| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 9 1 2 3 4 5 6 ... الأخيرةالأخيرة
النتائج 1 إلى 10 من 85

  1. #1

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي تقريري عن عمليه الليزك وتقنيه ال sbk - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    مساء الفل علي احسن ناس
    بقالي فتره عاوز اعمل ليزك وبفاضل بين احسن مكان ممكن تتعمل فيه العمليه بتكلفه معقوله
    ومن اسبوعين كده اخدت خطوه جريئه وبدات مشواري اللي حشرحه بالتفصيل لعموم فائده الناس

    الجزء الاول

    في البدايه روحت مستشفي معهد الكتاركت اللي في سابا باشا (تكلفه الكشف 50 جنيه )
    كشفت نظر عادي والدكتور وصل متاخر
    وقالولي تيجي كمان يومين 12 الضهر تعمل اشعه عالقرنيه
    وروحت فعلا علشان اعمل الاشعه (تكلفتها 200 جنيه )
    وبسال البنت بتعملوا فيمتو سمايل
    فردت عليا الرد الي صدمني وقالتلي ( انت عارف تكلفتها كام !!!!!!؟؟)
    قولت يا صباح العوجان عالناس الي داخله تدفع فلوس
    قولتلها كام ؟
    قالتلي 9000 جنييييييه
    قولتلها ليه يعني دي ب1000 دولار في القاهره ومعاها اقامه يوم في فندق (انا محدش يتعوج عليا ببلاش (: )
    والليزك العادي كان ب3800 وعاملين عليه عرض ب2850
    المهم دخلت الساعه 12 ونص كده عملت الاشعه وقالولي تحط قطره بقي لتوسيع الحدقه
    قولت ماشي فين القطره ؟؟؟؟
    قالولي الساعه 4
    طيب ليه يا محترمين مش دلوقتي ؟؟
    علشان الدكتور يشوفك (لا تعليق )
    طيب يا جماعه النهارده الاربع احطها واعملها امتي ؟؟
    قالولي تحطها النهارده وتعملها الاحد
    ليه الاحد ؟
    علشان الدكتور حيسافر مؤتمر
    طيب لو حطيتها الاحد ؟
    تعملها الاربعاء
    روحت الاحد -
    والاتنين - والدكتور معتذر وادا ادفع مواصلات علشان معاليهم معندهمش ثقافه الاعتذر او لاني اذنبت اني متصلتش بيهم قبل ما اروح
    واخيرا يوم التلات الدكتور وصل
    قعدت في الاستقبال الممرضه حطتلي نقطه في كل عين
    شويه وجايه تحط تاني
    قولتلها هما كام مره؟
    قالتلي 3 مرات
    شويه ولقيتها جايه تحطلي الرابعه (جررررررررر)
    عيني بقت عامله بعدها زي الليمور ده

    جه سياده الدكتور المبجل
    اول ما دخلت قاعد يتكلم مع واحد علي شبكيه سقطت في عين عيان
    ومعرفش مين عينه اتخزقت
    وانا حاطط لساني ف بوقي ومكتوم (من اعمالكم سلط عليكم لاني عمري ما ركبت اسانسير مع حد الا وجيبت سيره انه ممكن يقع وميعرفوش اجزائنا من بعض )
    وفضل وهو بيكشف يحوقل ويبسمل ويقول ايه دا فيه حاجه غلط
    اتاريه الغلط في جهاز الكشف كان المنشور بتاعه معووج وانا ساكت مرضيتش امرمطهم بدل ما يمرمطني في العمليه
    وقالي تيجي يوم السبت الساعه 12 تعمل العمليه
    - يوم السبت وصلت المستشفي 12 الا ربع بس اكتشفت اني نسيت الاشعه في البيت
    جوز اختي دخل يحجزلي وانا رجعت اجيب الاشعه من البيت
    رجعت المستشفي الساعه 1
    كان فيهم الدكتور فقد اعصابه وبدا يرمي الاوراق للممرضات (علي ما اتحكالي بعد كده )
    ومنتهي الجليطه وقله الذوق
    لدرجه انه وهو بيكشف يقولي الاحمر اوضح ولا الاخضر اقوله الاحمر بس فيه كذا
    يقولي مش دا سؤالي انا بقول احمر ولا اخضر
    لدرجه انه حسسني اني ممكن الاقي حد بيرزعني علي قفايا ويقولي رد عالباشا عدل
    - المهم دخلتله وكشف عليا تاني
    وقالي انت نظرك بيتغير ومفيش مره قيسنا فيها وطلعت النتيجه مظبوطه
    وعملي حوار طويل عريض عن نسب اختلاف النظر وان ممكن العمليه متطلعش مظبوطه وان الاشعه حتفضل عندهم
    وارجعله بعد 6 شهور !!!!!!!!!!
    وكتبلي كشف نضاره هو نفسه اللي طول عمري بعمله من يوم ما لبست نضارات من حوالي 24 سنه (قمه الاختلاف في المقاسات بصراحه )
    فاصريت اني اخد الاشعه معايا والممرضه استغربت من كلمه 6 شهور
    بس هو ربنا بيعمل الصالح وكان بيبعدني عن العالم دي
    وكان فيه ناس كتير قالولي انهم مش مرتاحين للدكتور ده
    اسم الدكتور محمد فتحي

