الموضوع: سؤال للفلوانساوية .. فيس ليفت ٢٠١٤

المشاركة الأصلية كتبت بواسطة ahmed_m_ashraf

هما كذا سؤال بصراحة .. أنا حاليا معايا لوجان ٢٠١٢ أوتوماتيك وبفكر خلال السنه دي على آخرها لو ربنا يسر يمكن أغير لحاجة أعلى ومن ضمن الإختيارات الفلوانس.

إنا عندي قائمة بشوية أوبشنز صعب التنازل عنها في أي عربية أغير ليها وده لأن الأوبشنز دي أنا مزودها في عربيتي وإتعودت عليها وعايز الحاجات دي تبقى في عربية المستقبل فبريكة مش أضطر أزودها مع نفسي أو من خلال التوكيل بعد كده. فعايز أتأكد من الأوبشنز دي من الناس إللي معاها العربية ...

الحاجات دي هي:
- إضائة زينون - موجوده .. بس يازيت التوضيح إيه الفئات إللي متوفر فيهت؟؟؟
- نظام صوت محترم - أنا حاطط عيني على الفئات العالية إللي فيها ٦ سماعات .. أظن ٤ في الأربع أبواب و٢ تويتر في التابلوه .. صح كده؟ هو النظام ده ليه ماركة معينة ولا ال generic بتاع رينو عشان شايف حد كان كاتب إنه Arkamys؟
- USB - هل موجود؟؟؟
- بلوتوث - موجود .. بس هل مكالمات فقط ولا بيسمح بتشغيل موسيقى من الموبايل كمان؟؟؟
- فاميه أو ستائر - أعتقد العربية زجاجها مش فاميه بس فيه ستائر للزجاج والأبواب الخلفية ..صح؟؟؟
- السقف - فتحة سقف ولا بانوراما وفي أنهي فئات ولا مفيش خالص؟؟؟
- حساس مطر وإضاءة - أعتقد فيه الإتنين بس ف أنهي فئات؟؟؟
- مكتوب في البرشور لنظام الصوت "من إمكانية توصيل RCA" - همه قصدهم AUX ولا RCA فعلا؟ وهل ده INPUT بدل ال AUX ولا OUTPUT عشان لو عايز تركب صبووفر أو بازوكا مثلا؟؟؟
- غلق السنتر أوتوماتيك مع الحركة - موجود أظن ..صح وفي أنهي فئة؟ طيب هل بيفتح أوتوماتيك مع التبطيل المحرك أو وضع الجير على P؟ ولا الفتح يدوي بس؟؟؟
- رفع الزجاج أوتوماتيك مع الغلق بالريموت - موجود ولا لأ وأنهي فئة؟؟
- طي المرايات كهربائي؟ أظن موجود .. صح؟ وهل يوجد طي أوتوماتيك مع الغلق بالريموت ولا من الزرار بس؟
- باركينج سنسور - هل موجود؟ خلفي فقط أم أمامي وخلفي؟ في أنهي فئة؟
- طي الكنبة الخلفية ثلث وثلثين - أضن موجود صح؟؟؟

أنا مركز مع الأوبشنز والتفاصيل الصغيرة .. باقي مايخص العربية من موتور لفتيس لوسائل أمان أنا عارفة.
*
معلش ممكن ناس تشوف إن التفاصيل دي هايفة بس أنا متأكد إن فيه ناس زي بتهتم بالتفاصيل دي وممكن تفيدني .. من الآخر بدور على أحسن رفاهيه ممكن ألاقيها من غير ما أركب ألماني أو أعدي ال ٢٠٠ ألف.

ياريت الرد يوضح إيه الفئات إللي ممكن ألاقي فيها الحجات دي هل لازم التوب لاين ولا ممكن الفئتين إللي قبلها ألاقي فيهم الكلام ده؟ وأعتقد الموضوع ده هيفيد كل الناس إللي متلخبطة في الأوبشنز بتاعت كل فئه أو إن الأوبشن ده موجود أصلا ولا لأ.

شكرا جزيلا مقدما

أحمد باشا....لولا انك طالب الزينون كان ممكن تختار فئة اقل من الهاى لاين و لكن للأسف الزينون بينزل فى الهاى لاين فقط

