان بقى مشدود جامد في مكانه ومش بيتحرك اروح لمين عشان اظبطه وهل ممكن يتصلح ولا لازم يستبدل كله بواحد جديد؟؟

**mabdou2005** · 14-06-2014 09:37 PM

صاحبي اشتري عربيه a7 1600 من نور الدين الشريف بناء علي نصيحتي ان العربيه بالموتور الجديد والفتيس هتبقي انسب اختيار
بعد ما استلام العربيه ورخص ظهر عيب غريب انه لما بيجي ينقل لل r او d العربيه تبطل المهم طلع علي التوكيل بها عند نور الدين الشريف يوم الخميس وقالوله عنكشف علي العربيه بالكمبيوتر يوم السبت

النهارده كلمني وقالي رحت اخدت العربيه ومفيهاش حاجه طبعا الكلام معجبنيش ازاي العيب يروح لوحده المهم قالي هاعدي عليك علشان اجرب العربيه
جيت اجرب العربيه لقيت العيب رجع تاني ومع كل نقله الي d او r العربيه تتخنق والrpm ينزل وتبطل المهم طبعا اتجنيت ازاي العيب يحصل في العربيه وهي لسه معملتش ١٠٠ كيلو

كلمت الاستاذ احمد خليل مدير مبيعات اسكودا وشرحت له العيب المهم الراجل اهتم جدا و قالي هاكلمك المهندس نور يبعتلك عربيه الخدمه

المهم فضلت انا وصاحبي نحاول مع العربيه وكل ما ننقل تبطل لغايه ما طلعنا بيها علي التوكيل
واحنا في السكه الكمبيوتر قراءه gear box error واحنا علي باب التوكيل
دخلوه العربيه علي الكمبيوتر علشان يعرفوا كود الerror المهم جربنا تاني العيب كان راح بعد كده رفعوا العربيه علشان يشيكو علي الوصلات الكهربائيه بتاعه الجيربوكس وطبعا نفيش اي مشكله

بعد ساعتين قالولي ان هما شاكين في البنزين خصوصا ان صاحبي فول اول تفويله من محطه تعبانه ناحيه المطار

وطلبوا نسيب العربيه لبكره علشان يفضوا تانك البنزين ويحطوا بنزين تاني وبعد كده نجرب تاني
طبعا انا الكلام ده مش عاجبني لان العربيه قراءت gear box error فا ده ايه علاقته بالبنزين

صراحه انا مروح وانا حزين جدا لان لو العيب طلع اي حاجه تانيه غير موضوع البنزين هاحس بذنب كبير ناحيه صاحبي الي كان هيجيب تويوتا كورالا وانا الي نصيحته بالاوكتافيا بناء علي تجربتي للعربيتان الي الان

عموما انا مستني لبكره وربنا يستر

**Eng.Tarek Eladwy** · 18-06-2014 04:29 AM

المشاركة الأصلية كتبت بواسطة ahmadelbanna

بارك الله فيكم و وفقكم
لي سؤال بخصوص ماكينة رفع الزجاج اليمين
انا غيرتها مرتين في التوكيل و بعد ٦ شهور تقريبا بتعلق و متشتغلش كويس بمعني ان الرفع الأوتوماتيك سا عات يعلق و الزجاج بعد مايعدي نص مسافة القفل ينزل تاني و يفضل يعمل كده كل ما اجرب اقفله تاني. و شكرا..

للاسف لا يوجد حل قطعي غير تغير الماتور

تقبل تحياتي

**Eng.Tarek Eladwy** · 18-06-2014 04:31 AM

المشاركة الأصلية كتبت بواسطة sheriff360

السلام عليكم لو سمحت انا عندي مشكلة عملت حادث بالعربية اوكتافيا a5 والحمد لله جات سليمة بس عندي حزام الامان بقى مشدود جامد في مكانه ومش بيتحرك اروح لمين عشان اظبطه وهل ممكن يتصلح ولا لازم يستبدل كله بواحد جديد؟؟

أنصحك بشراء علبة ملمع و منظف سيور و دة هتلاقية في محلات الادوات الرياضية الخاصة بمشيات التخسيس و رشة لسهولة فتح الحزام .. تحياتي

**Eng.Tarek Eladwy** · 18-06-2014 04:32 AM

المشاركة الأصلية كتبت بواسطة mabdou2005

صاحبي اشتري عربيه a7 1600 من نور الدين الشريف بناء علي نصيحتي ان العربيه بالموتور الجديد والفتيس هتبقي انسب اختيار
بعد ما استلام العربيه ورخص ظهر عيب غريب انه لما بيجي ينقل لل r او d العربيه تبطل المهم طلع علي التوكيل بها عند نور الدين الشريف يوم الخميس وقالوله عنكشف علي العربيه بالكمبيوتر يوم السبت

النهارده كلمني وقالي رحت اخدت العربيه ومفيهاش حاجه طبعا الكلام معجبنيش ازاي العيب يروح لوحده المهم قالي هاعدي عليك علشان اجرب العربيه
جيت اجرب العربيه لقيت العيب رجع تاني ومع كل نقله الي d او r العربيه تتخنق والrpm ينزل وتبطل المهم طبعا اتجنيت ازاي العيب يحصل في العربيه وهي لسه معملتش ١٠٠ كيلو

كلمت الاستاذ احمد خليل مدير مبيعات اسكودا وشرحت له العيب المهم الراجل اهتم جدا و قالي هاكلمك المهندس نور يبعتلك عربيه الخدمه

المهم فضلت انا وصاحبي نحاول مع العربيه وكل ما ننقل تبطل لغايه ما طلعنا بيها علي التوكيل
واحنا في السكه الكمبيوتر قراءه gear box error واحنا علي باب التوكيل
دخلوه العربيه علي الكمبيوتر علشان يعرفوا كود الerror المهم جربنا تاني العيب كان راح بعد كده رفعوا العربيه علشان يشيكو علي الوصلات الكهربائيه بتاعه الجيربوكس وطبعا نفيش اي مشكله

بعد ساعتين قالولي ان هما شاكين في البنزين خصوصا ان صاحبي فول اول تفويله من محطه تعبانه ناحيه المطار

وطلبوا نسيب العربيه لبكره علشان يفضوا تانك البنزين ويحطوا بنزين تاني وبعد كده نجرب تاني
طبعا انا الكلام ده مش عاجبني لان العربيه قراءت gear box error فا ده ايه علاقته بالبنزين

صراحه انا مروح وانا حزين جدا لان لو العيب طلع اي حاجه تانيه غير موضوع البنزين هاحس بذنب كبير ناحيه صاحبي الي كان هيجيب تويوتا كورالا وانا الي نصيحته بالاوكتافيا بناء علي تجربتي للعربيتان الي الان

عموما انا مستني لبكره وربنا يستر

أتمنالك التوفيق و طبعا من حقة ميسكتش الا لما يحلولو المشكلة

تحياتي

الموضوع: موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

LinkBack

أدوات الموضوع

عرض

-

-

-

-

-

المواضيع المتشابهه

الي كل من لدية مشكلة كهربائية في الشيري بأنواعها...؟

اي حد عندة مشكلة في مراية الميجان يتفضل

اللى عنده مشكلة او استفسار يتفضل يسال

بشمهاندس سبعاوي بطرح موضوع مهم جدا للجروب النيساني صني

الكلمات الدلالية لهذا الموضوع

المفضلات

المفضلات

ضوابط المشاركة