سيينا 2008 ولا byd

**ahmad--ezzat** · 05-10-2008 12:21 PM

مين الافضل يا شباب فيات سيننا 2008 فول اوبشن ولا ال byd 2008
اللى محركها متسوبيشى

**فادى** · 05-10-2008 03:42 PM

سيينا طبعا, بى واى دى عربية مجهولة الهوية و موتورها مش ميتسوبيشى و لا حاجة, دى حاجات بتروجها الشركة الصينية و اتحداهم يورونا العقد الى كتبوه مع ميتسوبيشى عشان ياخدوا المواتير بتاعتهم!! مفيش شركة بتبيع مواتيرها كده للى يدفع و خلاص.
فى المقابل السيينا سيارة تنتمى الى اسم عريق مشهور بصناعة سيارات مدنية ذات طابع رياضى دون التضحية بالراحة و العملانية, صحيح انها سيارة مخصصة للعالم الثالث, لكن جودتها و أدائها يوازى اداء السيارات الأغلى ثمنا.

**tutankhamoun** · 05-10-2008 03:52 PM

لو الشركة الصيني دي ليها اصل و فصل و بتصنع موديلات مختلفة و ليها اسم عالمي
كان ممكن افكر فيها
و على فكرة ممكن العربية فعلا تطلع حلوة و كل حاجة بس مش مضمونة
و زي ما الباشمهندس فادي قال
مجهولة الهوية حتى لو عربية حلوة
خليك في السينا ثمنها معقول و ليها توكيل و محلات قطع غيار

انتوا مش ملاحظين ان اي عربية صيني تنزل السوق
يقولوا ان موتورها ميتسوبيشي !!!!!!!!!!!!!!!!!!!

**ahmad--ezzat** · 05-10-2008 03:59 PM

انا ركبت ال byd عاملة زى الكرولا ال 2004 بالظبططططط مع جنوط عريضة مع كاسيت تويوتا سى دى مريات كهرباء سنتر وكل حاجة بالاضافة ان مكتوب على ماتورها ميتسوبيشى ومرسوم علامة الميتسوبيشى برضو (بالحفر) وبيقولو عفشة كرولا بس فى الاخر انت راكب بى واى دى (اى هبل واى كلام) بس الصراحة كامكانيات تضرب الانوس والفيرنا والبنتو والسيننا والنوبيرا كمان ةالافيو وكل دة بالجزمة