    الجزء الثاني

    معارفي رشحولي 2 دكاتره تانيين اروحلهم
    واحد في مصطفي كامل ومعندهوش وقت للعيال والكشف بفلوس والاستشاره بفلوس وتقريبا السلام عليكم بفلوس وتلاقيهم مشغلين واي فاي بفلوس كمان
    - والتاني قالولي عليه راجل محترم بيسمع للعيان بتاعه وبيرد عليه وعيادته في محطه الرمل
    واسمه الدكتور محمد بهجت وعيادته جنب المختار بتاع النضارات في صفيه زغلول
    فقولت الاقربون اولي
    =====================================
    دخلت العياده وفيها سكرتير ملهوش حل
    مخه جايب الناس من ايام فحت البحر وفاكر الاطفال من ايام ما كانو بيرضعوا
    ومكنتش حتفاجئ لو لقيته بيقول لعيل انا اعرفك من ايام ما كنت خليتين واحده في بطن امك والتانيه في بطن ابوك (:

    نتحرك بقي من قمه قله الذوق والاستفزاز ومش عاوز اقول السفاله ومعامله المريض انه حمار والدكتور هو العالم
    لقمه الاحترام والذوق والاخلاق والتواضع والشياكه والنضافه والهدوء والاخلاق
    دخلت دفعت الكشف (50 جنيه )
    ولما جه دوري دخلت كشفت والدكتور شاف الاشعه وقالي تحط قطره واكشف عليك تاني كنت حبوس ايده واقوله كفايه قطره
    دا انا فضلت 4 ايام مشوفش
    قالي لا دي 24 ساعه بس
    وفعلا حطيت القطره وقعدت ساعه ونص ودخلت تاني
    وكله تمام
    ======================================
    نيجي بقي للماديات والفنيات
    الدكتور قالي تكلفه العمليه 3000 او 4000 جنيه
    طيب ايه الفرق ؟؟
    الفرق اننا حنعملها بحاجه اسمها SBK
    وهنا بدات المحادثه اللي بينت انه اكثر احتراما من ما توقعت
    فضلت اسال وهو يجيب ومبخلش عليا باي معلومه بس عقلي هو الي بخل عليا بالفهم بنقاط كتير بس ححاول اشرح بسرعه ايه هي تقنيه ال sbk علي قدر ما عرفت ادور علي جوجل
    يعتمد ال SBK (Sub-Bowmann Keratomileusis)a على تقنيات فائقة الجودة تتيح فصل طبيقة رقيقة جداً من القرنية سمكها أقل من 100 مايكرون فقط (المايكرون = 0.001 من الملليمتر)، مما يتيح المزايا الآتية:
    · إمكانية عمل الليزك فى حالات القرنيات الرقيقة والتى لا يمكن عمل الليزك العادى لها.
    · إمكانية تصحيح عيوب إبصار بدرجة أكبر.
    · الحصول على قرنية ذات مواصفات بيوميكانيكية أفضل.
    · سرعة النقاهة بعد الليزك.
    · تقليل الإحساس بالجفاف المؤقت بعد الليزك.
    · جودة الرؤية المتميزة بعد الليزك.

