سوال عن السيراتو ٢٠١٤ بخصوص السنتر لوك

**ahmedezar** · 03-04-2014 01:46 PM

عندى سوال فى موضوع اوتو لوك للسنتر لما العربيه بتمشى - العربيه مش بتقفل لوك خالص - والكتالوج بيقول ان فيه ظبط ليها ولما دخلت على الكمبيوتر فى السيتينج بتاع الباب لقيت فتح اللوك فقط وملقيتش اى حاجه عن الغلق - ازاى اخليها تقفل لما اتحرك

**said.d.y** · 03-04-2014 05:53 PM

الاساسى فى العربية ان السنتر لوك بيقفل اول ما العربية تتحرك، وكمان مينفعش تفتح السنتر لوك او اللوك بتاع اى باب والعربية ماشية.
راجع حضرتك الكتالوج اكيد هتلاقى اجابة لسؤالك ان شاء الله،،،،،،،،،،،،،،،

**Hosam_Optrawy** · 03-04-2014 07:02 PM

رديت على حضرتك في الموضوع التانى وعموما نقول تانى للإفاده :)

لما حضرتك تدخل على ال Settings بتاعت ال Door المفروض هاتلاقى حاجتين

Auto Door Lock و Auto Door Unlock

هذه الصورة تم اعادة تحجيمها . الحجم الافتراضي لها هو 800x600.

لما تختار ال Auto Door Lock هاتلاقى 3 اختيارات انك تلغيه خالص Off دا غالبا اللى حاصل عندك دلوقتى , او انه يقفل بعد ماتتحرك Speed , او يقفل بمجرد ماتحرك الفتيس Shift Lever

هذه الصورة تم اعادة تحجيمها . الحجم الافتراضي لها هو 800x449.

**Ahmed.Essam** · 04-04-2014 03:50 AM

المشاركة الأصلية كتبت بواسطة ahmedezar

ومعلش حسام بيه سوال تانى - هى معاها مفتاح ريموت للسنتر هل ده بتاع الانذار لان لما بافتح واقفل مش بتعمل اى صوت حتى لو قفلت بالريموت بس سيبت الزجاج مفتوح وفتحت الباب من جوه مش بتصفر - ولما فتحت كبوت العربيه لقيت فيه بوق بتاع سرينه جنب الموتور على الشمال - ده غير الكلاكس خالص اللى ورا الشبكه الاماميه- بس مش بيطلع اى صوت- هل البوق ده بتاع الانذار ومعطل

اسمحلي حضرتك اقولك لو حضرتك قصدك على الانذار اللي بيشغل الكلاكس لو لاقدر الله حصلت محاولة سرقة
جرب افتح العربية بالمفتاح نفسه مش بالريموت وافتح الباب هتلاقي الانذار اشتغل ان شاء الله

**Hosam_Optrawy** · 04-04-2014 03:54 PM

المشاركة الأصلية كتبت بواسطة ahmedezar

انا باشكر حضرتك على الاهتمام بس انا لما بادخل على السيتنج مش بلاقى فى القايمه غير autoanlock فقط ومش موجود اى حاجه تانيه والكتالوج قريته كله ومكتوب فيه زى ماحضرتك بتقول ورفعت الصوره - بس مافيش اى حاجه فى القايمه عن autolock - هل ده عيب فى السوفت وير - العربيه سعودى فيها فتحه سقف -ايرباج طاره مالتى مثبت سنسور خلفى متركب

ممكن تكون العربيه غير مجهزه بالأوبشن دا معتقدش انه سوفت وير , ممكن تبقى تبعتلى رقم ال vin بتاعك واعرفلك لان دى بتبقى من الحاجات المذكوره

انا مثلا عندى مكتوب من ضمن المواصفات

813AA1 SPEED SENS`G AUTO DR LOCK

المشاركة الأصلية كتبت بواسطة ahmedezar

ومعلش حسام بيه سوال تانى - هى معاها مفتاح ريموت للسنتر هل ده بتاع الانذار لان لما بافتح واقفل مش بتعمل اى صوت حتى لو قفلت بالريموت بس سيبت الزجاج مفتوح وفتحت الباب من جوه مش بتصفر - ولما فتحت كبوت العربيه لقيت فيه بوق بتاع سرينه جنب الموتور على الشمال - ده غير الكلاكس خالص اللى ورا الشبكه الاماميه- بس مش بيطلع اى صوت- هل البوق ده بتاع الانذار ومعطل

العربيات الخليجى اللى فيها انذار هاتلاقى في ستيكر ملزوق على ازاز السواق بالشكل دا

بالنسبه للصوت لما تقفل او تفتح فهى مابتعملش صوت , عربيتى سمارت كى

ولما حاولت اجرب الإنذار بالطريقه فتح الباب من الشباك او فتحها بالمفتاح بعد قفلها بالريموت المرتين ماعملتش اى صوت

**ahmedezar** · 05-04-2014 11:48 AM

الvin ده رقم الشاسيه

**ahmedezar** · 05-04-2014 11:55 AM

طب كده ده مش انذار - انا عندى مكتوب على الزجاج كده فعلا- يافرحتى واحد يكسر الزجاج او يدخل العربيه باي مفتاح والعربيه ماتصفرش ولا اى حاجه امال انذار لايه - لان العربيه فيها ايموبليزر - تانى حاجه البوق اللى فى حوض الماتور ده بتاع ايه لانه ممكن يكون بتاع الصوت بس عطلان