موضوع صيانة شامل عن أعطال سـكـــــــودا أوكتافيا ( A4 - A5 - Fantasia )وكيفية أصلاحها

**Eng.Tarek Eladwy** · 19-04-2015 08:51 PM

المشاركة الأصلية كتبت بواسطة mostafa0jase

السلام عليكم يا باشمهندس انا عندى سيارة اوكتافيا a5 موديل 2006 وعملة 130000 الف و انا عملت الصيانة الكاملة اليه عند120000 الف وغيرت زيت الفتيس و كل شىء لكن عندى مشكلة ان العربيه اصبحت مش بتسحب و تقيلة فى السحب و بحس ان العربية كائنه سحبة عربية وراه ومش عارفاعمل اية مع العلم ان لسة مغير طقم البوجيهات و فلتر بنزين و فلتر الهواء من يوم 9/4/2015. ارجو الافادة

و عليكم السلام ورحمة الله وبركاتة

ارجو مراجعة
1 - طرمبة البنزين
2 - حساسات الشكمان
-------------
تحياتي
م. طارق العدوي

**Eng.Tarek Eladwy** · 20-04-2015 01:39 AM

المشاركة الأصلية كتبت بواسطة أحمد قمر 8

السلام عليكم
عربيتي أوكتافيا a5 2006 ، ماشية 86000
عندي مشكلة والعربية على p بترعش رعشة خفيفه مستمرة ومرة واحدة تنتش نتشه وصوت العربية يعلى وترجع تاني ؟ ولما أدوس فرامل وأنا ماشي تنتش نتشه جامده وأنا شايل رجلي من على البنزين وبعد كده تمشي عادي؟

و عليكم السلام ورحمة الله وبركاتة

أرجو مراجعة
1 - طرمبة البنزين
2- فلتر البنزين
3 - الوجيهات
4 - الموبينة و سلوك الموبينة
5 - بوابة الانجيكشن
-------------
تحياتي
م. طارق العدوي

**Eng.Tarek Eladwy** · 20-04-2015 03:55 PM

المشاركة الأصلية كتبت بواسطة hisham balba

السلام عليكم يابشمهندس طارق
عندي سكودا رابيد 2015 بقالها 8 شهور
من يومين بدا يظهر صعوبه في التدوير يعني مش بتدور غير بعد مرتين تلاته
النهاردة مادارتش خالص
بافتح كونتاكت وبادور بيدور الموتور جزء من الثانية ويبطل فورا
كلمت التوكيل بعتولي مهندس وفني كشفوا علي كل حاجة ما عدا الكشف بالكمبيوتر
ولقوا الاتي:
المارش سليم و البطارية سليمة
طلمبة البنزين شغالة ودايرة البنزين سالكه والبنزين واصل للرشاشات
الفيوزات سليمة وثابتة في مكانها والكهربا واصلة للرشاشات
دايرة الهواء سالكه والهواء واصل للموتور
ارجوا المساعدة ولكم جزيل الشكر

و عليكم السلام و رحمة الله وبركاتة

لازم تكشف كمبيوتر
و اشك في حساس الكرنك بنسبة 80%
تحياتي
م . طارق العدوي

**Hisham Balba** · 21-04-2015 03:55 PM

المشاركة الأصلية كتبت بواسطة skoda service

و عليكم السلام و رحمة الله وبركاتة

لازم تكشف كمبيوتر
و اشك في حساس الكرنك بنسبة 80%
تحياتي
م . طارق العدوي

شكرا جزيلا يا بشمهندس طارق
تم اليوم الكشف بالكمبيوتر ولم تظهر اي اعطال بالمره
والغريب ان العربيه دارت النهارده قبل الكشف بالكمبيوتر
طبعا بصعوبه شديده وقعدت تكركب وترعش
لكن مشيت و رحت بيها التوكيل طبعا طول الطريق بترعش كانها متلته
وهما اﻻن بيكشفوا على كهربة العربيه بالكامل
ربنا يسهل ويظهر العيب

**ezalo** · 21-04-2015 09:07 PM

مساء الفل علي احلي جروب .
معايا عربية a4اوتوماتك 2005 كنت هاغيرلها موتور علي اول الشهر اللي جاي .
كنت عاوز اعرف ازاي اني الموتور دة استيراد مش موتور مفكوك من عربية تاني ومتظبط وهايلبسهولي
وازاي مثلا اعرف حالتة كويسة ولا لا مثلا 80او90% .وهل اغفضل اغير موتورو فتيس افضل يعني متقفل من بلادة
الاتنين مع بعض ولا عادي؟؟؟؟؟؟؟وشكراااا لتفهمكم .

**الشرافنى** · 21-04-2015 10:55 PM

معايا عربيه a4 مديل 2009 مفهاش ريمود ممكن اركبلها ريموت ولو كان ممكن يكون فين

**mostafa galal** · 23-04-2015 08:22 PM

مشكلتى مع اوكتافيا a5 2006 الغيارات كلها مهنجه على الشاشة وأحياناً تظبط وتبقى تمام
والعربية بتمشى عادى وتنقل عادى المشكلة فى الشاشة بس واحيانا ترزع جامد فى الغيار الرابع مش دوما مره او مرتين فى المشوار الكبير