بقالى 7 شهور وزهقت ومحتار !

**S O P H O S** · 04-04-2014 06:20 PM

لو فدولا يبقي لانسـر
وفعلا فكر فالريو والبيجو بردوا

**bayoumisoft** · 05-04-2014 03:59 PM

لانسر وريح دماغك

**Ahmed TRAVCO** · 05-04-2014 06:34 PM

انا مشكلتي مع اللانسر بومة مش ان شكلها قدم، انما الرخامة بقى انهم عدلوا فيها للأسوأ: عفشة امامية بتاعت الـ1300 + انهم شالوا الميزان الخلفي!!!! هي مع زميلي (2013) وشغالة كويس... بس فعلا لو بتمنها ممكن تجيب شارك تاني فئة ولا حاجة يبقى حلو قوي... مفيش بقى يبقى ممكن البيجو 301 عربية انتشرت وعاملة شغل حلو وفيها عوامل الأمان الأساسية...
الجين تو برضه قدمت جدا وفراملها سيئة، وان كان ثباتها ممتاز وصاجها ناشف... بس تقفيلها سيء جدا وتلاقي الملتي فنكشن ومكن الازاز بيعطلوا على طول بدون سبب...
الصني الجديدة انا بركبها في الشغل وكل السواقين بتوعنا بيشتموا فيها (مقارنة بالشكل اللي قبله)... ميزتها الوحيييدة انها واسعة جدا خصوصا في الكنبة، غير كده خامات وتابلوه مش عاجبيني خالص + مشكلة الكاوتش (وبالتالي ثبات غير جيد) واللي تقريبا اغلب ملاكها اشتكوا منها... وكمان العربية كلها هندي x مصري x صيني وصاجها ضعيف جدا جدا...
بالنسبة للأكسنت انا -مع احترامي لملاكها- مش بعترف بيها نهائيا لأن ثباتها في الضيااااع وصاجها وحش جدا، ولو كات بسعر اقل كنت ممكن ارشحهالك انما بـ140 والكلام ده حرام فيها بصراحة...