بص يا باشا علو صوت الموتور في الافيو عادي خالص دي عشره 8 سنين و ممكن تبقى ماشي عادي خالص ووتلاقي rpm على مره واحده و صوت الموتور هو كمان بقى صوته عالي و مش عارف تعمل ايه، ولا حاجه هي شويه و هتظبط لوحدها ف متتخضش و عود نفسك انك لازم تسخن العربيه حلو الصبح قبل ما تتحرك بيها، بالنسبه للباب روح التوكيل و اعمل مشكله علشان ده عيب تقفيل و مش المفروض يكون موجود، بالنسبه لرشاش الزجاج الأمامي الموضوع سهل قوى دوسات سريعه متلاحقة و هتلاقى الموضوع سهل خالص و تانك مياه الرشاش مكانه زي ما قال الأستاذ المحترم خلف الفانوس اليمين مباشرة، و بعدين موضوع الزيت ده مش مهم قوى لأنه بيعتمد على ميزانية صاحب السياره أهم حاجه تابع المؤشر من وقت لتاني و التزم بالكيلومتر بتاع كل غيار، تداخل الموجات حله سهل حاول تغير مكان القنوات و احفظها مره تانيه على الموجات الجديده الدنيا هتبقى تمام، و أخيرا الف مبروك و خد بالك أن الافيو حماله إليه دوس. و متخافش و انا تحت أمرك يا باشا
الله يكرمكم جميعاً و بارك الله فيكم
عن ثقةةفي كلامي عن تجربة ٤ شهور معااااناه
١ العربية بتحرق بنزين فعلا هتحط بنزين ٨٠ هتكركر معاك
٢ العربية فوق ١٢٠ انسي اي ثباااات نهائي حاول تفادي مطبات الهوا
٣ التزيق سيبك بقي من حوار التوكيل هيقولكلك هنغير و هنعمل و فلم وةفي الاخر هيزيق برضة
روح لي بتاع ابواب عربيات وةقولة الاربع بيبان بيزيقو خلية يظبطلك الرجلاش
٥ المتور انت لسة سمعت حاجة هههههههه دا انت هتسمع فرح لسة وةلسة هتحس بي معني العربية زباله مفيهاش عزل حراري
٦ العذبية في الجري مش بتعدي ١٧٠ دا لو الريح معاك لو مش معاك ابقي قبلني لو شمتها
٧ هتسمع طقة غريبة بعد شهرين كدة هتروح التوكيل هيقولوك لا دا تربيط عفشة وفلم حلو وةتمشي متسنجف و ملسوط وةترجع تسمعها بعديهاىبي اسبوع
و في الاخر هيقولك ياباشا تربيط تاني
وةفي الحقيقة عيب صناعه في العربية الوسة في الفتيس الاوتومتك
الباشا اللي بيقول صيانة ١٠٠٠ باشا مفيش صيانة ١٠٠٠ روح علي ٥٠٠٠ علي طول الكلام دا من واحد معرفة صيانة :-) ١٠٠٠ دي نصباية منهم
و موضوع الكست دا غريب عليا
موضوع تشبير الازاز شغل الهوايات بتاعت العربية علي الوش علشان كدة انت علملها علي الشبكة اللي عند الازاز وةكل الحرارة بتيجي علي الايزاز بتشبر
اخر حاااااااجة احب اقولك الفنوس بتعها ب ٣٦٠٠ الفردة الوحدة امن علي العربية علشان متزعلش جااامد
وةاحب اقولةعربية *******ؤوةتوكيل **********
و حسبي الله و نعم الوكيل انا بتاع بي ام و اوبل اركب شيفرولية ليييييييية
أنا قرأت مواضيعك اللى فى توقيعك , بالنسبة لواحد زى حضرتك عاوز تجيب ال 170 بالعربية , أكيد العربية لازم العربية تعمل معاك كدا :)
أنا آخرى بيها 120 : 130 و شكراً :)
ربنا يسترها معانا جميعاً , و أعتقد الأفيو ماليه مصر و الواحد بيتكعبل فيها فى الطريق و إن شاء الله تبقى قرفتها حلوه :) و تبقى عربيه زى الفل
أنا كان معايا قبلها volks wagen beetles 82 و عشان كدا دى بالنسبالى luxury :) و إن شاء الله هستحملها و هرمى حمولى على ربنا :)