موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

**محمد ابراهيم 9** · 22-01-2015 08:35 AM

السلام عليكم ورحمة الله
انا كنت بفكر اشترى فانتازيا من 2010 ل 2012 تكون استعمال محترم بس كتير قاللولى خليك فى التويوتا علشان حتى مصاريف قطع الغيار والصيانة ارخص ... تنصحونى باية بأمانة

**abdellatef2012** · 22-01-2015 01:01 PM

كان عندى عيب ان نقلات الفتيس كلها منورة يعنى وانت على دى ينور دى وبى وان وار المهم رحت النوكيل وقالوا ده عيب في سلونيد ومش موجود الان عندنا هاته من الحرفيين بسال اية رايك في الملام دة واجيبه منين واركبه فين العربيه اوكتافيا ستبترونيك 2007 ايه فايف

**abdellatef2012** · 23-01-2015 02:08 AM

ماردتش عليا اشتيرى السلونيد منين واركبه فين وهوا بكام

**abdellatef2012** · 27-01-2015 11:32 AM

كام مره اعرض مشكلتى وحضرتك مابترودش باقول ان ارقام النقلات لاتظهر في التابلوه وأيضا كل أوضاع النقلات منوره يعنى انت ماشى على دى يكتب ارودواس وبى وان كلهم منورين في التوكبل قالو سلونيد ومش عندهم اجيب السولونيد منيين واسمه ومين يركبه العربيه اوكتافيا ايه 5 2007 ستبترونك

**mohamedbook** · 28-01-2015 06:44 AM

السيارة مع الزحام الrpm بيلعب وتفضل تقطع ومفيش سحبوتنورة لمبة الأعطال كشفت عليها بالجهاز لم يظهر أي عطل وعملت الحركة دي وهي باردة

**hassanbs** · 28-01-2015 01:14 PM

السلام عليكم انا محتاج نصيحتكم بصراحه انا معايا اوكتافياa4 موديل 2000وانا جاى ع الصحراوى كنت مفول لئيت البنزين عمال يقل والزيت ولمبه الزيت نورت ولما رحت للميكانيكى قالى عايزة ماكينه او شورت بلوك
ممكن اعرف سعر الشورت بلوك كام ؟؟؟
والافضل اجيب شورت بلوك ولا ابدل الماكينه على بعضها افيدونى ياريت

**hassanbs** · 28-01-2015 01:22 PM

السلام عليكم انا محتاج نصيحتكم بصراحه انا معايا اوكتافياa4 موديل 2000وانا جاى ع الصحراوى كنت مفول لئيت البنزين عمال يقل والزيت ولمبه الزيت نورت ولما رحت للميكانيكى قالى عايزة ماكينه او شورت بلوك
ممكن اعرف سعر الشورت بلوك كام ؟؟؟
والافضل اجيب شورت بلوك ولا ابدل الماكينه على بعضها افيدونى ياريت ووالعملية دى هتتكلف كام

**mohamedbook** · 28-01-2015 09:59 PM

المشاركة الأصلية كتبت بواسطة hassanbs

السلام عليكم انا محتاج نصيحتكم بصراحه انا معايا اوكتافياa4 موديل 2000وانا جاى ع الصحراوى كنت مفول لئيت البنزين عمال يقل والزيت ولمبه الزيت نورت ولما رحت للميكانيكى قالى عايزة ماكينه او شورت بلوك
ممكن اعرف سعر الشورت بلوك كام ؟؟؟
والافضل اجيب شورت بلوك ولا ابدل الماكينه على بعضها افيدونى ياريت

بس يا باشا هات مكنت كاملة أوفر و لأن سعر الشورت بلوك قريب من سعر المكينة
سعر المكينة في الحرفيين حساس كأمة خلفي 6,500 كاملة بالدفيره
سعر المكينة في الحرفيين حساس كأمة امامي 5,500 كاملة بالدفيره
الشورث بالوك 4الاف أو 5

**kmorsy** · 29-01-2015 09:53 AM

السلام عليكم
أنا شاري a5 2007 أوتو عاملة 120000 كيلو. الحمد لله العربية ما فيهاش غير شوية حاجات بسيطة بس صاحبها قايللي ان زيت الفيتيس لسه بتاع الفبريكة و ماتغيرش. و بصراحة أداء الفيتيس تمام.
فياريت نصيحتكم - أروح أغير زيت الفيتيس مع السيور و خلافه ولا أسيبه شغال و ماجيش جنبه؟

**elgohary10** · 29-01-2015 10:51 AM

الاخ kmorsy
حالا وبدون اى تاخير تروح تغير زيت الفتيس وسير التقسيمه وياريت فى التوكيل اوعند حد متخصص اوكتافيا ثقه ولازم يكون الزيت والسير اصلى لان دول الوحيدين اللى ممكن يزعلوك قوى لو مش اصليين واوعا تسترخص فى الاتنين دول ابداوربنا يديك خيرها ويبعد عنك شرها