استفسار عن الانذار

**madoahmad** · 03-04-2014 02:16 PM

انا معايا لانوس 2004 فيها انذار وريموت العربية الحمد لله بيجيب من مسافة بعيدة. بس استفساري انه لما بركب العربية وادورها واقفل اللوك من الريموت الابواب كلها بتقفل .. واول مركن العربية وانا ببطلها بتفتح لوحدها وانا جوه العربية .. وده كويس مش المفروض طالما في الاوبشن ده موجود..المفروض ان العربية تقفل لوحدها لما اركبها وادوس فرامل ..ولو عاوز اخلي الشنطه تفتح من الريموت اعمل ايه ..لانه احتمال يكون الاوبشن ده موجود وانا معرفش بيتعمل ازاي . والريموت في 3 زراير lock>un lock>silent

**Ayman-Ahmed** · 03-04-2014 03:38 PM

ما هو حضرك طالما ركبت وقفلت اللوك من الريموت مش هيقفل تانى او يدى امر اقفال تانى او ان اللى وصلك الانذار موصلكش الفردة اللى بتقفل مع الفرامل بعد 10-20 ثانية.

الشنطة لازم يتركبلها قربة عشان تفتح من الريموت او ان الشنطة تكون كهربا مش واير من جوا العربية.

**abo3mmar2005** · 03-04-2014 03:50 PM

المشاركة الأصلية كتبت بواسطة ayman-ahmed

ما هو حضرك طالما ركبت وقفلت اللوك من الريموت مش هيقفل تانى او يدى امر اقفال تانى او ان اللى وصلك الانذار موصلكش الفردة اللى بتقفل مع الفرامل بعد 10-20 ثانية.

الشنطة لازم يتركبلها قربة عشان تفتح من الريموت او ان الشنطة تكون كهربا مش واير من جوا العربية.

طيب انا عايز شاري عربيه من سنه و الانذار الي كان فيها بايظ
و حركب انذار خلال الفترة القريبه و عايز اعمل الشنطه بالريموت
ايه المطلوب علشان كده ( زي القربه )
و ايه اسعار الحاجات

**a_mohamedsamir** · 03-04-2014 05:15 PM

المشاركة الأصلية كتبت بواسطة madoahmad

مش المفروض طالما في الاوبشن ده موجود..المفروض ان العربية تقفل لوحدها لما اركبها وادوس فرامل

دى بتكون خاصيه فى جهاز الانذار والكهربائى بيشغلها عن طريق توصيل طرف من جهاز الانذار مع طرف من لمبه الفرامل
بحيث ان السنتر يقفل مع اول ضغطة فرامل بعد 30 ثانيه من التدوير لو أنت واقف
أو مع أول ضغطة فرامل بمجرد ما العربيه تتحرك
و بالطريقه دى السنتر حيقفل من غير ما تدوس على حاجه فى الريموت ويفتح بمجرد م انت تبطل العربيه
ودى حاجه مفيده جدا خصوصا لو عندك اطفال صغيرين
أنا مشغلها مخصوص علشان لو سرحت ونسيت اقفل السنتر محدش من أولادى يفتح من غير انا ما احس

**Ayman-Ahmed** · 04-04-2014 01:27 AM

المشاركة الأصلية كتبت بواسطة abo3mmar2005

طيب انا عايز شاري عربيه من سنه و الانذار الي كان فيها بايظ
و حركب انذار خلال الفترة القريبه و عايز اعمل الشنطه بالريموت
ايه المطلوب علشان كده ( زي القربه )
و ايه اسعار الحاجات

هو انا للاسف مش متابع الاسعار ولكن انصحك عند تركيب الانذار تركبه فى توكيله لو هو وولف وده فى جسر السويس وتقريبا كان اخر سعر ليه 180 شامل التركيب.

القربة مش هقدر افيدك فيها ولكن ممكن تسال عليها فى التوفيقية او شارع دمشق او ببحث هنا فى المنتدى ممكن يكون حد ركبها وعمل موضوع بيها.