سؤال ضرور للمهندس طارق وكل المختصين في الشارك

**coolsh** · 05-10-2008 05:31 AM

السلام عليكم.... انا معايا لانسر شارك سبورت فل.. انا دلوقتي ماشي بيها 4500 كيلو بس جايبها من شهر 8 .. ابتديت لما اركز فيها اسمع صوت تكتكه في الموتور وصوت الموتور بقا اعلى ولما بكبس بنزين مره واحد بسمع زي صوت هوا مكتوم بيبان وقت النقل... مع العلم السحب تمام جدا الحمدلله وزااد اوي انا بقيت بوصل من 0 ل 100 في 10.5 بالظبط وكله التمام المشكله انا عايز اعرف صوت الموتور العالي ليه وليه صوت التكتكه ده من غير ما ادوس بنزين صوت التكتكه مسموع وايه صوت الهوا المضغوط الي بين النقلات وعند بدايه الدوس على البنزين ( بيبان اكتر لما ادوس بنزين جامد شويه) وكمان النقل بيتأخر ساعات من غير تكيف وساعات يكون مظبوووط.... ده ليه؟؟؟ يا ريييت حد يفيدني انا معايا ضمان وياريت لو فيه حاجه تنبهوني ليها...

**eng/muhamad** · 05-10-2008 10:40 AM

انا مفيش عندى اى معلومات
بس انا عارف ان حضرتك معاك ضمان مع هاى تريد
فلازم تروح الضمان تشوف فى ايه و لو مصلحوش العربيه
او مفيش حد فهم فيها ايه ممكن تروح التوكيل عند البشمهندس طارق
بس طبعا هتدفع مصاريف الصيانه دى عشان عربيه حضرتك خليجى
بس اكيد المهندس طارق هيقوم بالواجب كعادته و هيوصى على العربيه

**coolsh** · 05-10-2008 05:55 PM

طيب انا معاك بس حبيت اعرف ده معناه ان فيه حاجه ولا ده طبيعي؟؟ فقولت اسأل المختصين او اي حد معاه الشارك.....وياريت حد يفيدني..

**mohamedway** · 05-10-2008 08:58 PM

الموضوع ده مرتبط بصيانه معينه اتعملت فى العربيه و بعدها ظهرت المشكله و لا المشكله ظهرت من نفسها بدون تدخل فى اى حاجه فى العربيه؟ (على فكره ممكن يكون فلتر الهوا مش راكب كويس و فيه تنفيس(هل حد فكه قبل كده؟)

**coolsh** · 05-10-2008 09:39 PM

لا ظهرت من غير اي تدخل.. فلتر الهوا زي ما هوه مقفول عليه متفتحش وبعدين يا باشا سحب العربيه زااد بصوره ملحوظه . بس صوت التكتكه والعربيه واقف ملحوظ .. والنقل بيتأخر وصوت المحرك عالي...

**coolsh** · 06-10-2008 02:13 AM

مفيش حد عايز يفيدني؟؟؟ :(

**coolsh** · 06-10-2008 04:20 PM

يعني ده غلط ولا عادي؟؟ وده طبيعي في الموتور المايفك؟؟

**eng/muhamad** · 06-10-2008 04:25 PM

ياريت تريح نفسك و تروح تكشف على العربيه احسن
عشان تكون مطمئن اكتر و عشان لو كان فى مشكله لاقدر الله تتحل بسرعه

**kholio** · 06-08-2009 08:26 PM

kalamak kolo sah laken kol dah aady geddan ,kol elly btoalo dah hases beh 3andy laken dah kolo 3ady we mafish menno ay moshkela we maet3ebsh el3arabia fe haga

**أبو إياد** · 11-08-2009 04:03 PM

ان شاء الله بصيطه بالنسبه للتكتكه غير زيت المتور وغير الفلترلان على كلامك ان الزيت متغيرش والزيت في الصيف اللزوجه بتاعته بتخف واكيد هيا الى عملى صوت التكتكه واتئكد من فلتر الهوى