الموضوع: ممكن حد يفهمني الراجل ده عمل ايه

ايه يا جماعه هو الكلام للعرض فقط ولا ايه فين المشاراكات 13 مشاهده بدون ولا رد حد يعبرني طيب ويقول هبقي اسألك حتي

المشاركة الأصلية كتبت بواسطة KHALED2010

هههههههه ياعم هقولك انا ولا تزعل نفسك
اول حاجه ال سايق ده بيعرف يركب ولا بيركب وفى فرق بين الكلمتين جدا
ثانيا ال نى داون مش مقتصره على البايك بس زى ماقلتلك فى الاول ال راكب هوا ال بيحكم
ثالثا الطرق مع انه الطرق اخر حاجة عندنا فى مصر
فكرة النى داون عموما هوا انك وانت بتاخد الملف لاتنظر تحت البايك بل انظر لهدفك ال انت بتاخد الملف علشانه بمعنى لو هتلف فى ميدان بتركز على اخر نقطه فى الميدان ال بعدها الطريق هيستقيم وجسمك والبايك هيتحدوا مع بعض فى حركه ميكانيكية علشان يعدل الموتوسكل على اامن نقطه فى الطريق وهتلاقى نفسك بتنزل بالدراجه مه سحب جسمك قليلا للجهه ال بتنزل فيها بالبايك وتفتح ركبتيك قليلا بص هنزلك فيديو توضيحى لان جسمك والهوا ليه علاقة بس مش عارف افسرهالك نظريا

شكرا جدا لاهتمامك بالرد والتوضيح بس اللي انا بسأل عليه هو في الفديو بيقول انه عدل في حجات انا للاسف مش عارف ترجمة اغلبها والحجات اللي عدلها وغيرها رفعت اداء البايك من 160 cc ل 205 cc طبعا الواحد لو قدر يعمل الكلام ده هتفرق مع ناس كتير والكل هيجيب بايك متوسط الاداء يخليه سوبر بس حد الله يخليكو يترجم قع الغيار اللي اتغيرت

بمعني هو ترجمة الكلام ده
big bore
big valve ported high comp head
big carb +K&N
custem rase cam and ignation
حد يترجم وهنياله فاعل الخير والثواب في البايكرز اللي علي قدهم زي حلاتي

المشاركة الأصلية كتبت بواسطة KHALED2010

بص ياسيدى
big valve يعنى غير الصبابات بصبابات اكبر
big carb اختصار ل كربراتير كبير علشان يزود نسبة البنزين بس طبعا بعد ماعدل الصبابات وعمل مساحه زياده فى غرفه الحريق وديه اكيد عمل تعديل تانى علشان يضبط الكبس بتاع الموتور
k n فلتر اسبور فلتر لتنقية الهواء
وفى حاجات تكميلية بس ده المضمون تقريبا
يعنى تقريبا هوا عدل على نظام الوقود وغرفه الحريق علشان ببساطه يدى عزم وسرعه اكبر علشان يولد قدرة حصانيه اكبر بس ده طبعا صعب فى بلدنا لازم فى البلد الام وتقريبا فى المصنع كمان
تحياتى khaled2010

خالد باشا شكرا جدا للرد وربنا يسهل والواحد يلاقي ميكانيكي بيفهم ممكن يساعده في الموشوع ده و لما يحصل ان شاء الله انا هشير الموضوع علشان الكل ان شاء الله يستفيد وعلي فكره هو تقريبا غير قطع الغيار بتاعة الموتوسيكل الtvs ال160 سي سي بقطع غيار توكتوك لاني لاحظة انه غيرها ب205 سي سي وتقريبا لان الtvs بتعمل تكاتك كمان بس مش مهم . المهم انه خلي ال160 سي سي بقت 205 سي سي زي الفل بس نعرف احنا نعملها احنا كمان وربنا يسهلبس برده هي دي big bore