الحاجات دي هي:
- إضائة زينون - موجوده .. بس يازيت التوضيح إيه الفئات إللي متوفر فيهت؟؟؟
موجودة فى الهاى لاين فقط اللى سعرها 188 الف و هو فى الواطى و لما بتجيب العالى بيبقى الزينون شغال مع نصف الفانوس الاخر....زينون عدسات و ظبط اتوماتيكى دائم لارتفاعه عن طريق حساسات مع بخاخات تنظيف
- نظام صوت محترم - أنا حاطط عيني على الفئات العالية إللي فيها ٦ سماعات .. أظن ٤ في الأربع أبواب و٢ تويتر في التابلوه .. صح كده؟ هو النظام ده ليه ماركة معينة ولا ال generic بتاع رينو عشان شايف حد كان كاتب إنه Arkamys؟
النظام الصوتى مكون من 8 سماعات : اربعة فى الابواب و اربعة تويترات موجود فى كل الفئات- تويترات 2 فى التابلوه الامامى و 2 فى البيبان الخلفية--النظام الصوتى من تصميم ARKAMYS و هو ثلاثى الأبعاد
- USB - هل موجود؟؟؟
موجود كل الفئات
- بلوتوث - موجود .. بس هل مكالمات فقط ولا بيسمح بتشغيل موسيقى من الموبايل كمان؟؟؟
مكالمات و تشغيل موسيقى من الموبايل media streaming كل الفئات
- فاميه أو ستائر - أعتقد العربية زجاجها مش فاميه بس فيه ستائر للزجاج والأبواب الخلفية ..صح؟؟؟
الزجاج الجانبى فى الاربع ابواب و الزجاج الخلفى فاميه خفيف مش غامق كما يوجد 3 ستائر مدمجة خلفى و جانبى موجود فى كل الفئات
- السقف - فتحة سقف ولا بانوراما وفي أنهي فئات ولا مفيش خالص؟؟؟
فتحة سقف مش بانوراما و موجودة فى الهاى لاين و الفئة اللى قبلها
- حساس مطر وإضاءة - أعتقد فيه الإتنين بس ف أنهي فئات؟؟؟
موجود الاتنين فى كل الفئات
- مكتوب في البرشور لنظام الصوت "من إمكانية توصيل RCA" - همه قصدهم AUX ولا RCA فعلا؟ وهل ده INPUT بدل ال AUX ولا OUTPUT عشان لو عايز تركب صبووفر أو بازوكا مثلا؟؟؟
الفيس ليفت فيها AUX مش RCA و هو يعتبر INPUT او مدخل و فى كل الفئات
- غلق السنتر أوتوماتيك مع الحركة - موجود أظن ..صح وفي أنهي فئة؟ طيب هل بيفتح أوتوماتيك مع التبطيل المحرك أو وضع الجير على P؟ ولا الفتح يدوي بس؟؟؟
غلق السنتر موجود فى كل الفئات عند الوصول لسرعة 10 كم/ساعة، بيفتح لما حضرتك تفتح اكرة الباب من الداخل او تفتح زر السنتر العمومى من الداخل
- رفع الزجاج أوتوماتيك مع الغلق بالريموت - موجود ولا لأ وأنهي فئة؟؟
موجود فى كل الفئات بس مش متأكد من اول فئة اتوماتيك....بيقفل من الكارت او من الزرار اللى فى اكرة الباب
- طي المرايات كهربائي؟ أظن موجود .. صح؟ وهل يوجد طي أوتوماتيك مع الغلق بالريموت ولا من الزرار بس؟
الطى موجود من الزرار و مع الغلق بالريموت كمان و بتفتح مع التدوير
- باركينج سنسور - هل موجود؟ خلفي فقط أم أمامي وخلفي؟ في أنهي فئة؟
موجود اربعة خلفى فقط فئات الهاى لاين و ما قبلها
- طي الكنبة الخلفية ثلث وثلثين - أضن موجود صح؟؟؟
موجود كل الفئات

تحياتى

المشاركة الأصلية كتبت بواسطة ahmed_m_ashraf

الله يفتح عليك ويباركلك أستاذ هاني .. ،الله أنا كنت منتظرك إنت بالتحديد تجاوبني والأسلوب ده (نقطة نقطة) لأني ملاحظ إنك بتاخد بالك من التفاصيل دي .. بس ماشاء الله ده كده الفلوانس أول عربية ألاقي فيها كل إللي محتاجة. طبعا بالإظافة لإرتفاعها إللي مش بطال أبدا (أنا معايا لوجان .. واخد بالك :). ربنا يقدم إللي فيه الخير وينولهالي لو لي نصيب فيها وخير ليا. ويبارك لملاكها.
تحت امرك و ان شاء الله قريب نباركلك على الفلوانس
طيب سؤالين لحضرتك بقى (الطمع وحش) ..
أولا: الباركينج سنسور بيشتغل مع المارشدير بس ولا شغال على طول؟
بيشتغل مع المارشدير و ممكن تفصله من الاختيارات و ليه خمس مستويات للصوت و كمان رسمة عربية فى التابلوه لكل سنسور من الاربعة
ثانيا: أنا كنت قريت تقريرك عن التوكيل لما غيرلك الليد و قطمة الدركسيون. ده فرع سموحة ولا العامرية؟

فرع سموحة

تحياتى

المشاركة الأصلية كتبت بواسطة noapology

تصحيح صغير حساسات المطر والنور من اول e3 مش في كل الفئات

وستائر الابواب برضه من اول ال e3 فما فوق