السلام عليكم
العيب عيب بطارية
تحياتي لحضرتك
م . طارق العدوي
السلام عليكم
الاخ العزيز باشمهندس طارق
انا معايا فانتازيا لسه شاريها من 3 شهور
المشكلة عندي ان تجميع العربية بطئ جدا، يعني لو ماشي بالعربية مثلا ووصلت لسرعة 60 وشيلت رجلي من على البنزين وبعدين دوست تاني، العربية لا تستجيب، او تستجيب ببطئ شديد، لكن لو تقلت رجلي شوية تنزل غيار وتبتدي تسحب
وبالملاحظة المستمرة لقيت ان الغيارات متهيالي بتنقل بدري بتجيب التاني على 20 والتالت على 30 والرابع على 40لحد السادس على 60 !!!!!!!!
السرعة لا تتجاوز 150
كل دا على غيارات ال d
لما مشيت على s كل العيوب دي اختفت، والغيارات متهيألي مضبوطة، التاني لحد 40 التالت لحد 60 وجبت سرعة لحد 180 بس اخر غيار s5 مافيش s6
انا لسه شاري العربية جديد زي ما ذكرت فياريت حضرتك تفيدني ايه المشكلة مع ال d واللي بتختفي مع s
وهل نقلات الs 5 نقلات فقط مش 6 ذي ال d ولا دي بردة فيها مشكلة
وناسف للاطالة وشكرا جزيلا مقدما وكل عام وحضرتكم بخير
نسيت اقول اني كشفت على السيارة على جهاز كشف الاعطال ولا يوجد اي عطل مسجل على الكمبيوتر
باشمهندس طارق حضرتك مااخدتش بالك من سؤالي، ارجو الرد
السلام عليكم
الساده الافاضل كل عام وانتم بخير
عربيتي a5 2007 مفتاح مسوجر الابواب الي جنب الفتيس سقط في الفبره من الداخل ومش عارف اخرجه ممكن اعرف ازاي افك الفبره دي من اغير اكسر شيء او ممكن اروح لمين يفكها
وشكرا جزيلا
السلام عليكم يا باشمهندس طارق .......... انا عربيتي سكودا اوكتافيا a5
عندي لمبه التشيك انجن مش بتنور خالص حتي اما اجى ادور العربيه ... هل ده عيب او كده ولا لأ اصل انا لسه شاري العربيه مستعمله وعامله 90 الف كيلو ولسه عاملها كل الصيانات سيور وفلاتر وبوجيهات ياريت تطمني يا باشمهندس
السلام عليكم يا باشمهندس طارق .......... انا عربيتي سكودا اوكتافيا 2004 أوروبى
حصلت مشكلة فجأة ان المالتى فانكشن فى الطارة مش شغال و الجزء الخاص بالكاسيت عاى شاشة المعلومات مختفى تماما ، مع ان الكاسيت نفسه شغال كويس ،.....................
يا ترى المشكلة فين ؟ و حلها مع مين؟
فنى كاسيت و لا كهربائى و لا عند مين؟
برجاء مساعدتى و لحضرتك جزيل الشكر مقدما
السلام عليكم يابشمهندس طارق
سياره سيات توليدو ..موتور SR 1.6 اتوماتيك
كان فيها عيب قبل كده ان العربيه بتطلع علي التالت
المهم رحت لواحد كشف عليها بالكمبيوتر وظبطت ..وقالي ان المشكله كانت في كابل نضفه باسبراي وركبه تاني
بقالي تقريبا حوالي سنه ونص ماشي بيها كويس الكابل الي هو solenoid cable
فجاه العيب ظهر تاني
بس بيظهر بشكل تاني
ببقي ماشي عادي 140 مثلا وفجأه الاقي الارب بي ام وصل ل بعد ال5 . اقف بالعربيه واطلع بيها الاقيها بتطلع علي التالت برضه ..
افصل العربيه واهز الكابل ده تشتغل تاني كويس وتتكر المشكله بس مع السرعات العاليه بعد 120 مثلا
هل دي مشكله الكابل رجعت تاني ولا حساس g38 او g 68 ولا الفتيس ..
وهل لو العيبوب عيبوب حساسات ..بتتباع لوحدها ولا الفتيس كامل ...
ارجو الافاده لاني لااايص الله يكرمك
السلام عليكم
انا معايا اوكتافيا a5 2008 و عندى مشكلة فى باب الشنطة , مبقاش يفتح مع السنتر بقى لازم افتح الشنطة من المفتاح بس, يعنى لو داخل مول او اى مكان فيه تفتيش لازم ابطل العربية و اشيل المفتاح من الكونتاكت و ادوس على زرار الشنطة 3 ثوانى متواصل فالشنطة تفتح غير كدة مش هتفتح, انا رحت لأكتر من مركز و محدش عارف فى ايه, ارجو الافادة
استفسار لو سمحت ياباشمهندس انا معروض عليه اوكتافيا a5 2006 مواصفات اوروبي
الغريبه ان العربيه مفيهاش مثبت سرعه والزجاج الامامي بس هو الي كهربا والخلفى مانوال بالاضافه الى عدم وجود الكونسول الي فوق فرامل اليد فهل ده طبيعي والا ايه ؟
انا شارى عربيتى من يومين فقط نفس المواصفات دى نفس الموديل 2006 وبدون كونسول وبدون قزاز كهربا ورا بس حالتها حلوة فاشترتها و 112الف جنيه عاملة 130000 كيلو
السؤال عاوز اكشف على زيت الفتيس اروح لمين يا ناس يا باشمهندس دلنى ارجوك انا من دمياط مستعد انزل مصر بس دلنى هل انزل الحرفيين ولا ع التوكيل وخلاص
لو المشكلة بالباب اليمين امامي وهي كما كانت تحدث بعربيتي ينزل بضغطة واحده فيستجيب وينزل بالكامل وعند غلق الزجاج اول مرة يطلع للتلت تقريبا وينزل وتاني مرة نفس الشئ وثالث مرة يطلع جزء ويقف على الرغم من اني ما ما بشلش ايدي من على الزرار واسيبك الزرار وادوس فيطلع جزء تاني ويقف وهكذا حتي يغلق بالكامل لو مشكلة حضرتك زي دي هي شائعة بعربيات سكودا والحل مجرد ترس اللي راكب على الموتور وليس الموتور والتوكيل معندوش الترس لوحده فبيغير المكنة بالكامل والحل تغيير الترس بترس مثله استيراد بتاع عربية باسات وان شاء الله انسى المشكلة لو حضرتك حابب كلمني على الخاص واوصفلك واحد عنده الترس والتركيب بحوالي 150 :180 جنية انا عملت عربيتي عنده سكودا ايه5 2007