    من الاخر فرق مشارط
    مشرط جهاز اليزك العادي بيشيل شريحه سمكها او علي ما اظن الفاقد في قطع الشريحه من 130 ل150 ميكرون
    انما ال sbk من 70 ل80 ميكرون وبيستعمل لمره واحده ويترمي بعد العمليه
    دا غير ان مشرط اليزك العادي لو عمره الافتراضي 5 عمليات ويتغير فمظنش ان فيه حد بيغير حاجه غير بعد ما يمصمصها ويجيب جدورها
    وهنا بتحصل عيوب في الجراحه (الموس التلم يقطع فالوش ودي عين مفيهاش معلش)

    المهم يوم السبت روحت المستشفي 12 الضهر برضه
    وعملولي اشعه تاني علي القرنيه
    ودخلت عملت العمليه
    وفي كل خطوه كان الدكتور بيشرحلي الي حيحصل واللي حشوفه والي حشمه
    وفي النهايه اكتشفت ان الليزك ما هي الا عباره عن لمبه خضرا بتبحلق فيها
    وريحه شياط بتشمها (تقريبا بيحرقوا حواجبك)
    وسوائل بيغسلوا بيها عينك
    يعني الموضوع بسيط ممكن الواحد يعمله في البيت (: بس اكيد فيه تعويذه بتتقال انا معرفهاش
    وبعد ساعات من العمليه الرؤيه وضحت
    وعلي راي زميل محترم قالك الواحد بعدها بيشوف قرايبه اللي علي زحل

    يتبع



    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  2. #2

    الصورة الرمزية Amr ashraf

    رقم العضوية : 158160

    تاريخ التسجيل : 30Mar2014

    المشاركات : 11

    النوع : ذكر

    الاقامة : D M A N H O U R

    السيارة: لما تيجي الأولي

    السيارة[2]: Lesa

    الحالة : Amr ashraf غير متواجد حالياً

    افتراضي -

    الف سلامة عليك



    بس والله انتا هلكتني من الضحك

    من أسلوبك الراءع


  3. #3

    الصورة الرمزية waleed0

    رقم العضوية : 158147

    تاريخ التسجيل : 29Mar2014

    المشاركات : 98

    النوع : ذكر

    الاقامة : القاهرة

    السيارة: لا

    السيارة[2]: لا

    الحالة : waleed0 غير متواجد حالياً

    افتراضي -

    هههههههههههه
    ايه دا دي عملية ولا مسرحية كوميدية
    بجد سردك للقصة ممتع متابع بشغف


  4. #4

    الصورة الرمزية RAPID

    رقم العضوية : 130632

    تاريخ التسجيل : 27Oct2012

    المشاركات : 843

    النوع : ذكر

    الاقامة : Cairo

    السيارة: Verna 07

    السيارة[2]: 128

    الحالة : RAPID غير متواجد حالياً

    افتراضي -

    الف سلامة عليك يا باشا


  5. #5

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    سمك القرنيه المناسب لعمل عمليه الليزك او الطبيعي بيكون ما بين 535 و510 ميكرون
    لو اكتر من كده مفيش مشاكل
    لو اقل من كده فيها بلاوي
    المهم دي اول اشعه عملتها علي القرنيه في مركز الكتاركت ودي نتايجها
    وفيها مقاس القرنيه متعلم عليه بسهم ودايره حمرا




    عين سمك قرنيتها 515 وعين سمك قرنيتها 538
    ودا الي خلي دكتور شريف منسي ( طبيب عيوننا الجميل وصديقي العزيز واخي الاكبر )
    يمسكني يمرمطني
    لان سمك القرنيه عندي ضعيف ولو لا قدر الله فيه مشكله فالعمليه مش حينفع تتعاد
    يعني من الاخر عيني عامله زي الكلينكس مع الليزك
    استعمال مره واحده بس

    بس طلعتلي مفاجئه تانيه
    ان دي الاشعه الي عملتها في مركز الصفوه




    بتقول ان سمك القرنيه عندي في عين 530 ميكرون والتانيه 531 ميكرون
    والله اعلم الحقيقه فين
    لاني مش حدفع 200 جنيه كمان واعمل اشعه تالته علي القرنيه في مكان تالت علشان اعرف مين فيهم صح ومين غلط
    وعلي ما اظن ان مفيش جهازين اشعه في مصر حيطلعوا نفس النتيحه
    بس لما ربنا بيقفلها من ناحيه شخص او مكان معين
    ويسهلها بدرجه كبيره من ناحيه شخص اخر ومكان اخر
    فاظن ان نتيجه المكان ده اصدق
    وجايز برضه علشان الاولي كانت من غير قطره توسيع
    والتانيه بعد قطره التوسيع باقل من 48 ساعه
    لو فيه حد مختص يا ريت يفيدنا باجابه وافيه
    ومن الاخر الاشعه لبيان بس ان كنت مناسب تعمل العمليه ولا لا بغض النظر عن اي حاجه تانيه


