ممكن حد يفهمني مين مع مين و مين موش مع مين

**szrateb** · 10-05-2008 11:17 AM

بقالنا يومين نتابع مشكلة لبنان على شاشة الفضائيات
بصراحة انا احترت لسببين
الأول انك عندما تسمع اي واحد يتكلم تحس انه صح وباقى الاطراف غلط
بس موش عارف اذا كان كلة بيقول الصدق أو بيكذب
الثاني بصراحة انا موش عارف مين تبع المعارضة ومين تبع الحكومة
لو فيه حد متابع او متبحر في مشكلة لبنان يا ريت يشرح لنا
مع الشكر

**hamdy** · 10-05-2008 11:47 AM

السلام عليكم و رحمة الله
يا خي من غير منقلك وجهة نظري الشخصية
هما فرقتين :
فرقة الاكثرية : يمثلها وليد جمبلاط و ابن رفيق الحريري و فؤاد السنيورة رئيس الحكومة و غيرهم
وهذ الفريق له مصالح ضد المصالح السورية والنفوذ السوري في لبنان ويعتبر المعارضة
هي الامتداد الطبيعي للنفوز السوري في لبنان
فرقة المعارضة : سي حسن افندي نصر الله يمثل حزب مايسمونه بحزب الله و حركة امل و العماد
ميشيل عون زعيم التيار الوطني الحر، أكبر حزب مسيحي ومن أهم الأحزاب السياسية
المعارضة في لبنان

**szrateb** · 10-05-2008 11:52 AM

المشاركة الأصلية كتبت بواسطة hamdy

فرقة المعارضة : سي حسن افندي نصر الله يمثل حزب مايسمونه بحزب الله و حركة امل و العماد
ميشيل عون زعيم التيار الوطني الحر، أكبر حزب مسيحي ومن أهم الأحزاب السياسية
المعارضة في لبنان

طيب هو ايه سبب الخلاف اصلا بين المعارضة والحكومة هل هو ديني أم بسبب سوريا وايران

**aliabutaleb** · 10-05-2008 12:00 PM

الخلاف الأخير سببه إصرار الحكومة على تفكيك شبكة اتصالات حزب الله الخاصة في الجنوب واللي حزب الله بيعتبرها سبب رئيسي في النصر على اسرائيل في الحرب الاخيرة
وحزب الله بيعتبر ان الاكثرية كدة بتأتمر من أسرائيل وامريكا اللي أكدوا على ضرورة تفكيك شبكة الاتصالات دي
في نفس الوقت كانت الظروف الاقتصادية مش طيبة والمعارضة قررت تعمل اضراب للاعتراض على الظروف الاقتصادية فاستغل حزب الله الاضراب وسيطر على مطار بيروت ووصل الامر إلى سيطرته على كامل بيروت الغربية

**hamdy** · 10-05-2008 12:03 PM

بص وجهة نظري انا طبعا تحتمل الخطا و الصواب :
هو ان اصل الخلاف مذهبي مغلف باجندة سياسية دخلت فيها اطراف لتخدم اجندتها السياسية ليست لها علاقة بهذا الخلاف المذهبي بين الشيعة و السنة و المسيحيين
من ناحية هو ديني مذهبي لان حزب الله يستعرض نفوذه بالسلاح و امام كل الطوائف رغم انه اعلن انه لن يستخدم السلاح ضد اللبنانيين لكن واللهي هذا دأب الروافض الشيعة علي مر الذمان الكذب و الخداع فهذا الحزب يخدم النفوذالايراني في المنطقه من ناحية
اما تحالف سوريا مع ايران هو تلاقي مصالح لا اكثر فسوريا تسعي لردع الامريكان وتستخدم ايران و حزب الله كورقة ردع إذا ما احتاج الامر

**szrateb** · 10-05-2008 12:09 PM

المشاركة الأصلية كتبت بواسطة alijandroo

الخلاف الأخير سببه إصرار الحكومة على تفكيك شبكة اتصالات حزب الله الخاصة في الجنوب واللي حزب الله بيعتبرها سبب رئيسي في النصر على اسرائيل في الحرب الاخيرة
وحزب الله بيعتبر ان الاكثرية كدة بتأتمر من أسرائيل وامريكا اللي أكدوا على ضرورة تفكيك شبكة الاتصالات دي
في نفس الوقت كانت الظروف الاقتصادية مش طيبة والمعارضة قررت تعمل اضراب للاعتراض على الظروف الاقتصادية فاستغل حزب الله الاضراب وسيطر على مطار بيروت ووصل الامر إلى سيطرته على كامل بيروت الغربية

