الموضوع: ارجوا المساعدة الله يكرمك بجد !

-
-
-
-
-
-
-
-
-
-
-
-
يا جماعة انا عاوز اسالكم على حاجة هو مواقع عرض بيع السيارات دى هل فيهم عروض اى كلام بمعنى ان ممكن يكون مكتوب حاجة وتطلع حاجة تانية والعربيات ملعوب فيها ولا ايه , الواحد خايف اصل مالوش خبره جامدة فى تقليب العربية كويس

مواصفتهم كالاتى :

70000 جنيها
موديل 2007 | 49000 كم
لانسر هاف سبورت لون نبيتى سبويلر وعتب وكاسيت لانسر الاصلى ومخدع كورسى سواق و1 اير باج فابريكة بالكامل السيارة مفيهاش خدش بحالة الزيرو ولا تحتاج اى مصاريف للبيع او للبدل ومكيفة واتوماتيك

التانية :

71000 جنيها
موديل 2006 | 61000 كم
سوبر اكشن كاملة اوتوماتيك ابانوس وطارة وفتيس جلد وفرش جلد اسود اللون فيرانى وجنوط وفتحة سقف و2 اير باج وسبويلر وعتب وسى دي chenger فابريكة بالكامل والبيع للتغيير

الملحوظة :

بقا ان اعلان الاتنين مكتوب رقم تليفون لشخص واحد
حتى لو ده معرض اللى مستغربله ان ازاى موديل 2006 اغلى بالف جنية او بنفس سعر 2007 وغير كدا ماشية كليوهات اكتر لان مفروض ال2007 اغلى عشان موديل احدث وماشية اقل ولا دول ممكن يكون ملعوب فيهم , والواحد لو راح وشاف يعرف ازاى ان العربية نضيفة ومش ملعوب فيها

وبعدين سؤالين على السريع:

هل كل الانسر 1600 سى سى فيهم فرامل abs ولالا
وازاى وانا بقلب اعرف انها مصرى او خليجى وكمان اعرف خليجى الكويتى ازاى من السعودى من الاردنى هل بيكون مكتوب فى الماتور , واى واحدة فيهم استهلاكها قليل فى البنزين عن التانية وايه احسنهم فى المستعمل
وارجوا المساعدة بجد

شكرا ليكم مقدما