الموضوع: سعر الرابيد الأتوماتيك 2014 سيدان وفئاتها

المشاركة الأصلية كتبت بواسطة tamersalah

طيب ليه ما نقارنهاش بال a4 هي من جوه هي هي مع تعديلات في التابلوه وهل في المقارنة ظلم ليها لأن ال a4 أحسن والا ايه يا زعيم؟ أنا بسأل علشان معايا a4 موديل 99 وهغير للرابيد أوتو

تسلم على المعلومة والرد مقدما

السلام عليكم

سيادتك كل عربية من عربيات سكودا بتمثل خط في حد ذاته منفصل
يعني ايه؟

يعني مثلا نمسك اكتافيا
سيارة عائلية كبيرة الحجم من الفئة المتوسطة (ده تصنيفها)
فلسفتها: انها تقدملك راحة واتساع وحجم كبيييييييييييييييييييييير بمقابل مادي رخيص جدا ودي المعادلة الصعبة
الفئة المستهدفة بيها صغار رجال الاعمال والاسر والعائلات

وبالتالي الاكتافيا كل شوية تطور عربيتها لان الزمن بيتغير واحتياجات الناس بتتغير والمنافسة وظروف السوق بتتغير فلما بدات في 1995 حتي 2005 كانت ال A4 بتقدم كل الكلام اللي انا كتبته وبعدين لما الحال اتغير قدمته A5 وبعدين اتعمالها فيس ليفت (الفانتازيا) ودلوقتي A7 الجديدة اللي بشكلها ومواصفاتها بتقدم نفس الصفات


اما رابيد 2014 اما اقارنها باكتافيا 1995 يبقي ده اسمه استهبال مركب مع استعباط
لان الامتداد الطبيعي ل A4 هي A7 مش الرابيد


الرابيد عربية اقتصادية رخيصة جدا موجهه لفئة الشباب اللي ميحبوش يركبو الفابيا والستيجو اللي هم عربيات اصغر بتشغل شريحة مختلفة

وبعدين اللي كتير ميعرفهوش ان رابيد مش عربية جديدة من سكودا دي موجودة من بداية الشركة وكانت اول عربية ينتجوها سنة 1935

[sor2]http://www.eurooldtimers.com/temp/stroj_zoom_4968.jpg[/sor2]

وبعدين \طوروها شوية سنة 1985 بعد ما الشركة رجعت تشتغل تاني بعد ما كانت انهارت

[sor2]http://kep.cdn.index.hu/1/0/319/3193/31934/3193472_fb9559870acfacbf8e8b9c0cf42570bf_wm.jpg[/sor2]


ولما تحالفوا مع فولكس ومجموعة VAG اشترتهم عملو الرابيد الجديدة سنة 2010

[sor2]http://img.favcars.com/skoda/rapid/wallpapers_skoda_rapid_2011_1.jpg[/sor2]

وبعدين الان النسخة الاحدث بداية من مارس 2013

[sor2]http://1.bp.blogspot.com/-fU3uFoLYDQY/UeqZQ109pRI/AAAAAAAAAmo/FlVHzhr8geY/s1600/d9QWw.jpg[/sor2]


وبدل ما الموتورين بتوع المبيعات يسوقوا ليها علي انها سيارة عريقة وباكورة انتاج سكودا
بيكدبوا ويخدعوا الناس ويقولو عليها امتداد ل A4 حاجة تنرفز وتحرق الدم
وكل ده ليه؟؟؟
علشان سياسة التسعير الغريبة اللي بتدخلها في شريحة سعرية اعلي منها بكتيييير
وبعد كده نبقي نسمع ان كيا سول امتداد للسبورتاج القديمة وان الريو امتداد للسيراتو القديمة وان الفيرنا امتداد للالنترا وان بي ام دبليو الفئة الثالثة امتداد لمرسيدس 90 وان المنتدي بتاعنا امتداد لشارع احمد عرابي


تحياتي