الموضوع: ماذا تفعل أذا أضطرتك الظروف لخناقة مع سواق ميكروباص

هسيبو وأمشى ... لأن الفئه دى من الناس زى مقال الأخوة الأفاضل نادرا مبيكون حد منهم فايق وعارف هو بيعمل ايه (الا من رحم ربى) ... وبالتالى مبيكنش باقى على شيء ... وأنت في الأخر الى هتكون خسران .

حسبة بسيطة :
سواق المكروباص : اقصى تعليمة بيفك الخط - مبيفهمش - غير حضارى - طول النهار ضباط المرور بتشتمة بالأب والأم وتجرى وراة وتطلع تييييت امه واصبح ده عادى بالنسبة له .... طيب حضرتك طلعت (فان دام) وضربتة ...برضو عادى ... ياما انضرب ..مش فارقة .

حضرتك (المحترم) : بن ناس - أهلك صرفو عليك دم قلبهم عشان تبقى انسان راقى محترم - متعلم - بتفهم - أدمى - عمر ماحد شتمك - عمر محد ضربك في الشارع ... الخ.... طيب السواق الهمجى ضربك ... شكلك وحش جدا جدا ... عربيتك هتتكسر - ممكن يعملك عاهه مستديمة تفقدك شغلك المحترم ... أنت عندك اسرة (مسؤلية) .. من الأخر فارقة معاك .

ملحوظة : انا قلت (إلا من رحم ربى) ... وأنا طول عمرى بقول (الناس كلها لحين ابداء غير ذلك منهم )

المشاركة الأصلية كتبت بواسطة ahmed12345678

تصدق فعلا انا اكتر حاجة بكره اشتريها هى اللحمه من عند الجزار
وبحب اشتريها من كارفور ولا هايبر مع انها بتيقى اغلى من الجزارين بس بتكون حاجة كويسة وبتتعامل مع ناس كويسة
معرفش الجزارين ليه دايما تلاقى الواحد فيهم عامل زى الحيطة وكرشه قدامه متر
بس حضرتك معملتش محضر او تقرير طبى ضد الجزار
الموضوع خلص ازاى

عملت شكوى للمحافظ شخصيا بأطالبه فيها بإغلاق محلات الجزارة المخالفة على الطريق وحكيتله فيها القصة من طقطق لسلامو عليكم .... حول الشكوى على الشرطة واتصلوا بيا وأخذوا أقوالي ...طبعا كانوا عايزين مني اسم اللي عمل كده وعنوانه ورقم بطاقته باين ... أنا كل اللي كنت أعرفه عنوان المحل ,,, أمين الشرطة اللي أخذ أقوالي ما كانش بيعرف يكتب حتى خطه زي الزفت وكتابته كلها غلط ... وبعدين حصلت ثورة 25 يناير واعتبرت إن كل حاجة هتتصلح والبلد هتتحرر من الظلم والفساد .... ثم حدث ما كان

لا حول ولا قوة الا بالله
معلش حضرتك غلطان انك سمحتله يمشى ببوز عربيته بمحاذاة رفرفك الخلفى ده كدة حمار حصاوى رسمى وراكب عربية
وكان الاجدر بحضرتك انك تعذر غباءه من الاول و تحاول تتخلص من الوضع ده بأي شكل حتى لو كنت تكبر دماغك و توسعله من الاول


دول عالم اغبياء ده انا مرة ماشى على الصحراوى على 140 وبعدين فجأة كل العربيات اللى قدامى فرملت والمسافة البينية بيننا بدأت تقل، فطبيعى لازم تهدي لان ممكن يكون في شيء طارئ قدام انت مش شايفه ...

الا الاغبياء ولاد الاغبياء دول ، شايف ان كل اللى ضاربين استوب دول ما بيفهموش حاجة في السواقة وهو اللى ماجبتوش ولادة داخل وفاتح صدره و عمال يرعش نور ويلزق فيك من ورا من غير حتى ما يلمس فرامل ، عايز يعدي كل العربيات اللى هدت دى من غير حتى ما يتأكد او يشوف ايه اللى قدام .. طب افرض في مصيبة قدام يا متخلف يا اللى مش قادر تستنى ثانيتين بالظبط ، هتعمل ايه ساعتها !!!!!!!!!!

وما بيتعلموش من غباءهم ده ابدا تحس انهم كلهم متخرجين من مدرسة واحدة على مستوى الجمهورية ـ نفس سياسة انه يلزق فيك ويقلبلك نور حتى لو الطريق فاضى على يمينك وشمالك ، لازم يلزق فيك انت !!

ا تشوفهم راشقين كتير ع المحور بوشهم في اي حاجة بيحبوا يلزقوا فيها ومفيش فايدة ابدا ما بيتعظوش !


انا عن نفسى اي ميكروباص بشوفه في اي مراية وانا ماشى بعتبره موقف طارئ لازم اتخلص منه بأسرع وقت

من كام يوم طالع على مطب لقيت موتوسيكل كسر ادامى وجه ادام العربيه كان واحد وراكب ادامه عيل صغير ووراه اتنين كبار والتلاته شكلهم غلط
المهم قمت مكلكسله لانه ظهر ادامى فجاه و خضنى المهم قام عاملى حركه وحشه وهو اادامى
قمت نازل من المطب وزانق عليه بالعربيه وكلكس طويل رعبته و كنت هوقعه وعديته
لقيته كرر نفس الحركه فى المرايا
قمت مهدى ومستينه جه جمبى ووقف وبيقولى بالراحه انت سايق كده ليه
ما كنتش عارف انا بقوله ايه و وقف ونازلين يتشاكلوا
لقيتنى وانا بزعقله بقوله انا ممكن ازرعك فى مكانك انت والى يتشددلك انا يا ظابط يا ابن التيت
لقيت يا باشا الى يبوس ايدى والى يبوس رجلى على راى عادل امام
و حقك علينا اصل المكنه بايظه احنا اسفين يا باشا
الواد قالى كلمه الى هو والله العظيم يا باشا ما نعرف انه انت الى ورانا كنا مفكرين عيل تعبان
انا مش ظابط على فكره
بس ده الى حصل و فرحت و ما ادايقتش يومها من الموقف
بس فى موقفك يا باشا ادامك حل من اتنين يا تطير لو شايفه جاى وراك فى المرايا
او ممكن تجريه وراك لحد مكان انت عارفه و الناس عارفينك او لاقرب كمين او نقطه شرطه وتلبسه بلوه

حاجه من الاتنين
يا انت تقولو انا جيت جنبك
يا اما تنزل تتخانق معاه ورزقك على الله
انا لما بتعصب بعمل أى حاجه دووون تفكير ايه اللى بعد كده
بس لما يكون معاك حريم بلاش خناقات
وكمان أزفت فئه سواقين بتوع الموتسيكلات ويليهم التكاتك ولا أقولك كلو................
وربنا يسترها على الجميع