الموضوع: موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

المشاركة الأصلية كتبت بواسطة armindo

السلام عليكم و رحمه الله و بركاته.
عندي اوكتافيا a5 و حصل فيها مشكله كبيره و صعوبتها انها اتكررت و خايف تتكرر كمان.
المشكله باختصار اني لقيت مؤشر القربه مديني اليرت ف نزلت اشوف القربه فيها ميه وللا فاضيه. لقيتها مليانه ميه مطحنه بيضا كده.
وديتها لميكانيكي قالي جيوان وش السلندري و ده هيخلينا نحل وش المكنه علشان ندخله علي مخرطه و سبب الكلام ده ان انا مشيت بالعربيه و سخنت مني و انا مخدتش بالي و طبعا ده محصلش.. العربيه ما سخنتش مني ولا حاجه.
المهم بعد شويه كده لقيته قاعد يقلب كده في العربيه و قالي مش الجوان ده حاجه اسمها مبرد زيت الفتيس. هوا ده اللي باظ و بيدخل الزيت علي الميه.
انا طبعا لاحظت كده بس انا مبتدي في العربيات و مش عارف اوي.
لو جوان وش السلندر هوا اللي ضرب كان زيت المكنه هوا اللي طحن و ابيض بس مش ده اللي حصل.. كل الموضوع ان زيت الفتيس هوا اللي دخل علي الميه. و ده طبعا اتأكد لما فكينا الكارتيره و نزلنا زيت الفتيس اللي لقيناه ابيض و سميك.
المشكله اني اضطريت اجيب مبرد زيت صيني ب 360 جنيه مؤقتا علشان ننظف بيه دوره زيت الفتيس و كنت هستخدمه شهر وللا شهرين و غيرنا زيت الفتيس ب نوع رخيص تقريبا 5 مرات برضه علشان ننضف دوره الزيت و كنت كل مره امشي بالعربيه مشوار صغير بزوده كل غيار بزود المسافه اكتر و الموضوع ده اخدله تقريبا اسبوع. و طبعا كان فيه تحسن واضح في شكل الزيت اللي بنغيره كل مره
اتفاجئت ان نفس المشكله حصلت بعد شهر و نص بالظبط يعني انا كنت هغير المبرد بعد 15 يوم بس المشكله حصلت تاني و قررت اجيب مبرد من التوكيل ب 2700 جنيه.
انا خايف ليكون عندي مشكله هيا اللي بتبوظ مبرد الزيت ده. و خايف اجيب مبرد من التوكيل يحصله نفس الكلام اللي فوق ده.
و هنا باه شويه اسئله و اتمني الاقي مساعده.
1. ايه الاسباب اللي تخلي مبرد الزيت يبوظ و يدخل الزيت علي الميه.؟ و ازاي اتوقع حاجه زي كده قبل ما تحصل؟
لا يوجد سبب معين ولكن في بعض الحالات بيكون بسبب استعمال ماية الحنفية و بيتم تكوين الملح و سداد الخراطيم و دورة المياة و طبيعي بينزل في مبرد الفتيش و بيبوظ المبرد
2. لو حصلت المشكله. ايه انسب طريقه لتنظيف دايره الزيت.؟ بشكل افضل؟
انسب طريقة هي غسيل الفتيس بزيت رخيص الثمن مرة و اثنين و المش كل مرة 1000 كيلو علي الاقل مع عدم تزويد السرعة عن 120 كيلو وزمع تريح نقلات الفتيس و القيادة علي حرف ال s و بعدها بتغير بزيت اصلي مع تغير الفلتر الاصلي او غسيلة جيدا
3. ايه انسب الطرق لتنظيف دوره المياه؟
عن طريق مختص ريداتير و لو هو فني و استاذ . هيفك الريداتير نفسة و يغسلة بمياة نار مخففة بنسبة معينة و هو علي دراية كاملة بهذا الموضوع بس في اغلب الاحيان بيكسلو طبعا
4. ايه المخاطر علي الفتيس... دي اهم حاجه؟

المخاطر تلف الفتيس و عقل الفتيس لاختلاط الزيت بالمياة و عدم غسيلة جيدا

5. هل اني اجيب مبرد زيت مستعمل استعمال خارج احسن بدل ما ادفع 2700 جنيه في واحد جديد.؟؟
هذا علي حسب امكانياتك المالية . سواء استيراد او جديد اصلي .. المهم يكون اصلي

بس كده

السلام عليكم ورحمة الله وبركاتة

الجواب تحت كل سوال
تحياتي لحضرتك
م . طارق العدوي