الموضوع: ارجو ترشيح مولد كهربا يعنل بالغاز فقط يشغل تكييف طوال الصيف الحار

المشاركة الأصلية كتبت بواسطة sword00

المولدات والنصب
واحد صديقى قالى انا عايز مولد نظيف وفى واحد عنده مولدات كويسه وغاليه تعالى نشوفه وطالب نفس طلباتك من غير التكييف المهم لقينا عند الراجل مولد بيقول عليه انه هوندا نفس تصميم المولد الصينى مولد 3 كيلو ب 3700 جنيه قولت ده هوندا يابانى قال اه ده هوندا هوندا وعليه ختم هوندا قولت له طيب هوتدا مش بتصنع ولدات صغيره زى دى ثانيا ده مكتوب على الدينمو صنع فى ايطاليا قالى لا ده تصنيع يا بانى ومتجمع فى ايطاليا وبعدها لقينا عنده مكنه متجمعه فى الهند مش عارف هوندا اللى محتاسه بالمكن بتاعه دى هه
وكان فيه برده عنده مكنه بيقول عليها تصنيع ايطالى بالكامل ب 2500 جنيه خرجها 2000 وات ةمكنه كورى 3 كيلوا بمارش 2200 جنيه
الخلاصه كل المكن اللى فى السوق صينى وصوته عالى
المولدات اللى مش صينى قدرتها عاليه 20 كيلوا وانت طالع وكلها استعمال خارج وسعرها غالى جدااااا
النقطه الكويسه بقى اى مولد صينى تقدر تشغله على الغاز
قدره التكييف عندك قد ايه؟

النصب فى الموضوع ان بياع المولدات عاوز ينسب المولد كله لليابان
وده مش مظبوط
بالنسبة للمولد المكتوب على الدينامو بناعوا انه ايطالى فالمولد ده اسمه هوندا برافا وبيتجمع فى مصر والماتور بيكون هوندا يابانى والدينامو ايطالى ومفاتيح خرج الكهربا بتكون تقريبا نمساوى وبقية المولد بيكون مكونات مصرى زى المارش والاسلاك والبطارية ومولدات هوندا برافا مفيش منها بكاتم صوت

اما المولدات الهوندا الصغيرة فبتكون تجميع هندى ونفس حوار الهوندا برافا تقريبا بس على تجميع هندى

اما الاحجام الكبيرة من المولدات فى منها هوندا بس بتكون تجميع الصين
لان مولدات الهوندا اليابانى غالية جدا
يعنى حضرتك لك ان تتخيل من حوالى سنتين كان سعر المولد الهوندا اليابانى 1 كيلو رحلات بكاتم صوت وده بيكون مولد صغير محمول ومخصص للتخييم وخرجة يدوب يشغل تلفزيون ومروحة ولمبه كان سعرهة حوالى سته الاف جنية
اما الاحمال الكبير فى المولدات الهوند اليابانى وبكاتم صوت فممكن تعدى فاسعارها عالية جدا وعلشان كده نادرا لما هتلاقيها بس موجودة

واضمن مكان تجيب منه الهوندا برافا او الهوندا الهندى او الهوندا الصينى هو توكيل هوندا فى مصر تريدكوا الصياد وفى عنده هوندا يابانى بس الاحمال الصغيرة علشان غلو سعر الهوندا اليابانى

وتريدكوا الصياد ليه كذا فرع منهم فرع فى شارع شريف والمصنع على ما اتذكر فى العاشر من رمضان وطبعا بتاخد فاتورة وليك ضمان حوالى ست شهور على المولد بس المشكلة انك بتدفع 10% ضريبه مبيعات على سعر المولد يعنى المولد اذا كان سعره عشرة الاف جنية فبتدفع كمان الف جنية كضريبه مبيعات بس بتاخد مولد مضمون
وده موقع مولدات هوندا اليابانى وفى كتير منهم بكاتم صوت وهتلاقوا الاسعار مكتوبة بالدولار الامريكى واحسبوها دلوقتى وبعد اضافة الجمارك المولد هيكون سعره كام Honda Generators: Portable Generator Power for Home, Work, and Play

وده موقع مولدات هوندا برافا brava

المشاركة الأصلية كتبت بواسطة sword00

حضرتك عايز تقولى ان شركه هوندا بتعمل مولد وبتبيعه لمصر واحنا بنركب الدينموا الايطالى وبيكون ثمنه 1 على 10 من سعر المولد الهوندا الاصلى ثانيا هيا هوندا ليها مصانع فى الهند
وبعد كده هوندا لما عملت مولدات كبيره راحت تعملها فى الصين طب ليه معملتش المولدات الصغيره كمان فى الصين
الموضوع محل شكك كبير معلش
ثانيا انا ليه اشترى هوندا عشان الاسم فقط
انا عايز اشترى هوندا عشان يكون موفر فى البنزين اقل فى الصوت جوده فى التشغيل
لكن مولدات برافا نفس الصوت الصينى نفس استهلاك البنزين تقريبا
المولد الصينى قطع الغيار رخيصه ومتوفره

اولا /انا مستهلك زى حضرتك
مش تاجر

ثانيا /انا مقلتش ان هوندا بتعمل مولد وتبيعه لمصر
هوندا بتدى المواتير لمصنع مصر ويتم تجميع باقى المولد

ثالثا/ بالنسبة لمقولة حضرتك
((الموضوع محل شكك كبير معلش))
فحضرتك ممكن تخطف رجلك للمصنع بتاع العاشر من مضان وتوكيل تريدكوا الصياد
وتشوف بنسفك وتقطع الشك باليقين

رابعا /بالنسبة لاسئلة حضرتك
((وبعد كده هوندا لما عملت مولدات كبيره راحت تعملها فى الصين طب ليه معملتش المولدات الصغيره كمان فى الصين ))
((هيا هوندا ليها مصانع فى الهند ))
فالالسئلة دى حضرتك توجهها لشركة هوندا والمستورد مش ليا

خامسا /بالنسبة لاسئلة حضرتك
(( انا ليه اشترى هوندا عشان الاسم فقط))
انا مطلبتش من حضرتك او من اى حد تانى انه يشترى اى حاجة
انا قلت خبرتى الى اكتسبتها وانا بشترى مولد كهرباء
وانا اشتريت من حوالى سنيتن مولد هوندا برافا 7 كيلو ونص وممتاز جدا ويعيبه فقط صوته العالى ولكن تغلبت على هذا الموضوع بانى وضعته فى جراج المنزل وانا مجرب الصينى قبل المولد ده واقدر اقول لحضرتك وبالفم المليان ان الهوندا برافا احسن كتير جدااااااا من الصينى فى التحمل وثبات التبار وخرج الكهرباء
والهوندا برافا مفيهوش الكلام الفارغ بتاع الصينى الى يقولك ده خمسة كيلو وخرجة 2 كيلو بالاضافة لجوده كافة اجراء المولد واذا حضرتك اتفرجت على الهوندا برافا بنفسك هتعرف فرق الجودة بينه وبين الصينى
واذا حضرتك حابب تشترى الصينى فدى حريتك الشخصية واختيارك

وعلى فكرة استهلاك البنزين بيتوقف على عده عوامل يعنى المولد 7كيلو ونص زى الى عندى وموصل علية ست شقق ونور السلم فطبيعى استهلاكة يكون عالى فى البنزين
اما المولدات الكيلو والاتنين كيلو والتلاته كيلو على شقة واحدة فطبيعى يكون استهلاكة قليل فى البنزين