    الدروس المستفاده بقي من عمليه الليزك
    1- توفيق ربنا وكرمه فوق اي حاجه ومهما مصلحتك اتعطلت متزعلش وقول الحمد لله لان ربنا كاتبلك الخير في مكان تاني
    2 - دور علي دكتور محترم قبل ما تدور علي مكان كبير وغير كده مش شرط علشان غيرك ارتاح في مكان ترتاح فيه انت كمان دي تدابير من ربنا
    3- خلي الحاجه تاخد بالها وهي معديه من جنب سريرك علشان متدوسش علي نضارتك وتدفعلك تمن العمليه (:
    4- كان نفسي اشتري شامبو اللي مبيعملش دموع بس الدكتور قتل الحلم جوايا لما قالي مفيش مشاكل ومش محتاج تجيبه

    طولت عليكم جدا
    وكتبت كتير اوي
    وناس كتير حتزهق من طول الموضوع
    بس حبيت للامانه اقول كل اللي حصل معايا
    جايز ناس تستفيد ويكون الموضوع مرجع كويس لاي حد يحب يعمل العمليه او ينصح حد بيها

    وشكرا
    محمد الشنوري


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  6. #6

    الصورة الرمزية طارق _عبد السلام

    رقم العضوية : 70100

    تاريخ التسجيل : 09May2010

    المشاركات : 4,215

    النوع : ذكر

    الاقامة : المحله الكبرى

    السيارة: kia.carens

    السيارة[2]: octavia fantazia

    دراجة بخارية: ......................

    الحالة : طارق _عبد السلام غير متواجد حالياً

    افتراضي -

    ياباشا حمد لله على سلامتك
    ده انا عشت معاك الموضوع بالتفصيل لدرجه انى كنت هضرب الدكتور الجلياط بتاع الكشف الاول اصل انا ما اكره فى حياتى قد العالم الجلياطه دى اللى بيتكلموا بتكبر
    والف مبروك الرؤيه بوضوع
    سؤال كده ..
    هى لها سن معين اصل واحد فتى ليا وقالى متنفعش بعد سن معين وانا سنى 46 سنه هل تنفع ولا الافندى كان بيفتى لانى مهتمتش بعدها
    بس بعد حكايه انها لمبه خضراء بس كده هتشجعنى جدا


  7. #7

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    اقتباس المشاركة الأصلية كتبت بواسطة amr ashraf مشاهدة المشاركة
    الف سلامة عليك



    بس والله انتا هلكتني من الضحك

    من أسلوبك الراءع
    الله يسلمك يا باشا
    ونورت موضوعي

    اقتباس المشاركة الأصلية كتبت بواسطة waleed0 مشاهدة المشاركة
    هههههههههههه
    ايه دا دي عملية ولا مسرحية كوميدية
    بجد سردك للقصة ممتع متابع بشغف
    عمليه والله ههههههههههههه
    بس سواء عيطنا او ضحكنا حتتعمل
    يبقي نضحك ومنركبش روحنا الهم

    اقتباس المشاركة الأصلية كتبت بواسطة rapid مشاهدة المشاركة
    الف سلامة عليك يا باشا
    الله يسلمك يا باشا