باين ان حزب الله عامل دولة داخل دولة يعني عامل جيش لوحدة و شبكة اتصالات لوحدة يعني من الطبيعي جدا ان الحكومة تقوم بتفككيك شبكة الاتصالات ونزع سلاحة الا اذا كانت تريد ان يقوم حزب الله بالاستقلال بالجنوب
بس اللي موش فاهمة انضمام ميشيل عون الى صف حزب الله وهل كل المسيحيين في لبنان في صف ميشيل عون أم ان هناك فرق اخرى
واسمع برضة عن الدروز دول بقى ايه موقعهم من الاعراب!!!

**hamdy** · 10-05-2008 12:42 PM

قعدنا نقول لغاية ما تعبنا يا جماعة حسن افندي مش امير المؤمنين ولا الدانكي شوت البطل
خدنا هجوم لغاية مشبعنا
قلنا لهم ان لو الروافض كان لهم يد علي اهل السنة و الجماعة لم يرقبوا في مؤمن الا و لا زمة
قللنا اطلعوا من البلد

**Hossam_Hassan** · 10-05-2008 12:52 PM

أهل مكة ادرى بشعبها، البنزين بقى ب 1.85 قرش

**wawoo** · 10-05-2008 01:00 PM

المشاركة الأصلية كتبت بواسطة szrateb

باين ان حزب الله عامل دولة داخل دولة يعني عامل جيش لوحدة و شبكة اتصالات لوحدة يعني من الطبيعي جدا ان الحكومة تقوم بتفككيك شبكة الاتصالات ونزع سلاحة الا اذا كانت تريد ان يقوم حزب الله بالاستقلال بالجنوب
بس اللي موش فاهمة انضمام ميشيل عون الى صف حزب الله وهل كل المسيحيين في لبنان في صف ميشيل عون أم ان هناك فرق اخرى
واسمع برضة عن الدروز دول بقى ايه موقعهم من الاعراب!!!

لبنان معندها جيش بمعنى الكلمة , حزب الله هو الجيش الوحيد اللى يقدر يحمى البلد فى حالة حدوث اى عدوان , و يبدو ان الغباء اللبنانى حيجر البلد لحرب اهلية جديدة , انا مش فاهم اللبنانيين دول فعلا , يموتو فى حاجة اسمها حرب اهلية , طيب عوزين يفككو حزب الله , طيب اية اللى حيكون مكانة , لو حزب الله انتهى حتلاقى اليهود تانى يوم بيتمشو فى شوارع بيروت , اللى بيحصل دة مهزلة بمعنى الكلمة و كلة بيصب مباشرة فى مصلحة اسرائيل , اللى حتقف تتفرج على لبنان و هو بيحترق منغير ما تخسر هى جندى واحد , حاجة جميلة اللحقيقة , فين جامعة الدول العربية فين مصر و السعودية من المهزلة دى .....

**aliabutaleb** · 10-05-2008 01:59 PM

الحقيقة ان شبكة اتصالات حزب الله كانوا عملوها عشان تسهل الاتصال بين أفراد الجماعة بعيداً عن تنصت العملاء والاسرائيليين
ويقال ان تقرير فينوجراد اللي حقق في سبب ما أسماه هزيمة اسرائيل في حرب لبنان الاخيرة كانت بسبب عدم استطاعة اسرائيل اختراق الاتصالات بين أفراد الحزب
وكان من توصياتها تفكيك شبكة الاتصالات دي

الموضوع: ممكن حد يفهمني مين مع مين و مين موش مع مين

LinkBack

أدوات الموضوع

عرض

-

-

-

-

-

-

المواضيع المتشابهه

ممكن حد يفهمني ؟؟

ممكن حد يفهمني

معلش ممكن حد يفهمني

ممكن حد يفهمني؟؟

ممكن حد يفهمني ليه؟

الكلمات الدلالية لهذا الموضوع

المفضلات

المفضلات

ضوابط المشاركة