    اقتباس المشاركة الأصلية كتبت بواسطة طارق _عبد السلام مشاهدة المشاركة
    ياباشا حمد لله على سلامتك
    ده انا عشت معاك الموضوع بالتفصيل لدرجه انى كنت هضرب الدكتور الجلياط بتاع الكشف الاول اصل انا ما اكره فى حياتى قد العالم الجلياطه دى اللى بيتكلموا بتكبر
    والف مبروك الرؤيه بوضوع
    سؤال كده ..
    هى لها سن معين اصل واحد فتى ليا وقالى متنفعش بعد سن معين وانا سنى 46 سنه هل تنفع ولا الافندى كان بيفتى لانى مهتمتش بعدها
    بس بعد حكايه انها لمبه خضراء بس كده هتشجعنى جدا
    طارق باشا منور الموضوع
    والله الواحد مش عاوز يشتم في العالم الجلياطه دي بس يمكن مش دي طبيعته وربنا زرع فيه الجليطه معايا علشان يكفيني شر كان ممكن يحصل فالعمليه
    لان زي ما بقولك ناس كتير يكلموني ويقولولي احنا مش متطمنين للدكتور ده
    وسبحان الله ولا حد فيهم يعرفه ولا حد فيهم شافه
    انا جيبت اللمبه والشعر الي حنحرقه والميه اللي حنرشها علي العين
    بس ناقصني التعويذه الي بتتقال
    فللاسف حنحتاج للدكاتره برضه (:
    بص
    العمليه دلوقتي ملهاش حد اقصي للسن
    بس لازم تعمل اشعه علي القرنيه الاول علشان فيه قرنيات عيوبها بتمنع عمل عمليه الليزك
    زي القرنيه المخروطيه والقرنيات الضعيفه
    والعيون الي ضغطها عالي
    وامراض السكر ونسب معينه في الاستجماتيزم
    والله اعلم
    فالسن مش مشكله
    انما هل الحاله الصحيه العامه للمريض تصلح ولا لا
    هي دي المشكله


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------


  8. #8

    الصورة الرمزية Dr.Solom

    رقم العضوية : 130623

    تاريخ التسجيل : 27Oct2012

    المشاركات : 613

    النوع : ذكر

    الاقامة : شبرا

    السيارة: Optra A/T F/O

    السيارة[2]: Nubira II

    دراجة بخارية: N/A‏

    الحالة : Dr.Solom غير متواجد حالياً

    افتراضي -

    حمد الله على السلامه يا كبير
    انا مقدرتش امسك نفسى من الضحك كالعاده :d ومبروك عليك الدنيا بقت اتش دى

    There are No Regrets in Life.. Just Lessons ...!


  9. #9

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي -

    الف حمدلله علي السلامة يا مافيا
    ناوي تعمل ايه بالشنبر القديم
    لازمك ؟
    :-)

    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  10. #10

    الصورة الرمزية SHNORY

    رقم العضوية : 4703

    تاريخ التسجيل : 21Jan2008

    المشاركات : 17,465

    النوع : ذكر

    الاقامة : alex

    السيارة: none

    السيارة[2]: lada samara 1990

    دراجة بخارية: none

    الحالة : SHNORY غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة dr.solom مشاهدة المشاركة
    حمد الله على السلامه يا كبير
    انا مقدرتش امسك نفسى من الضحك كالعاده :d ومبروك عليك الدنيا بقت اتش دى
    مش كنت طلعت دكتور عيون يبني انت
    كان زماني مطبقلك ورقه ب50 ومخلصين المصلحه (:


    لا تحزن إذا فاتك قطار الزواج، فلأن يفوتك القطار خير من أن يدهسك..
    ---------------------------------



 
صفحة 1 من 9 1 2 3 4 5 6 ... الأخيرةالأخيرة

المواضيع المتشابهه

  1. عملت عمليه الليزك انبارح حد ليه نصائح ليا
    بواسطة احمد المصرى في المنتدى المنتــــــدى الاجتمــاعى
    مشاركات: 70
    آخر مشاركة: 22-08-2014, 09:49 PM
  2. استفسار بخصوص عمليه الليزك
    بواسطة ramy_gamal في المنتدى المنتــــــدى الاجتمــاعى
    مشاركات: 25
    آخر مشاركة: 15-12-2013, 09:36 PM
  3. اية اضرار عملية الليزك
    بواسطة ahmedhcl في المنتدى عيــادة نايـل مـوتـورز
    مشاركات: 7
    آخر مشاركة: 16-06-2013, 02:58 PM
  4. نصائحكم لما بعد الليزك
    بواسطة Karim_Monir في المنتدى المنتــــــدى الاجتمــاعى
    مشاركات: 21
    آخر مشاركة: 27-05-2012, 05:55 PM
  5. و رجعتلكم بعد الليزك
    بواسطة gabry832003 في المنتدى أوبـــــل
    مشاركات: 21
    آخر مشاركة: 24-09-2011, 01:42 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2